2022-05-10 20:43:39
Ассаламу lалайкум ва рохьматуллохlи ва барокатухl.
Шу дукха дахарш, хlара шена тlе ахча доккхуш ву, хlара вац бохуш шу къестайна доьвра дуй тхо? Нагахь шаьш баккъалла а Делан доьхьа цхьа а са ца йоккхуш, шайн болх бинехь, дlадовзийтийша нахана, бакъо гуча яккха хала ма яц, харцонах бакъо я хала ду, харцонах бакъо ян а ца ло. Цундела вайна лен а ца луьйш, баккъалла а шаьш динарг дан ма деззара, нийсонца динехь, дlагайтайша нахана, хlара чек ю шуна, хlокху тlехь мусхьафах делларг хlара ду шуна але, аша мусхьафш эцча, цара шуна схьалуш чек ма ю, цхьана мусхьафан мах хlара бу, массо мусхьафех даьллар хlара ду, хlоккхула барам мусхьаф эцна, и дерриге хlума оцу чек тlехь ду шуна. Оха нахана беш хаам боцуш шайна тlе сом доккхучеран хьокъехь яздина ду тхаьш яздинарг, шай са гат дан хlума дацахь, шайн агlонаш тlехь нахана ма дарра хьал дlадовзийтичхьана довлу шу. Цхьана наха билггала цхьа харцо лелош хилча, мусхьф мах 1000 сом бу, хурман диттан мах 22000 сом бу бохуш, цара шайна оцу балхах цхьа дакъа сацош хилар билгала ца деш, диста ца хуьлуш lан деза тхо?! Делан Элчас ма аьлла: «Нагахь шайна цхьа вон хlума гинехь, шайн куьйгаца хуьйцила аш и, нагахь куьйгаца иза хийца ницкъ бацахь, шайн маттаца хуьйцийла аш и, ткъа маттац хийца а ницкъ бацахь, шайн дагца дlатоттийла цо иза, ткъа иза Иманан уггара лахара дакъа ду шуна.» Муьлхха а бусалбачу стагана тlехь ма ду харцо билгала яр, и дlайовзийтар а, и лелориг тхан чура стаг велахь а, Валлахlи эра ду-кх, хьенех хlара мегаш дац хьуна аьлла, цхьанне дена тевриг дийца йиш йолуш дац вай, нагахь шарlо иза магош дацахь. Цундела оха яздинарг шайна тlе ма ийза, мимбар тlе а ваьлла «къаьркъа малар хьарам ду шуна!» бохуш хьехам беш волучу имаме «ахь со мимбар тlе а ваьлла хlунда вуьйцуш ву?» бохург харц ма ву. Ткъа нагахь вай лекхахь чудехкинчу lелам нехан жоьпаш тlехь, цара билгала бина бехкамаш ахь ларбеш бацахь, тlаккха хьо ву хьуна оха вуьйцург, хьуна мел хала хетахь а, хаза хетахь а, иза алар тхуна тхан Дала тlедиллина декхар ду. Цундела дехар ду кхин хlокху хьокъехь вайга хlумма ца яз яр, вай цхьанна яьккхина цlе ялахь вай цуьнах жоп лур ду, ткъа вай яьккхина цlе яцахь вайн хьокъех харцонаш юьцучеран а, иштта мутаlелмашна гlебаташ, бухтанаш деш хиллачеран болх вай Аллахlе дlабели. Вассаламу lалайкум ва рохьматуллохl.
1.1K views17:43