Toshkent Tibbiyot Akademiyasi | Rasmiy kanal

2022-08-29 07:26:34 ​ Toʻlov-shartnomalarni olish toʻliq raqamlashtirildi

Ma’lumki, Oliy va o‘rta maxsus ta’lim vazirligi tizimida barcha jarayonlar raqamlashtirilib, abituriyentlar va talabalarga qulay sharoitlar yaratilmoqda.

Endilikda, birinchi bosqichga tavsiya etilgan talabalar ham yangi o‘quv yilining birinchi kunidan boshlab to‘lov-shartnomalarni elektron shaklda, ortiqcha ovvoragarchiliklarsiz onlayn olishlari mumkin.

Buning uchun vazirlikning kontrakt.edu.uz platformasidan foydalangan holda shartnomani osongina yuklab olish talab etiladi.

Shuningdek, belgilangan o‘tish balini to‘play olmagan, ammo tabaqalashtirilgan to‘lov-shartnoma asosida o‘qish istagini bildirgan talabgorlar uchun ham kontrakt.edu.uz platformasi orqali onlayn ariza berish va shartnomani onlayn rasmiylashtirishga yangi o‘quv yilining birinchi kunidan boshlab imkoniyat beriladi.

Platforma orqali ariza berish hamda shartnomani rasmiylashtirish jarayonlarini masofaviy amalga oshirish tartibi va muddatlari bo‘yicha batafsil ma’lumot beriladi.

2022-yil 5-sentabrdan boshlab barcha bosqich talabalari (bakalavr, magistr, superkontrakt) to‘lov-shartnomani onlayn yuklab, to‘lovni amalga oshirishlari mumkin.

Telegram | Instagram | Facebook|You Tube Открыть/Комментировать

2022-08-28 20:03:28 Ватанни севиш керак

Тадбиркор:
— Ҳурматли Президент ҳаёт формулангизнинг сири нимада, бунчалик энергияни қаердан оласиз?

Президент:
— Бунда сир йўқ. Ватанни севиш керак!

Президентнинг тадбиркорлар билан учрашувидан. Открыть/Комментировать

2022-08-28 15:08:35 Менда ногиронлик имтиёзи бор эди, аммо нега бу ҳисобланмаган?

Кўпчилик шундай савол билан мурожаат қилмоқда.

ЖАВОБ: Сизнинг имтиёзингиз ҳисобланган, аммо сиз етарли балл тўплай олмагансиз.

Биринчидан, ногиронлик имтиёзи сизга балл қўшиб бермайди.

Иккинчидан, имтиёзингиз бор дегани, бу 100% ўқишга кирасиз дегани эмас. Кўпчилик 56,7 баллдан оширсам бўлди, мен аниқ ўқишга кираман, деб ўйламоқда.

Ногиронлиги бор шахслар учун ОТМлар кесимида алоҳида квота бўлади. Ўша ОТМга ҳужжат топширганлар ногиронлиги бор шахслар ўша квота учун курашади. Ким юқорироқ балл тўпласа, давлат гранти асосида ўқишга қабул қилинади. Махсус квотага бали етмаганлар эса ўзи тўплаган балл бўйича эл қатори барча билан беллашади.

Масалан, юқоридаги суратга эътибор беринг. Тошкент тиббиёт академиясида ногиронлиги бор шахслар учун 29 та қўшимча давлат гранти жойи ажратилган бўлиб, жами 835 нафар ногиронлиги бор шахслар ҳужжат топширган. Ўтиш бали эса 119,7 балл бўлган.

Демак, ногиронлиги борлиги учун имтиёзга эга шахслар Тошкент тиббиёт академиясига ҳужжат топширган бўлса, бу улар аниқ шу ерга киради дегани эмас. 119,7 баллдан оширганлар грантга кирган, бундан паст балл тўплаганларга имтиёз қўлланмаган.


@xushnudbek Открыть/Комментировать

2022-08-27 21:53:29 Joriy oʻquv yili uchun kontrakt miqdori belgilandi.

