2022-06-02 15:35:01
Беларуская народная культура захоўвае ў сабе мноства рытуалаў, звычаяў і абрадаў нашых продкаў. Прапануем пазнаёміцца з імі бліжэй!
Вяселле лічылася адным з самых важных падзей у жыцці, гэтае свята насычана вялікай колькасцю рытуалаў і звычаяў.
Па традыцыі вясельны абрад праходзіў у тры этапы: падрыхтоўка да вяселля, вяселле і этап пасля вяселля.
Падрыхтоўка.
Вясельны абрад пачынаўся са сватаўства, якое праводзілася па сваіх правілах. Напрыклад, сваты маглі не пайсці да дзяўчыны і вярнуцца дадому, калі чорны кот перабег ім дарогу.
Бацькі, хросныя, браты або сёстры жаніха ішлі да сям'і нявесты. Сам жаніх на сватаўстве мог не прысутнічаць.
Сваты ніколі не прыходзілі з пустымі рукамі, яны прыносілі пачастункі: каравай, мёд, гарэлку.
Пачыналася ўсё з жартаўлівага дыялогу паміж сваякамі нявесты і сватамі: «кажуць, у вас цялушка добрая, то прадайце.» Бацькі нявесты вырашалі, адмовіць сватам ці не. Калі яны згаджаліся, то запрашалі сватоў ў дом, дзе пыталіся ў дзяўчыны, ці згодна яна выйсці замуж. У знак згоды выпівалася бутэлька, прынесеная сватамі. Гэтую бутэльку абвязвалі поясам, а ўнутр насыпалі зерне. Калі дзяўчына адмаўляла сватам, то яны маглі забраць усе свае падарункі.
Лічылася, што калі галоўны сват разаб'е бутэльку аб вароты незгаворлівай дзяўчыны, то яна не выйдзе замуж.
Перад вяселлем нявесты адзначалі «суборную суботу» — традыцыйны дзявочнік. Падчас «суборнай суботы» сяброўкі плялі вясельны галаўны ўбор нявесты — вянок. Ад яго залежыў лёс маладых, таму вянок стараліся рабіць прыгожым, роўным, круглым і тугім.
Да свята ўсе гатова! Хочаце даведацца, як праходзіла вяселле? Стаўце « » у каментарыях!
461 views12:35