Психостимул

2021-05-05 03:03:03 Анча вақт олдин қайсидир саҳифада жуда чиройли гаплар ўқиган эдим. Улар таҳминан мана бундай эди:

«Сен ўзингни кераксиз инсон деб ҳисоблайсанми?

Биласанми, ҳозир кимдир сен совға қилган идишда сув ичиб, сени эслаб ўтирибди. Кеча кимдир сен бир куни айтган ҳазилингни эслаб, кўчанинг ўртасида табассум қилди. Кимдир сен ёқтирадиган гулни кўриб, доим уларга бошқача қараб ўтиб кетади. Сен юлдузлар ҳақида иштиёқ билан гапирганингдан бери кимдир вақти-вақти билан осмонга қараб, роҳатланадиган бўлган.

Хўш, қани менга айт-чи, ҳали ҳам ўзингни кераксиз деб ҳисоблайсанми?»

Биз учун майда туйилган нарсалар бази инсонлар учун тоғдек аҳамиятга эга. Ўзимиз сезмаган ҳолда тилимиз орқали қанчадан қанча сўзлар айтамиз-да, бошқалар учун уларнинг аҳамияти йўқ деб ўйлаймиз.

Йўқ, дўстим, адашасиз. Сизнинг сўзларингиз атом бомбалари ҳам кўрсата олмайдиган кучга эга.

@Sultonova_Mashhura Открыть/Комментировать

2021-05-05 03:01:16 Энг катта хатоимиз шундаки, биз "бахтли бўлиш" билан "бахтсиз бўлишни бас қилиш" ни адаштириб қўямиз.

Биз ҳаётимизда ҳаммаси биз хоҳлагандек бўлишини истаймиз, ҳамма нарса ва ҳамма инсон, сўз ҳам айтмай, бизни фақат хурсанд қилишини хоҳлаймиз ва шуни, янглиш равишда, бахт деб ҳисоблаймиз.

"Ҳаммаси мен хоҳлаганимдек" - демак, мен бахтлиман, мана, бизнинг энг катта хатоимиз.

Биз ҳаммасини ўзгача тартибда содир бўлишини хоҳлаймиз.

Модомики, биз ҳаммаси бир вақтда бўлишини хоҳлар эканмиз, хоҳишларимизнинг ҳақиқатда амалга ошишини тасаввур қилишнинг ўзи даҳшатли.

"Мен бахтли бўлишни истайман" эмас, бу нотўғри талаб, бу ҳеч қачон қондирилмайдиган талаб. Бу худди қиммат дўконга кириб, у ерда ўзингизга ёққан ҳамма нарсани бепул талаб қилишга ўхшайди.

"Мен бахтли бўлишни танлайман" - бу тўғри, бу сўров истеъмолчи позициясидан ҳоли.
Фақатгина шундай ҳаққоний тарзда ўзингизни руҳий тушкунликдан озод қилувчи кучни фаоллаштиришингиз мумкин.

@Sultonova_Mashhura Открыть/Комментировать

2021-05-05 02:59:20 Мен учун жонидан жон берган,
Дунёни дунёси Онамдир,
Гулларнинг ёмони бўлмайди,
Инсонлар сараси онамдир...

Муаллиф Машҳура Султонова Рустамбоевна

@Sultonova_Mashhura Открыть/Комментировать

2021-05-05 02:41:48 Инсон учун катта байрам бу- жонини бунёдкори онажонини ва жонидан жон яралган фарзандларини туғилган куни бўлса ажабмас, менингча...

@Sultonova_Mashhura Открыть/Комментировать

2021-05-05 02:28:09 Мен учун бир олам маъносиз,
Қалбимга таскину, давосиз.
Оналар ичида аълосиз,
Дунёда дунёим онажон,
Бахтимга соғ бўлинг хар қачон

Туғилган кунингиз муборак бўлсин,
Жаннатда тож бўлай бошингга,
Аллоҳдан сўрайман дуода,
Кўп яшанг ёш қўшсин,ёшингга.

Дунё учун хеч кимман онам,
Лек сиз учун дунёман ўзим...

Дуоингиз олсам ғамлар,четлаб ўтар,
Соғинганда қалбдан мадор ариб битар,
Кел демасдан йўлларимни интиқ кутар...
Онажоним мехрингиздан хузур топдим,
Қалбим жаннат билиб ғамга махкам ёпдим.

Муаллиф: Машҳура Султонова Рустамбоевна

@Sultonova_Mashhura Открыть/Комментировать

2021-05-05 02:27:05 Янги умидлар ва имкониятларга тўла янги кун барчамизга хайрли ва баракали бўлсин...

@Sultonova_Mashhura Открыть/Комментировать

2021-05-04 20:02:52 Покиза инсонларнинг покиза қалбида бўлмоқ гўзал...
Қалбингизга орзу қилишга имкон беринг...
Тунингиз осуда ва хотиржам ўтсин

@ Sultonova_Mashhura Открыть/Комментировать

2021-05-04 16:48:59 Қоидалардан бирида шундай дейилади: «Ҳаққа олиб борувчи йўлни топиш бошнинг эмас, юракнинг иши. Юрак сенга йўл
бошчи бўлиши керак! Бош эмас. Нафсни юрак ёрдамидагина енгиш мумкин. Шунда ўз Ҳақиқий «Мен»ингни топасан ва натижада Худони топасан».

Шамс Табризий

@Sultonova_Mashhura Открыть/Комментировать

2021-05-04 15:31:06 ​​ Бир хонадонда қайнона ва келин орасида доим келишмовчилик бўларкан. Низолар шу даражага борибдики, охири бир куни келин гиёҳлар сотувчи қариндошига бориб дардини айтибди. «Уни фақат ўлдириб қутулишим мумкин. Илтимос, менга ёрдам беринг», дебди. 
Ёши улуғ сотувчи унга бир ҳовуч кукун бериб: «Бу бир ойда секин таъсир қиладиган заҳар. Буни ҳар куни қайнонангнинг овқатига 
оз-оздан аралаштириб бер. Лекин доим чиройли муомала қил, табассум билан гаплаш, муросали бўлгин. Шунда у заҳарлаётганингдан шубҳаланмайди», дебди. 
Келин қайнонасидан шунчалик безган эканки, сотувчи айтганидек қилибди. Қайнонасининг ҳар таомига ўша кукундан қўшар ва ширин муомала қилар экан. Орадан бир неча кунўтиб келин яна ўша гиёҳлар сотувчи қариндошига бориб: «Берган заҳарингизни таъсирини кесувчи бирор дори беринг, илтимос», дебди. 
Сотувчи сабабини сўраган экан, аёл унга жавобан: «Заҳарлаётганимни сезмасин деб қайнонамга доим яхши муомалада бўлдим. Ҳозир қайнонамнинг менга нисбатан муносабатлари ўзгариб худди меҳрибон онамдек бўлиб қолдилар. Энди у кишини ўлишларини хоҳламайман», дебди. Сотувчи аёл чиройли табассум қилиб, «Сенга берган кукуним аслида оддийгина шакар эди. Шу бир ҳовуч шакар бугунгача қанчадан-қанча одамларнинг орасини тузатди-я», дебди!

@Sultonova_Mashhura Открыть/Комментировать

2021-05-04 11:03:27 Ҳамма гап - хатолардан сабоқ олишда. Хатоларнинг сабабини ўрганиб, хулоса чиқаринг. Бирон бир иш қилмаган одамгина ҳеч қандай хато қилмайди.

@Sultonova_Mashhura Открыть/Комментировать