2022-04-22 12:59:34
Пры адным поглядзе на гэтыя чырвоныя ўзоры, вышытыя на старадаўняй вышыванцы ў музеі або надрукаваныя на кейсе для смартфона, адразу з'яўляюцца думкі пра родны дом, пра сям'ю, пра Беларусь.
Атрымліваць асалоду ад прыгажосці беларускіх узораў і зразумець жыццё, каштоўнасці, мары нашых продкаў магчыма дзякуючы народнаму ткацтву, якое захавала для нас мноства традыцыйных арнаментаў. Майстрыцы аздаблялі тканымі ўзорамі адзенне, сурвэткі, фіранкі, навалачкі, абрусы, посцілкі, дываны.
Народнае ткацтва — бяздонная крыніца культурна-гістарычных звестак. Кожны ўзор — сімвал.
Трэба многа знаць, каб узор прачытаць.
Ці светлым сонцам, ці хатнім аконцам,
ці вешчай кукушкай, ці мяккай падушкай,
ці яркаю зоркай, ці ўдавою горкай,
ці спорым святам, ці родным братам,
ці роднай сястрыцай, ці светлай крыніцай,
ці зарой-зараніцай, ці добрай маладзіцай,
ці краснай дзявіцай, ці свежай вадзіцай.
(з кнігі «Беларускі арнамент» М.С. Кацар)
Нам будзе вельмі цікава даведацца, ці захаваліся ў вашай сям'і прадметы з традыцыйнай вышыўкай? Дзяліцеся сваімі гісторыямі ў каментарыях.
259 views09:59