Бепул юридик ёрдам ва маслахат/Бесплатная юридическая консультация

2021-08-06 11:20:18 #Тезкор

Ўзбекистонга яна 1 миллион доза вакцина келтирилди

Бугун ZF-UZ-VAC2001 вакцинасининг яна 1 миллион дозаси юртимизга олиб келинди. Открыть/Комментировать

2021-08-06 11:02:28 #Биласизми

Жамоат тартибига таҳдид солувчи ёлғон ахборот тарқатиш тақиқланади

Каналга уланиш
@yuristuzbnews Открыть/Комментировать

2021-08-06 11:00:31 ЭМЛАШДАГИ ҚАРШИ КЎРСАТМАЛАРГА НИМАЛАР КИРАДИ?

САВОЛ.
Ассалому-алайкум. Меҳнат кодекси 113-моддада соғлиғининг ҳолатига кўра қарши кўрсатма мавжуд бўлмаганда дейилган. Бу нима дегани? Қарши кўрсатмалар кимларга тегишли? Бу қаердадир аниқ ёзиб қўйилганми?

ЖАВОБ.

МК 113-моддага мувофиқ ходимлар профилактик эмлашдан ўтишни рад этган тақдирда иш берувчи уларни ишга қўймасликка ҳақли эканлиги айтилмоқда. Лекин, 113-модданинг 3-қисмида бунинг учун ходимлар соғлиғининг ҳолатига кўра қарши кўрсатма мавжуд бўлмаслиги кераклиги белгиланмоқда. Яъни, эмлаш учун қарши кўрсатмалар бўлса, четлаштириш бундай ходимларга қўлланилмаслиги назарда тутилмоқда.

Хўш, қандай ҳолатлар вакциналашга йўл қўймайдиган, ходимларнинг соғлиғига қарша кўрсатма сифатида қабул қилинади?

Бу масалада Ўзбекистон Республикаси Соғлиқни сақлаш вазирининг 2021 йил 15 февралдаги 31-сонли буйруғи билан тасдиқланган “COVID-19га қарши эмлаш жараёнларини ўтказиш бўйича тартиб”га кўра, қуйидагилар COVID-19га қарши эмлашга монеълик (тўсиқ) қилувчи ҳолатлардир:

вакцинанинг компонентларига юқори сезгирлиги бўлган шахслар;

анамнезида оғир аллергик реакциялари бўлган шахслар;

ўткир юқумли ва юқумсиз касалликлар билан касалланганлар;

ҳомиладор ва эмизувчи аёллар (вакцинанинг ушбу контингентга хавфсизлиги тўғрисида маьлумот етарли эмаслиги сабабли);

18 ёшгача бўлган болалар;

ОИВ инфекциясига чалинган шахслар (вакцинанинг ушбу контингентга хавфсизлиги тўғрисидаги маьлумот етарли бўлмагани сабабли);

коронавирус инфекциянинг ўткир шакли симптомлари бўлган беморлар;

лабораторияда COVID-19 мусбат натижа берган, бироқ клиник белгилари кузатилмаётган шахслар;

коронавирусга чалинган беморлар билан мулоқотда бўлган шахслар (булар карантин муддати тугаганидан сўнг эмланадилар).

Мажбурий эмлаш ва ишдан четлаштириш эмлашга тўсқинлик қиладиган ана шундай ҳолатлар (қарши кўрсатмалар) мавжуд бўлган шахсларга нисбатан қўлланилмайди. Гап шу ҳақида кетмоқда.

Фикримча, мутахассисларнинг қайта таҳлиллари ва изланишларидан келиб чиқиб бу рўйҳат яқин вақтларда ичида янада кенгайса керак. Открыть/Комментировать

2021-08-06 10:32:45 «Миллий тикланиш» президентлик сайловида Алишер Қодиров номзодини илгари суради

Бунгача Экопартия ва «Адолат» партияси ҳам ўз раисларини президентлик сайловида номзод сифатида тавсия этганди. Открыть/Комментировать

2021-08-06 10:32:16 #Қонунчиликдаги_янгиликлар

Чавандозлар мактаблари ташкил қилинди

“Чавандозлар мактаблари фаолиятини ташкил этиш чора-тадбирлари тўғрисида”ги Президент қарори (ПҚ–5212-сон, 05.08.2021 й.) қабул қилинди.

Қарорга кўра, Қорақалпоғистон Республикаси, вилоятлар ва Тошкент шаҳрида от спорти турларига ихтисослаштирилган болалар-ўсмирлар спорт мактаблари (Чавандозлар мактаблари) ва уларнинг туман (шаҳар) секциялари ташкил қилинди.

Чавандозлар мактаблари Миллий гвардия тизимига киради ҳамда мактабдан ташқари спорт-таълим муассасаси ҳисобланади.

Мазкур мактаблар от спорти (учкураш, тўсиқлардан сакраш ва от йўрттириш), замонавий бешкураш, поло ҳамда улоқ-кўпкарига ихтисослаштирилади.

Улар ўз фаолиятини 2022 йил 1 мартдан бошлайди, шунингдек, разрядли ва унвонли спортчилар тайёрлаш тизими жорий этилади.

Чавандозлар мактабларининг туман (шаҳар) секциялари давлат-хусусий шериклик асосида ташкил қилинади.

Бунинг учун хусусий шерикка (инвесторга):

миллий валютада ажратилган кредитларнинг 10 миллиард сўмдан ошмаган қисми бўйича кредит фоизи ставкасининг Марказий банк асосий ставкасидан ошадиган, лекин асосий ставканинг 1,5 бараваридан кўп бўлмаган қисми;

хорижий валютадаги кредитларнинг 10 миллиард сўм эквивалентидан ошмаган қисми бўйича фоиз харажатларининг тижорат банклари томонидан белгиланган фоиз ставкасининг 30 фоизигача, лекин 3 фоиздан кўп бўлмаган қисми 3 йил мобайнида компенсация қилинади.

Чавандозлар мактаблари директори Миллий гвардия қўмондони томонидан лавозимга тайинланади.

2022 йил 1 мартдан Чавандозлар мактаблари фаолияти самарадорлиги бўйича рейтинг тизими жорий қилинади ҳамда унинг натижаларига қараб ходимлар ҳар йили БҲМнинг 10 бараваригача (2 млн 450 минг сўмгача) миқдорда бир марталик пул мукофоти билан рағбатлантирилади.

2022 йилдан бошлаб ҳар йили “Энг яхши чавандоз”, “Энг яхши тренер” танловлари ташкил этилиб, ғолиблар БҲМнинг 10 бараваридан 30 бараваригача (2 млн 450 минг сўмдан 7 млн 350 минг сўмгача) миқдорда бир марталик пул мукофоти билан рағбатлантирилади.

Қарор билан шунингдек, Чавандозлар мактабларида юридик шахс мақомига эга бўлмаган, ўз маблағлари ҳисобидан молиялаштириладиган Иппотерапия марказлари ташкил қилинади. Открыть/Комментировать