2022-02-28 22:56:08
Кызым 3 айлык болды. Анасы хамийше «Можене»мнин (кызымды солай атайман) касында. Сол ушын сонгы 3 айда уй-рузгершилик, аукатлык базарлык хаммеси менин мойнымда. Басында бираз кыйналдым, бирак хазир ас болып кеттим. Кайсы нарсе кай жерде арзан, кай жерде кымбат барлыгын билемен. Картошканын жаксысы кандай болады, кайсы фирманын каймагы жаксы, кайсы гош кай жерде арзан, кай жерден нан алыу керек хаммесин билемен. Дурыс басында бираз кыйналдык. Бирак, хазир ен ансаты усы жумыс болып калды. Айтажагым бул емес. Айтажагым томендегилер.
Хар сапары базарга барганымда, мендеги анализ инстинкт ислеп кете береди. Тийкарынан базарга барлау ушын келген болсам да, мий адамлар не менен бант, адамлар кандай ислер менен бант, олар не ислеп атыр, калай кун корип атыр, калай жасап атыр, не ушын деген сораулар мийимде айланып турады.
Базарлау ушын тек Нокис каласы базары емес Республикамыздын дерлик базарын айланып шыкканман. Мысалы усы кунге шекем, Мойнак, Караозек, Кегейли, Шымбай, Канлыкол, Хожели, Тахтакопир, Бозатау, Такиятас базарларын айланып шыкканман.
Билесизлер ме не нарсе мени хайран калдырган? Мени 1 нарсе дерлик хамме базарларда хайран калдырган. Хатте олардын сууретлеринде сууретке алганман. Аттен, олардын сууретин каналга сала алмайман. ХАйран калганым, Адамлар хамийше лоторея сататугын жерде ур-кыйрат наубетте турады. Тап, кейинги алган лотореясынан машина шыгатугындай. Бас кийимимди басыма басынкырап кийип арасына киремен, кирип еситкен гаплерим, кимиси 5о мынга лоторея ойнаган, кимиси 2о мынга, кимиси 3о мынга. Бирде-бир адам, ана жердеги нанда, картошкада, акмайдын, макароннын наубетинде буншелли дарежеде наубетте турмайды. Мысалы мен кордим Нокистеги 175оо сумлык акмай Шымбай базарында 16 мынсумнан сатылганынын, Нокистеги 9 мын сумлык кир жууатугын порошок Караозекте 75оо сумнан сатылганын. Бирак, ол жерде улыума наубет кормегенмен. Неге? Сол 5о мын сумга кеминде шанарак агзалары менен 3-4 кун азыклык алып, аркайын (гошсиз болса да) тиришилик етиуге (жасауга емес, жасау менен тиришилк етиудын паркы бар)болады-го деймен да. Хайранман, менин халкым соншелли сада ма ямаса акмак па, ямаса соншелли женил пул табыуга кумар ма?
Жасым 35тен асып баратыр. Бирак, бугинге шекем бирде-бир марте 1оо сумга лоторея ойнап кормеген екенмен. Себеби, ата-анамыз женил келген мал-дунья женил кетеди, хар кандай пайданды мийнет етип тап, сонда ол саган узак хызмет етеди деп уйреткен. Сол адамлар арасында журип, еситип, кызык Республикамызда канша адам усылай балаларынын несицбесин лотореяга жумсап атыр екен деп ойлап каламан. Хар бир лоторея точкасына хар би радам келип, 2о мын сумнан тигип атырган болса. Республика бойлап нешше адам усылай акмакшылык етип атыр екен деп ойлап каламан.
Умытпан дари менен лотореяны шыгарган адам гана пайда кореди оны алганлар емес. Бизлер хам сизлер олардын байыуына гана хызмет ететугын механизмбиз. Болганы.
Дурыс, кимдур утып атыр, бирак, ол нешше мын адамнын утылыуынын аркасынан гана утып атыр. Сол адамнын утысы, нешше адамнын умитинин олиуинин аркасынан келип атыр. Ал, шариятта болса кимниндур умитип сондирип келинген хар кандай нарсе харам болып есапланады, соын умытпан.
ПыСы:
Айтажагым, сол 5о мын сумга озине, катынына, байына, балаларына керекли бир нарсе ал. Машина манлайына жазылган болса лоторея ойнамай-ак минесен. Мени айтты дейсен. Менин елим акмак емес, хам бул исти тезде жыйнастырады.
Жетер, биреуди озимиздин акмакшылыгым аркалы байытыу.
@bkadirbergenov
3.3K viewsKBD, edited 19:56