Azatlıq Radiosı

2022-08-31 16:45:06 Раиса һәм Михаил Горбачевлар

Алар 1953 елның сентябрендә өйләнешә һәм Раиса ханым 1999 елда лейкоздан вафат булганга кадәр 46 ел бергә гомер итә.

Горбачев тормышының иң кызыклы мизгелләре — безнең галереяда.

Ачылмаса, менә бу зирәк сылтамага басып карагыз.

@azatliqradiosi Открыть/Комментировать

2022-08-31 16:30:01 "Горбачев Татарстанның мөстәкыйльлегенә юл ачты"

Горбачев мирасы Русиядә бәхәсле булып кала. Хәбәрдарлык тарафдарлары аны мактаса, СССРның таркалуын афәт дип санаучылар нәфрәт итә. Ничек кенә булмасын, бу шәхеснең тарихка йогынтысы зур булды.

Татар-башкорт җәмәгатьчелеге Горбачевны ничек искә ала? Журналистлар, җәмәгать эшлеклеләре, сәясәт белгечләре, милли активистлар фикерләрен тупладык.

Ә сез Горбачев һәм аның мирасы турында ни уйлыйсыз? Фикерләшик!

Төп сәхифә
Көзге сәхифә
Телеграм

@azatliqradiosi Открыть/Комментировать

2022-08-31 14:39:46 Открыть/Комментировать

2022-08-31 14:32:39 Февральдән русияләрнең 80 проценты җыелган акчаларын өлешчә яки тулысынча югалткан

Бу хакта "АльфаСтрахование" уздырган сораштыруга таянып, Forbes хәбәр итә. Мондыйрак нәтиҗәләр:

8 проценты җыеп куйган бөтен акчаларыннан колак каккан.
21 проценты сакланган акчаларын тулысынча диярлек югалткан.
52 проценты исә зур булмаган өлешен югалткан.
19 проценты гына берни дә югалтмадык дигән.

Респондентларның өчтән бере февральдән башлап көндәлек чыгымнары якынча 20-30 процентка артуын сөйләгән. Тагын өчтән бере чыгымнарым 10 процентка артты дигән, 15 процент кешенең чыгымнары 50 процентка диярлек күбәйгән.

24 февральдә Русия Украинага каршы сугыш башлады. Шуннан соң Көнбатыш илләре Русиягә кырыс чикләүләр кертте. Бу вазгыятьтә Үзәк банк банкларда чит ил акчасын салдыру һәм сатып алуны чикләде. Русия икътисади үсеш министрлыгы бәяләмәсенә күрә, 2022 елда илнең тулаем эчке продукты 4,2 процентка кимиячәк, инфляция исә 2022 елның декабренә 13,4 процент булыр дип көтелә. Открыть/Комментировать

2022-08-31 13:36:01 Татарстан Югары мәхкәмәсе дә Казан активисты Андрей Боряшиновны 17 ноябрьгә кадәр сак астында калдырды.

31 августта Татарстан Югары мәхкәмәсе Казанның Вахитов районы мәхкәмәсе карарын үзгәрешсез калдырган һәм активист Андрей Бояршиновны 17 ноябрьгә кадәр сак астында тоту канунлы дип тапкан.

Аны Telegram-дагы язмалары өчен "террорчылыкка чакыру" һәм "террорчылыкны аклау"да гаеплиләр.

Бояршинов җинаять эше ачуларын "сәяси" гамәл дип атый, ул "бу сугышка каршы булдым, каршымын һәм каршы булачакмын да", дип белдереп килә. Открыть/Комментировать

2022-08-31 12:51:01 "Ул безгә 30 еллык тынычлык бүләк итте. Бүләк бетте"

"Новая газета" баш мөхәррире, Нобель тынычлык премиясе лауреаты Дмитрий Муратов СССР президенты Михаил Горбачев вафатына үз фикерләрен язды:

"Ул сугышны күрә алмый иде. Ул халыклар сайлавына ышанды. Ул сәяси токтыннарны иреккә җибәрде. Әфганстанда сугышны һәм кораллану ярышын туктатты. Хәтта күнегүләр вакытында да атом-төш һөҗүмне төймәсенә басарга баш тартуы турында сөйли иде миңа!"

"Ул үз эшеннән дә бигрәк хатынын яратты, дәүләт эшеннән дә югарыракка кеше хокукларын куйды, шәхси хакимлектән ныграк тыныч күк йөзенең мөһимлеген алга сөрде".

"Ул дөньяны үзгәртә алды, ләкин үз илен үзгәртә алмады, дигән фикер ишеттем. Бәлки, шулайдыр да".

