Балыыһа дьиэҕэ уйаламмыт иччи. Бу түбэлтэ ааспыт үйэ аҕыс уону | Мистическая Якутия

Балыыһа дьиэҕэ уйаламмыт иччи.
Бу түбэлтэ ааспыт үйэ аҕыс уонус сылларыгар өрүс уҥуордааҕы биир чугас улууска буолбута. Кырачаан кыысчаан иһэ хам тутан ыалдьыбытын оройуон киин балыыһатын сыстыганнаах ыарыылаахтар балааталарыгар сытыарбыттар. Бастакы түүн кыысчаанҥа кып-кыра төкүнүктүҥү быһыылаах туох эрэ тиийэн кэлбит. Күлэр уонна астмалаах киһи тыынарын курдук, ыараханнык тыынар эбит, итини истэн оҕо улаханнык куттаммыт. Сарсыныгар дьонугар кэпсии сатаабытын бала ыалдьан, түҥ-таҥ тугу эрэ булкуйар дии санаабыттар, аахайбатахтар.
Балыыһа дьиэ былаана дьикти соҕус тутуулаах эбит: бастакы аҥаарыгар уопсай ыараһахтар, иккис аҥаарыгар ыарахан туруктаахтар сыталлара. Үлэһиттэрэ, дьиҥэ, туох көстүбэт күүс баарын сэрэйбиттэрэ ырааппыт этэ. Дьэ, ити бастакы түүнтэн саҕалаан, кырачаан кыыс хоһугар наар туох эрэ баарын истэр, көрөр эбит.
Кэлин балыыһа дьиэни көтүрбүттэригэр, оруобуна эргэ өттүгэр, муоста аннынан кыракый хороон курдук киирэр сири булбуттар. Быкаайык кутуйах эрэ батан киириэн сөптөөх дьииллэрэ. Ону көрбүттэрэ, киһи дьиктиргиэҕэ, кырачаан "хос" истиэнэлэрэ кылыбачыгас сакалаат суута обуойдаахтар эдит. Дьон-сэргэ "балыыһа дьиэҕэ уйаламмыт иччи хоһо кылыбачыгас обуойдаах үһү" диэн кэпсэтэллэрэ. Дьэ, дьикти дьиэтэҕиҥ!
2018 с. Дьокуускай