bkadirbergenov

2021-02-05 21:16:03 Муcылманшылықты шетке бираз ысырамыз ба, дедим.

Көптен берли пост жазбай жүргенимниң себеби, "енди Нөкистемен-ғо, мәселениң түйини турған жерге барып, сол жерде шешейик" деп барып жүрмен. Молодец, көпшилиги каналға шығып кетпесин деп, бий абырай болмайық/болмасын деп қайта қарап, қайта үйренип шығып, әдил шешим қабыллап атыр. Берекет тапсын. Бирақ, сыйлағанды билмей, қәтесин көрип турса да шаймалап, бурмалап, "ойын" қылып атырғанлар да жоқ емес. Мусылманшылықты бираз шетке ысырып турамыз ба дедим. Себеби, мине "яқшы" деп қуры ўақытты созып жүргенлер күйдирип тур.

Яқшы-да есте болар. Енди аяў, сыйласық, ҳүрмет,иззет, ең баслысы мусылманшылық жоқ. Буяғы только "вперед".

ПыСы: Ырасы диңке қурыды. Бүкирди гөр дүзейди деген ырас екен.

Сонда да айрым адамлардан кеширим сорайман. Ертең атларыңыз каналымда шығып кетиўи мүмкин.

@bkadirbergenov Открыть/Комментировать

2021-02-05 07:16:05 Туран жолбарысы.

Олардың қырылып кетиўиниң тийкарғы себеби, Аралдың қурып қалыўы емес, керисинше адамзат баласының тәсири. Атап айтатуғын болсам, егислик жерлерди көбейтиў ушын ҳәм адамларды көширип әкелиў ушын 18-әсирди6 аяғы, 19-әсирдиң басларында дерлик қырғын келтирген. Ең соңғы жолбарыс 1984-жылы Қарақалпақстан Республикасының Тахтакөпир районында болған деген гәплерде бар (бирақ, бул мағлыўмат тастыйықланбаған).

Туран жолбарысы Орта Азияда ең ири жыртқыш ҳайўан болып есапланады. Салмағы 24о килограммға жеткенлери бар. Амур жолбарысынан парқы салмағында ҳәм екеўиниң терилеринде. Амур жолбарысы қарлы ҳәм суўық жерлерде жасаўға бейимлескен болса, Туран жолбарысы ыссы ҳәм ойпатлық жерлерде жасаўға бейимлескен.

Бирақ, Амур жолбарысынан Туран жолбарысы күшлирек болған деген дереклер баршылық, себеби, ат, түйе уқсаған жаныўарларды 1 урғанда/ бир ҳәмледе қула алған.

Жасаў жерлери Қарақалпақстаннан Египетке шекем барған.

@bkadirbergenov Открыть/Комментировать