"Ул безгә 30 еллык тынычлык бүләк итте. Бүләк бетте. Бүләк бүтән юк. Һәм бүләкләр башка булмаячак».

Әлеге фикерләр белән килешәсезме? Открыть/Комментировать

2022-08-31 12:07:52 Башкортстан Луһански "халык республикасы"ндагы мәктәпкә янә төзелеш материаллары җибәргән Башкортстан Луһански һәм Донецки "халык республикалары"на 25нче мәртәбә һуманитар ярдәм җибәргән. 70 тоннага якын йөкне сигез фура белән илтәләр, Бу юлы һуманитар йөкнең… Открыть/Комментировать

2022-08-31 11:05:01 Уфада яшәүче ирне WhatsApp төркемендәге язмасы өчен гаскәрне "дискредитацияләү"дә гаепле дип тапканнар

Уфаның Октябрь районы мәхкәмәсе Роберт Габитовны Русия кораллы көчләрен "дискредитацияләү"дә гаепле дип табып, 30 мең сум штраф салган. Ир WhatsApp-тагы 174 кешедән торган төркемгә язма җибәргән булган.

Мәхкәмәдә Габитов гаебен танымаган, бу хәбәрне телефонымнан шикәр чире белән авыручы туган апам җибәрде, ә үзем "хакимияткә каршы берни дә язмадым" дигән.

Башкортстанда бу мондый беренче генә эш түгел. Вконтактеда калдырган язулар өчен дә берничә кешегә штраф салынды.

Хәбәрне тулысынча Азатлык сайтында укырга мөмкин. Открыть/Комментировать

2022-08-31 10:10:07 Төркия галиме: "Татарда шундый гадәт бар — Мәскәүдән куркып яшәү"

Төркиядә төрки халыклар тарихын өйрәнүче галим Исмәгыйль Төрекоглы Шиһабетдин Мәрҗани мирасының мөһимлеге, шул ук вакытта Йосыф Акчура, Габделрәшит Ибраһимов кебек шәхесләрнең онытыла баруы, татар галимнәренең "урыслар ни әйтер" дип куркып, төрек шәхесләрен өйрәнмәүләре турында сөйләде.

Әңгәмәдән бер өзек:

— Ә хәзер университетта татарларга, татар тарихына яки шәхесләренә бәйле фәнни эшләр башкарыламы?

— Бездә татарлар турында өйрәнүчеләр күп, ләкин Казанда төрекләр турында тикшерүләр юк дип була <….> Без бөтен татар зыялыларын беләбез, ә Татарстан университетларында мондый дәресләр юк. Нигә? Урыслардан куркалар. Шуңа да, мисал өчен, кардәш халыкларның әдәбият тарихын өйрәтә алмыйлар. Татарстанда шундый проблем бар – нәрсә эшләсәләр дә, "урыслар нәрсә әйтер?", "урыслар нәрсә уйлар?", "урыслар безгә ачуланмасмы" дип, куркып яшиләр.

Тулысынча Азатлык сайтында
Көзге сылтама
Телеграм Открыть/Комментировать

2022-08-31 09:16:14 31 август, җәйнең соңгы көнен кыскача хәбәрләрдән башлыйк:

Белгород өлкәсендә ракетка каршы тору системы (ПВО) эшләгән, берничә шартлау булган. Җимерелүләр, зыян күрүчеләр юк дип язды өлкә башлыгы Вячеслав Гладков.

АКШ президенты Джо Байден, Британия премьер-министры Борис Джонсон, Еврокомиссия башлыгы Урсула фон дер Ляйен СССР президенты Михаил Горбачев вафатына карата фикер белдереп, аны "тимер пәрдәне" җимерүче, "салкын сугышка" нокта куючы дип атады.

Американың сугышны өйрәнү институты белгечләре Русия президенты Владимир Путин украин качакларын ассимиляцияләү, аларның мәдәни үзаңнарын юуу шартлары тудыра дип саный. Путинга Русиядә яшәүче мигрантлар өчен "адаптация үзәкләре" төзергә тәкъдим ителде. 24 февральдә башланган сугыш вакытында 3,5 миллионнан артык Украина ватандашы Русиягә китерелде, аларның күбесе үз теләге белән килмәде.

Бүген төнлә Мәскәүдән Екатеринбургка юнәлгән очкыч техник сәбәпләр аркасында ашыгыч рәвештә Казанда төшеп утырырга мәҗбүр булды. Салонда басым төшү сигнализациясе кабынган диелә. Открыть/Комментировать