Гродзенскі дзяржаўны гісторыка-археалагічны музей

18-19 красавіка адбыўся выязны семінар “Музейная экспазіцыя: вопыт і перспектывы” для дырэктараў і супрацоўнікаў дзяржаўных музеяў Гродзенскай вобласці.
Удзельнікі семінара пазнаёміліся з экспазіцыямі і арганізацыяй працы з наведвальнікамі Навагрудскага гістарычна-краязнаўчага музея, Дома-музея Адама Міцкевіча ў Навагрудку, з экспазіцыяй Музея яўрэйскага супраціўлення.

У рамках семінара ў Доме-музеі Адама Міцкевіча было праведзена паседжанне з удзелам кансультанта ўпраўлення культуры і народнай творчасці Міністэрства культуры Рэспублікі Беларусь Надзеі Віктараўны Аўдзей.
Супрацоўнікі Карэліцкага раённага краязнаўчага музея распавялі пра формы працы ў накірунку патрыятычнага выхаванні моладзі, Дзятлаўскага дзяржаўнага гісторыка-краязнаўчага музея – пра навукова-асветніцкую працу з наведвальнікамі ва ўмовах рээкспазіцыі.

Удзельнікі семінара таксама мелі магчымасць пазнаёміцца з экспазіцыямі Музея-сядзібы Адама Міцкевічаў “Завоссе”, Мірскага замка, Баранавіцкага раённага краязнаўчага музея.

Вялікдзень – адно з галоўных хрысціянскіх свят.  Сярод яго сімвалаў асобнае месца належыць велікоднаму яйку.

Існуюць чатыры разнавіднасці фарбавальнай і дэкаратыўнай практыкі: крашанка, пісанка, драпанка і крапанка. 
Крашанка – велікоднае яйка, пафарбаванае ў адзін колер. На пісанцы робіцца арнаментальны або сюжэтны ўзор.  Драпанка - яйка, на якое пасля афарбоўкі ўзор наносіцца металічным вастрыём.  Крапанка мае аднатонны фон, на якім размяшчаюцца плямы, палоскі ці  кропкі. Аднак, часта ўсе велікодныя яйкі называюць адным словам – «пісанкі».

Згодна з традыцыяй фарбаванне яек ажыццяўляецца ў Вялікі чацвер, а ў Вялікую суботу яйкі разам з пасхай нясуць у храм. 
Фарбаванымі яйкамі абменьваюцца падчас велікоднага вітання, дораць іх родным, блізкім і суседзям.
Раней пісанку клалі ў саламяны «павук», які падвешваўся ў цэнтры хаты. Таксама лічылася, што велікоднае яйка мела магічную сілу: яно здольна вылечваць хворых, тушыць пажары, дапамагаць у пошуку скарбаў.

У музеі вучні 6-8 класаў гімназіі №7 імя В. Т. Калакольнікава г. Гродна літаральна дакрануліся да старонак гісторыі, не проста адкрыўшы для сябе новыя факты гісторыі, пра якія распавялі пракуроры і работнікі музея, але доказы трагічных падзей.

Францішак Багушэвіч нарадзіўся 21 сакавіка 1840 года ў вёсцы Кушляны. Вядомы беларускі грамадскі дзеяч, паэт, празаік, публіцыст і перакладчык.

Вытокі творчасці Францішка Багушэвіча цесна звязаны з фальклорам, а таксама з лепшымі эстэтычнымі традыцыямі славянскай паэзіі. Першымі вядомымі паэтычнымі спробамі Францішка лічаць знойдзеныя ў Львове вершы на польскай мове: “Новы 1886 год”, “Прывід надзеі”, “Хто гэта”, напісаныя ў 1885-1886 гадах.

Увосень 1891 года ў Кракаве выходзіць першы зборнік паэта “Дудка беларуская” пад псеўданімам Мацей Бурачок, хоць яшчэ ў лісце да Яна Карловіча Багушэвіч называў свой зборнік не як “Дудка беларуская”, а “Жалейка”. Пры жыцці паэта пад псеўданімамі былі надрукаваны вершаваны зборнік “Смык беларускі” і апавяданне “Тралялёначка” .

У творчасці паэта таленавіта спалучаны філасофскае і мастацкае асэнсаванне лёсу беларускага народа. Францішак Багушэвіч лічыў мову “адзежай душы”, асновай існавання нацыі, заклікаў шанаваць родную мову.

Свята, прысвечанае птушкам з сямейства бекасавых, а менавіта Дзень кулёнаў, адзначаецца штогод 16 сакавіка.
Іх лёгка пазнаць па доўгай, злёгку выгнутай уніз дзюбе. Доўгая вострая дзюба дапамагае шукаць здабычу ў вільготным, мяккім дне. У нашай экспазіцыі “Жывёльны і раслінны свет балот Гродзеншчыны” ёсць 3 прадстаўніка сямейства бекасавых: грыцук вялікі, кулён вялікі і кулік-цякун.

Глава Гродненской области Владимир Караник принял участие в акции «Память.Мир.Созидание», которая стартовала на территории Нового замка в Гродно

В рамках которой был зажжен «Огонь созидания».

2 сакавіка адбылося адкрыццё выставы "Узы меж нами" мінскіх мастакоў Усевалада Швайбы і Тамары Дзяменцьевай

21 лютага ў музеі адбылося мерапрыемства, прысвечанае Дню экскурсавода! Вучні гродзенскай гімназіі №1 ім Я. Карскага прынялі ўдзел у акцыі "Юныя экскурсаводы".

Яны распавялі наведвальнікам пра нядаўна адкрытыя залы Старога замка: пакоі каралеўскага сакратара, каралеўскія лазню і капліцу.