Бепул юридик ёрдам ва маслахат/Бесплатная юридическая консультация

2021-08-08 09:48:22 БИЛИБ ҚЎЙГАН ЯХШИ

Аёл болани парваришлаш таътили даврида ишлаши мумкинми?

Меҳнат кодексига биноан аёлларга туққунга қадар 70 календарь кун ва туққанидан кейин 56 календарь кун муддати билан ҳомиладорлик ва туғиш таътиллари берилиб, давлат ижтимоий суғуртаси бўйича нафақа тўланади.

Шунингдек, аёлнинг хоҳишига кўра, унга боласи 2 ёшга тўлгунга қадар болани парваришлаш учун таътил берилади. Бу даврда иш жойи сақланади.

Аёл ўз хоҳишига кўра, болани парваришлаш таътили даврида тўлиқ бўлмаган иш вақти режимида ёки иш берувчи билан келишиб, уйда ишлаши мумкин. Открыть/Комментировать

2021-08-08 08:26:06 #Қонунчиликдаги_янгиликлар

“Темир дафтар”га киритилган оилаларнинг давлат ОТМларида ўқиётган фарзандларига биринчи ўқув йили учун тўлов-контракти тўлаб берилади

“Ёшларни ҳар томонлама қўллаб-қувватлаш ва уларнинг ижтимоий фаоллигини янада оширишга оид қўшимча чора-тадбирлар тўғрисида”ги Президент фармони (ПФ–6260-сон, 13.07.2021 й.) қабул қилинди

Фармонга кўра, 2021 йил август ойида “Темир дафтар”га киритилган оилаларнинг 18 ёшгача бўлган ҳар бир фарзанди учун 500 минг сўм миқдорида бир марталик моддий ёрдам кўрсатилади.

“Темир дафтар”га киритилган оилаларнинг давлат ОТМларида таълим олаётган фарзандларига 2021/2022 ўқув йилида биринчи ўқув йили учун тўлов-контрактнинг тўлиқ суммаси қоплаб берилади.

“Темир дафтар” ва “Аёллар дафтари”га киритилган оилалар фарзандлари ҳамда “Ёшлар дафтари”га киритилган ёшларга янги турмуш қураётганида ўз хонадонида қўшимча уй-жой қуриши учун 33 миллион сўмгача гаровсиз кредит ажратилади.

Ипотека дастури доирасида бошланғич бадал ва фоиз тўловлари бўйича қўшимча 2 мингта ёш оилага уй-жой сотиб олиши учун субсидия ажратилади.

2021 йил 1 сентябрдан республикадаги ОТМда тўлов-контракт асосида ўқиётган талабалар учун Марказий банкнинг асосий фоиз ставкаси миқдорида ва ўқиш муддати тугагандан кейин еттинчи ойдан бошлаб 7 йил муддатда қайтариш шартлари асосида таълим кредитлари берилади.

Давлат органлари ва ташкилотларида ишлаётган нуфузли халқаро рейтинг ташкилотларининг юқори 500 талик рўйхатига киритилган хорижий ОТМларини тамомлаган ёки уларда илмий даража (PhD ва унга тенглаштирилган бошқа илмий даража) олган ёш мутахассисларнинг лавозим маошига қўшимча устамалар тўлаб бориш тартиби жорий этилади.

Ойлик устамалар 2021 йил 1 октябрдан бошлаб Давлат хизматини ривожлантириш агентлиги, иш берувчи ва ёш мутахассис билан 3 йилгача бўлган муддатга тузилган шартнома асосида ёш мутахассиснинг лавозим маошига қўшимча равишда ҳар ой тўлаб борилади.

@yuristuzbnews Открыть/Комментировать

2021-08-08 08:22:09 #Биласизми

Абитуриент қуйидагиларга шахсан жавобгар ҳисобланади:

жавоблар варақасини ҳаво ранг пастали шарикли ручка билан тўлдириш;

жавоблар варақасини букмаслик, маркер чизиғига ёзмаслик, жавоблар варақаси рақами остида жойлашган доирачаларни бўямаслик;

жавоблар варақаси билим даражасини белгиловчи асосий ҳужжат бўлганлиги учун уни тўғри тўлдириш;

белгиланган вақт тугагунига қадар тест топшириқлари китобида мавжуд тест топшириқларини бажарган ҳолда жавоблар варақасининг мос тартиб рақамидаги тегишли доирачаларини бўяб, тест топшириқлари китобини ва унга мос бўлган жавоблар варақасини гуруҳ назоратчисига топшириш.

@yuristuzbnews Открыть/Комментировать

2021-08-08 07:30:00 ​​#Қонунчиликдаги_янгиликлар

Ижтимоий ҳимояга муҳтож фуқароларга ипотека кредитлари бўйича кафилликлар берилади

“Ижтимоий ҳимояга муҳтож аҳолининг уй-жой шароитларини яхшилаш бўйича қўшимча чора-тадбирлар тўғрисида”ги Ҳукумат қарори (459-сон, 24.07.2021 й.) қабул қилинди

Қарорга кўра, 2022 йил 1 августгача тажриба тариқасида ижтимоий ҳимояга муҳтож фуқароларга ажратиладиган ипотека кредитлари бўйича маҳаллий ҳокимликларнинг кафилликларини бериш ва муддати ўтказиб юборилган қарздорликларни қоплаш тартиби жорий қилинади.