2022/23-o’quv yili uchun oliy ta’lim muassasalarining bakalavriat va magistratura ta’lim yo’nalishlari bo’yicha to’lov-kontrakt miqdori belgilandi. Открыть/Комментировать

2022-08-27 21:27:53 Якуний танлов натижалари (мандат) эълон қилинди

Бу ҳақда ДТМ маълум қилди.

Танлов натижаларини 6 хил усулда билиш мумкин.

my.dtm.uz сайти орқали:

my.dtm.uz сайтига абитуриентнинг паспорт серияси ва рақами ҳамда шахсий идентификация рақамини киритган ҳолда.

mandat.dtm.uz сайти орқали:

mandat.dtm.uz сайтининг “Bakalavr-2022” бўлимига абитуриентнинг ID рақамини киритган ҳолда.

SMS хабарнома хизмати орқали:

5100 рақамига абитуриентнинг ID рақами юборилганда, мазкур телефон рақамига танлов натижалари бўйича SMS хабарнома юборилади (хизмат ҳақи мавжуд).

Давлат тест марказининг қуйидаги телеграм ботлари орқали (абитуриентнинг ID рақамини юборган ҳолда):

@e_dtm_mandatbot
@e_dtm_mandat1bot
@e_dtm_mandat2bot
@e_dtm_mandat3bot
@e_dtm_mandat4bot

QR-код орқали:

Абитуриент рухсатномасининг қуйи қисмидаги QR-код (натижани кўриш учун ҳавола) ни сканер қилган ҳолда.

Тест натижалари қайдномаси орқали:

Шунингдек, тест натижалари қайдномаси олий таълим муассасаларига тақдим этилади, бориб кўриш мумкин. Открыть/Комментировать

2022-08-27 16:11:51 ​ ССВ: Ҳар бир таълим маскани раҳбари ва ошхона бошлиғи муассаса ошхонасидаги таомнома учун масъул

Янги ўқув йили бошланиш арафасида таълим муассасаларида ўқувчилар овқатланишини ташкил этиш масаласи кун тартибига чиқади. Бу жараёнда амал қилиш керак бўлган санитария қоидалари, нормалари ва гигиена талаблари ҳақида маълумот бериб боришга қарор қилдик.

“Умумий ўрта, ўрта махсус, профессионал таълим масканларида ўқувчилар овқатланишини ташкил этишнинг санитария қоидалари, нормалари ва гигиена нормативлари”га кўра, таълим муассасаларида овқатланишни ташкил этишда озиқ-овқат маҳсулотларини сақлаш учун мўлжалланган ҳамда хавфсизлик талабларига жавоб берадиган чинни, фаянс ва шиша идишлар(тарелка, коса, пиёла, чашка, бокаллар)дан фойдаланиш лозим.

Таомларни пишириш ва сақлаш учун ошхона ускуналари идишлари (қошиқ, вилка, пичоқлар) зангламайдиган пўлат ёки гигиеник хусусиятларига кўра шунга ўхшаш материаллардан тайёрланган бўлиши керак. Алюминийдан тайёрланган ошхона жиҳозларидан фойдаланиш тақиқланади.

Овқатланиш рациони сутка давомида ёки сутканинг маълум бир вақтида болалар овқатланишига мўлжалланган маҳсулотлар таркибини шакллантиришни кўзда тутади.

Таомлар рўйхатини тақсимлаш, пазандалик, ун, қандолат ва нон маҳсулотлари билан алоҳида таомланишни (нонушта, тушлик, иккинчи тушлик, кечки овқат) ўз ичига олган таомнома тузилиши шу рационга асосланиши лозим.

Таълим муассасасининг барча ўқувчиларини соғлом овқатланиш билан таъминлаш учун 10 кундан кам бўлмаган муддатга ишлаб чиқилган,шунингдек, таомлар рецептураси бўйича маҳсулотларнинг рўйхати кўрсатилган меню-тартибига мувофиқ намунавий таомнома тузилиши мумкин.

