2022-06-13 09:16:21
#waldmachtfrei
Здаецца, некалі допіс пра турыстычныя практыкі зайшоў спадарству. Таму сёння распавяду пра цацку, якую набыў ды выпрабаваў яшчэ ў тым годзе - пакрафт, ён жа надзіманы каяк. Цудоўная рэч, каб ладзіць самастойныя сплавы. Важыць менш за 5 кг, мае невялікі аб'ём, пры гэтым дастаткова трывалы. З гэтай мэты пачаў шукаць аблегчаны турыстычны рыштунак, каб быць больш мабільным.
Сёлета пачаў сезон на рацэ Бярэзіна. Пачаў заплыў у аднаёменным горадзе - Беразіне і праз трохі больш, чым содні, закончыў у Свіслачы - вёсцы Магілёўскай вобласці. Праплыў амаль 80 км - гэта шмат, далоні некалькі дзён ад вясла балелі і ўвогуле стаміўся выдатна.
Заплечнік атрымаўся больш за мінулыя сплавы (раней браў на 40 літраў, гэтым разам - 90), бо:
- нарэшце скарыстаўся ратавальнай камізэлькай (Бярэзіна адносна больш Свіслачы, па якой плаваў раней), яна не цяжкая, але аб'ёмная;
- узяў дрон, зрабіў класічнага для каналу кантэнту (чакайце );
- апрабаваў свежа набыты дыванок-саманадзімайку. Сапраўдная асалода - 6 см мяккасці ды цеплаізаляцыі (ноччу ячшэ было каляч 10°C). Але важыць трохі болш за 1 кг і каштуе 255 рублёў
Але вось на чым зэканоміў:
- амаль не браў вады, бо цяпер ёсць невялічкі паходны фільтр, вытворцы якога абяцаюць чысціць воду на over99,9999% ад усякай дрэні;
- харчаваўся сублімаванай ежай - проста дадай вады ды ясі сапраўдную ялавічыну\свініну з бульбай ці нечым яшчэ. Важыць мала, посуду не патрабуе, але зноў, цана кусучая
Яшчэ вартая рэч - гермамяшок для рэчаў, што нельга мачыць, тыпу спальніка, адзення. У тым годзе набыў на 32 літры. Зараз займеў яшчэ на тры, дзеля хуткага доступу да ўсякай дробязі. Таксама кавер на заплечнік, бо пырскаў ад вясла хапае.
Чарговы раз пераканаўся якая хрэнь аднаслаёвы намёт - раніцай мокры звонку ад туману, унутры - ад кандэнсату. Але што рабіць? Нармальны двухслаёвы намёт важыць 2 з лішнім кг (што ў два разы больш колішняга па масе ды аб'ёме). А яшчэ зразумеў, што сплаўляцца па невялічкіх рэках значна весялей.
Ёсць пытанні? Чакаю ў каментарах. Таксама буду ўдзячны за прапановы невялічкіх рачулак са зручнай лагістыкай. Каб можна было сваім ходам з заплечнікам дабрацца і, галоўнае, з'ехаць потым
545 views06:16