sacral_BY

2022-02-19 09:12:13 #заславль #sacral_graveyard #sacral_jews #sacral_photo
Зараз распавяду пра месца для асаблівых перакрутаў з вялікай колькасцю вольнага часу.
Вось такую штуку паказвае мапа на поўдні Заслаўя і нават шыльда пра каштоўнасць. Гэта пагорак з ляском без сцежак. Ва ўсякім разе іх зараз не бачна, як і слядоў чалавека на снезе. А ведаеце, што там ёсць? Мацэвы. Габрэйскія надмагіллі. Іх не так шмат, надпісы на асобных цяжка разгледзець. Але ж ты паглядзі! Старыя могілкі дэтэктэд.
Шалом, шабат!
53.995535, 27.295950 - прыблізна тут. Открыть/Комментировать

2022-02-18 14:16:47 Открыть/Комментировать

2022-02-18 14:16:29 Я, канешне, дзіка выбачаюся, але днямі наведваў Заслаўе Чарговы раз, але ўпершыню з дронам. Маршруты пакуль такія. Холадна, страшна і нага баліць
Але зрабіў для сябе пэўныя адкрыцці. Напрыклад, "эка-сцежка" побач з царквою і Вілейска-Мінскім каналам. Гэта метраў 100 драўлянай грэблі з парэнчамі. Можа яна даўно існуе, але вось першы раз пабачыў. Прыемная дробязь. Нарэшце зайшоў у музей-млын. Спадабалася.
Хутка займуся допісамі і здымкамі з вышыні.
Ну і з пятніцай, спадарства! Открыть/Комментировать

2022-02-16 10:43:02 #василевичи #гара_цэгла #sacral_industrial #sacral_photo
Будавалі крухмальны завод. У пачатку 90-х закінулі. Так і застаўся на ўскрайку горада Васілевічы гэты мёртванароджаны гігант.
Больш здымкаў у альбоме.

Ну і давайце ўспомнім ролік па тэме. Открыть/Комментировать

2022-02-14 09:26:40 #снов #sacral_catholic #sacral_photo
Касцёл у стылі барока ў мястэчку Сноў быў пабудаваны ў 1760 годзе, хаця каталіцкая парафія з касцёлам драўляным існавала з XVII стагоддзя. Галоўным фундатарам быў тагачасны ўладальнік мястэчка Ян Хрысціян Рдултоўскі. Гэты род пазней пакіне нам прыгажэйшы класічны палац. Але вернімся да храму.
Пасля знішчэння Рэчы Паспалітай ён працягнуў дзейнічаць, але калі паўстанне Каліноўскага было задушана ў 1864 годзе, касцёл быў адабраны на карысць Маскоўскага патрыярхату. Пасля Першай сусветнай, пад уладай польскай адміністрацыі, каталікі вярнуліся ў сваю святыню. Прыйшлі "саветы" ў 39-м і зноў прагналі каталікоў. Прыйшоў 91-ы, прагнаў "саветы", вярнуліся каталікі
Такім чынам, зараз касцёл працуе, асвечаны ў гонар Святога Яна Хрысціцеля. А ў нішах перад ўваходам можам пабачыць статуі апосталаў Пятра (ён трымае ключы ад рая і паводле каталіцкай традыцыі лічыцца першым Рымскім папай) і Паўла з мячом, якім была адсечана ягоная ж галава. Дзякуючы апошняму, хрысціянства з юдэйскай секты ператварылася ў сусветную рэлігію. Ягонымі намаганнямі хрысціяне не робяць абразання і не выконваюць 613 запаведзяў. Хіба ж не малайчына? Открыть/Комментировать

2022-02-14 09:26:39 Открыть/Комментировать

2022-02-12 19:03:05 Прывітанне, шаноўныя!
@belsquad - файны паблік з ачмурэннымі мемамі, прышпіламі, гісторыяй Беларусі і яшчэ шмат іншым, прычым усё па-беларуску!
Далучайся і падпісвайся! Открыть/Комментировать

2022-02-11 09:08:59 #sacral_data
Традыцыйна віншую з народзінамі выбітнага мастака і вандроўніка па абшарам былой Рэчы Паспалітай, ураджэнца Піншчыны - спадара Напалеона Орду! 215 гадоў. Лічы, юбілей.
А вас, хлопчыкі ды дзяўчаткі, з надыходам пятніцы!
Якія мясціны на выявах пазнаеце? Што з гэтага наведвалі? Открыть/Комментировать

2022-02-10 17:17:00 #берёза #гара_цэгла #sacral_video
Невялікі ролік з аглядам бярозаўскага кляштара з вышыні. Звярніце ўвагу, што вялікая частка былога комплексу зараз занятая складамі базы забяспячэння. Ад гэтага ўяўлення маштабаў, уражанні толькі растуць!



Открыть/Комментировать

2022-02-09 10:02:36 #берёза #хзякіятэгі
У старадаўніх абарончых храмах былі тоўстыя сцены, байніцы і равы. А вось у сучасных - авіацыя ды бранятэхніка.
Чакайце-чакайце! Ці вось так. У абарончага храма сцены, байніцы, а ў наступальнага - танчыкі з авіяцыяй! Та-дам, тссс!

Царква сучасная, таму жарты замест нейкай там інфарматыўнасці. Эх, нешта і гумар чорны атрымліваецца, гледзячы на сучасныя абставіны... Открыть/Комментировать