Намунавий таомнома йил мавсумини, ўқувчилар ёши, талаб қилинадиган кунлик таом қуввати, асосий озуқа моддаларининг зарурий миқдорини ҳисобга олиб шакллантирилади.

Уни тузишда ўқувчиларнинг овқатланишидаги миллий ўзига хосликлари, таълим муассасасида бўлиш вақти, ёши ва жисмоний юкламаси эътиборга олинади.

Таълим муассасалари ўқувчилари учун икки маҳал (нонушта ва тушлик) иссиқ овқат ташкил этилади. Куни узайтирилган гуруҳларда таҳсил олувчи болаларга қўшимча иккинчи тушлик уюштирилади.

Ҳар куни овқатланиш залига таълим муссасаси раҳбари билан келишилган ва ошхона раҳбари томонидан тасдиқланган таомнинг номи, миқдори кўрсатилган таомнома илиб қўйилиши зарур.

Соғлиқни сақлаш вазирлиги
Матбуот хизмати.

@ssvuz | @ssvmatbuotkotibi |Facebook | Instagram Открыть/Комментировать

2022-08-26 10:24:45 https://kun.uz/63729238 Открыть/Комментировать

2022-08-25 18:01:39 Diqqat tezkor!!!

Ijtimoiy tarmoqlarda va saytlarda tarqalayotgan Toshkent tibbiyot akademiyasining oshirilgan kontrakt narxi bo'yicha, Toshkent tibbiyot akademiyasi o'quv ishlari bo'yicha prorektori Boymuradov Sh.A izoh berib o'tdi.

TTA moliyaviy mustaqillikka erishganligi munosabati bilan kontrakt narxini o'zi belgilaydi. Bu yildan oshirilgan kontrakt narxi faqat 2022-2023-o'quv yilidan boshlab qabul qilingan TTA talabalari uchun amal qiladi. Ikkinchi va undan yuqori kurs talabalari esa davlat tomonidan belgilangan(avvalgi) narx bo'yicha kontrakt to'laydi.

Murojaatda Boymuradov Sh.A talabalar va ularning ota-onalariga ijtimoiy tarmoqlar va internet saytlaridagi har xil xabarlarga ishonmaslikka chaqirdi va murojaatda aytilgan gaplarni haqiqiy va asosli deb hisoblashni aytib o'tdi.

Kanalga obuna bo'ling:
https://t.me/tma_official Открыть/Комментировать

2022-08-25 15:12:13 #халқаро_алоқалар

Тошкент тиббиёт академияси ва Корея университетининг халқаро ҳамкорликни ривожлантириш институти ўртасида соғлиқни сақлаш тизимини такомиллаштириш ва иккала томоннинг имкониятларини кенгайтириш мақсадида ҳамкорлик шартномаси имзоланди.

Ҳамкорликнинг ривожлантириш мақсадлари:

- тиббиёт ходимларини тайёрлаш, ўқитиш ва маслаҳат бериш;
- қўшма клиник, асосий тиббий тадқиқотлар ва академик тажриба алмашинишлар;
- касалхоналарни бошқариш, соғлиқни сақлаш сифатини назорат қилиш, тиббий асбоб-ускуналар билан ишлаш соҳаларида алмашинувлар ва ўзаро илмий-амалий анжуманлар ва семинарлар ташкил этиш ҳисобланади.

Шу билан бирга атроф муҳитни муҳофаза қилиш бўйича ўзаро ҳамкорликда халқаро миқёсда илмий лойиҳалар тузиш ва амалий жиҳатдан тадбирлар тавсия этиш назарда тутилди. Открыть/Комментировать

2022-08-25 08:53:13 #hamkorlik

Toshkent tibbiyot akademiyasi va Rossiyaning Qozon davlat tibbiyot universiteti bilan xamkorlikda tashkil etilgan “Davolash ishi” qo'shma ta'lim dasturi 3-bosqichini tugatgan talabalar o'qishni davom ettirish maqsadida Qozon shahriga jo'nab ketdi.

Kanalga obuna bo'ling:
https://t.me/tma_official Открыть/Комментировать