2022-08-09 12:21:06
Цэхі – аб’яднанні рамеснікаў адной ці некалькіх прафесій у еўрапейскіх гарадах. У мінулыя часы ствараліся з мэтай абароны ад самавольства феадалаў і канкурэнцыі іншых рамеснікаў. Дзейнасць цэхаў вызначалася статутамі, якія рэгламентавалі выраб, збыт, якасць, тэхналогію вытворчасці, умовы працы, арганізацыю навучання. Кожны цэх меў сваю харугву, знак, пячатку.
Гродзенскі цэх ганчароў і цагельнікаў – адзін з самых старых на Беларусі. На фотаздымку - адбітак пячаткі Гродзенскага цэха ганчароў і цагельнікаў 1845 - 1900 гг. (сургуч, дыяметр - 3 см.). Гэты адбітак захоўваецца ў фондах нашага музея. У цэнтры – французскі тарч, які падзелены на дзве часткі. У верхняй - зубр, у ніжняй - гаршчок з ручкай і будаўнічая кельня.
Віленскі генерал-губернатар у сакавіку 1893 г. ліквідаваў цэхі і ўвёў у Вільне, Коўне, Гродне і Беластоку “спрошчаныя рамесленыя правілы”. Цэхмістрам загадалі здаць пячаткі і старажытныя каралеўскія прывілеі.
31 views09:21