Гродзенскі дзяржаўны гісторыка-археалагічны музей

2022-07-04 10:35:53 Прадстаўленыя ў калекцыі кручкі: вудзільныя (для лоўлі невялікай рыбы сямейства акунёвых ці карпавых), перамётныя (для лоўлі буйных драпежнікаў – шчупака, судака, сама) і ўніверсальныя.

Дзякуючы праведзеным даследаванням удалося усталяваць відавую разнастайнасць рыб, якіх лавілі ў Нёмане. Сярод 10 відаў рыб, рэшткі якіх выявілі падчас даследаванняў, большасць належала самам. На другім месцы – рыбы сямейства карпавых (лешч, жэрах, галавень, плотка), трэцяе месца належала судаку і шчупаку, і вельмі нязначная колькасць належала балтыйскаму асятру, ласасю і кумжы.

На фотаздымках прадстаўлены пазванкі сама, гліняныя грузілы, рыбалоўныя кручкі і фрагмент блешні, паплавок. Открыть/Комментировать

2022-07-04 10:35:05 Сёння раскажам вам пра рыбалоўства

На тэрыторыі Беларусі рыбалоўства вядома з мезаліту. Ужо ў канцы неаліту – пачатку бронзавага веку рыбу лавілі на касцяныя кручкі, сецямі з берасцянымі ці сасновымі паплаўкамі і грузіламі, гарпунамі.

Асноўныя аб’екты здабычы – шчупак, акунь, карась, лешч, плотка і лінь.

Аб папулярнасці гэтага промыслу ў сярэднявечным Гродне сведчыць вялікая колькасць знойдзеных рыбалоўных снасцей: кручкоў, паплаўкоў, гліняных і свінцовых грузіл, блешняў, восцей.

Па выяўленым падчас археалагічных раскопак рыбалоўным снасцям можна зрабіць высновы аб тым, што ў Гродне ў сярэднявечны перыяд пераважала лоўля на кручок.
Открыть/Комментировать

2022-06-30 10:43:11 Упершыню ў нашым музеі студэнты факультэта біялогіі і экалогіі ГрДУ імя Я.Купалы праходзяць экалагічную практыку.

Практыкантаў пазнаёмяць з экспазіцыйнай, фондавай, даследчай і іншымі відамі працы ў аддзеле прыроды.

Учора пачалося знаёмства з фондавай працай. Открыть/Комментировать

2022-06-30 10:40:55 Як працуе музей 30 чэрвеня – 3 ліпеня (Стары замак, Новы замак, Музей гісторыі Гарадніцы, Музей Максіма Багданавіча)

30 чэрвеня, 1 ліпеня, 2 ліпеня з 10.00 да 20.00
Каса:
Стары замак – да 19.00
Астатнія аб’екты – да 19.30

3 ліпеня з 10.00 да 18.00
Каса:
Стары замак – да 17.00
Астатнія аб’екты – да 17.30 Открыть/Комментировать

2022-06-29 15:45:38 У рамках Форуму рэгіёнаў Беларусі і Расіі наш музей ладзіць выстаўку “Гродзеншчына гістарычная”, якая адбудзецца ў Гродзенскім драмтэатры. Ідзе мантаж выстаўкі. Открыть/Комментировать