2022-05-09 01:14:48
Ваlалайкумуссалам ва рохьматуллохlи ва барокатухl.
И болх мегаш бац, дуьххьара цара шайна са йоккхуш ю оцу вовшах тоьхначу нехан ахчанах, ткъа иза мегаш дац, иза харцонца нехан даьхний даар ду, иза хьарам ду. И мусхьафаш цара охьадохкуш делахь а мегар дац иза.
Шолгlа: Цара бечу балхехь цхьа а пайда хир бу ала меттиг бац, хlунда аьлча, Пайхмаран маьждиг чохь а, Хьарам маьждиг чохь а, дукха-дукха мусхьафш ду, цхьаммо доьшуш а доцуш, и болх беш верг нахана хи малочарна юххе а хlоьттина, хи духкуш верг санна ву, и болх мегар болуш болх бац. Нагахь и нах, мискачу нахана бакъ луьш белахь, бисина lачу зударшна а, чубоьхкинчу нахана а, оьшучу меттехь гlунаш ахка, маьждигаш дан а вовшах тоха иза, бусалба нах хlокху хlуманшка хьашта ма бу. Ткъа ахча а гулдина, церах мусхьафш эцна, цултlаьхьа хьайна оцу ахчанах цхьа дакъа а оьцуш уьш Пайхмаран а Хьарамера а маьждиге охьадахка мегар дац, иза харцонца нехан ахча даар ду, шарlо бакъо ца еллачу некъаца даьхний гулдар а ду. Шайн Делах кхера (Лекха Цlена Ву Иза). Ткъа нагахь шаьш и болх беш белахь, Делера йоле са тесна бан беза цара иза, цхьа сом а ца оьцуш
Мискачу нахана а, декхаро хьизош болучарна а, набахтехь болучарна а, гlунаш ахка а, иштта оьшучу метте дала деза цара иза. Ткъа цара дечу хlуманца цара нах lехош бу. Нахана дин дукха деза, царна шарl ца девза, я ахькамаш ца девза, ткъа хьо цу тlе а тийжаш уьш lехош ву, кхечу метте и сагlа далар гlоле доллушехь. Оцу вежаршка ала луур дара суна, шайн Делах кхоьрийла шу, шай синош оцу гаттоне ма дохкийла аша, оцо шун Дела оьгlуза вохуьйтур ву шуна, кегаделлачу белхаш чу а эгор ду шу, хьарм даьхний а даайтур ду шуьга. Аллахlе тоба дойла аша, шаьш схьалехьайна ахчанаш, мискачу нахана а, бисан lачу зударшна а, набахтехь болучарна дlа а ло.
1.5K viewsedited 22:14