Шунга кўра, қарор билан Ижтимоий ҳимояга муҳтож аҳолига ажратиладиган ипотека кредитлари бўйича маҳаллий ҳокимликлар томонидан кафилликлар бериш тартиби тўғрисидаги вақтинчалик низом тасдиқланди.

Низомга мувофиқ, кафиллик рўйхатдаги қарз олувчиларга банклар томонидан ажратилган (ажратиладиган) ипотека кредитлари бўйича берилади.

Кафиллик берилганлиги учун ҳокимликлар томонидан тўлов (мукофот пули) ундирилмайди.

Кафиллик ҳокимликлар томонидан “Халқпарвар” комиссияларининг ижобий хулосаси мавжуд бўлган тақдирдагина берилади.

Кафилликни олиш учун қарз олувчи ариза ҳамда унга илова сифатида шахсий идентификация рақами маълумотлари ва шахсни тасдиқловчи ҳужжатнинг нусхасини ҳокимликка тақдим этади.

Ҳокимлик ҳужжат келиб тушган кундан кейинги иш кунидан кечиктирмай:

ҳужжатларни “Халқпарвар” комиссиясига;
қарз олувчи ва унинг оила аъзоларининг шахсий идентификация рақами маълумотларини ҳудудий давлат солиқ бошқармасига юборади.

“Халқпарвар” комиссияси ҳужжатларни ўрганиб чиқади ва Солиқ бошқармаси томонидан тақдим этилган маълумот келиб тушган кундан бошлаб 5 иш куни мобайнида:

танқидий мулоҳазалар бўлмаганда – қарз олувчини рўйхатга киритади ва ҳокимликка ипотека кредити бўйича кафиллик беришнинг мақсадга мувофиқлиги тўғрисида ижобий хулосани тақдим этади.

Ушбу тартиб 2022 йил 1 августга қадар амал қилади.

@yuristuzbnews Открыть/Комментировать

2021-08-08 00:22:27 Алимент олаётган бола касал бўлиб қолса уни фақат она даволатиши керакми

Оила кодексининг 103-моддасида ота-она фавқулодда ҳолатлар (боланинг оғир шикастланиши, касал бўлиши ва бошқалар) туфайли келиб чиққан, боланинг таъминоти учун зарур бўлган қўшимча харажатларда иштирок этиши шарт эканлиги белгиланган.
Қўшимча харажатларда иштирок этишдан бош тортган ота ёки онадан суд уларнинг оилавий ва моддий аҳволини ҳисобга олиб, қўшимча харажатларни қисман пул билан тўланадиган қатъий суммада ундириш ҳақида ҳал қилув қарори чиқариши мумкин.

Бу нима дегани ? Агар алимент олаётган бола касал бўлиб қолса уни даволатишга кетадиган харажатлар учун фақат у билан бирга яшаётган она эмас ота хам моддий томондан масъул дегани. Агар ота бу харажатлардан қочса она томон судга мурожаат қилиб болани даволатишга кетадиган харажатлар учун маблағ талаб қилиши мумкин.

@yuristuzbnews Открыть/Комментировать

2021-08-08 00:18:26 #Биласизми
Коронавирус қандай шароитда организмни зарарлай олмаслиги маълум қилинди.
Коронавирус одам гриппга чалинган вақтда унинг организмини зарарлай олмайди. Бу ҳақда Россиянинг Н.А.Семашко номидаги “РЖД-Медицина” клиник шифохонасининг стационари раҳбари, кардиолог Заур Шугушев маълум қилди.
Мутахассиснинг таъкидлашича, риновирус ўпкани зарарлаган бўлса, коронавирус унинг тўқималари орқали ўта олмайди.
Шу билан бирга, иккала вирус билан бир вақтда касалланиш эҳтимоли бор, бироқ бу камдан кам ҳолатда юз беради. Бундай ҳолатда касаллик оғирроқ кечади, яъни одам уни оғирроқ ўтказади.
Шугушевнинг фикрича, коронавирус гриппни сиқиб чиқара олмайди. Коронавирус пандемияси вақтида грипп билан касалланишнинг бир нечта юқори даражаси қайд қилинган.
“Унинг касалланишлар структурасидаги улуши қандай бўлса, шундайлигича қолади. Бу тахминан 10 фоизни ташкил қилади”, деб таъкидлаб ўтган шифокор. Открыть/Комментировать

2021-08-07 23:32:20 Channel name was changed to «Бепул юридик ёрдам ва маслахат/Бесплатная юридическая консультация» Открыть/Комментировать

2021-08-07 23:31:40 Бепул юридик ёрдам ва маслахат/Бесплатная юридическая консультация pinned « Ассалому алейкум, хурматли канал обуначиларим. Мазкур сўровномада қайси йўналишдаги маьлумотлар, каналга қўйилишини белгилашларингиз мумкин » Открыть/Комментировать

2021-08-07 23:11:07 Ассалому алейкум. Хурматли канал обуначилари Обуначилар томонидан кодекс шархлари сўралган эди. Мархамат юклаб олишларингиз мумкин Открыть/Комментировать