КИРӘКЛЕ ТӨРКЕМ|Рецептлар|Файдалы киңәшләр

2024-05-26 10:03:40 Аллаһтан ярдәм сорап әйтелә торган дога:

"Әллааһүммә иннии әс-әлүкәс-сәбәәтә фил-әмри вә әс-әлүкә газиимәтәр-рушди вә әс-әлүкә шүкра нигъмәтикә вә хүснә гыйбәәдәтикә вә әс-әлүкә лисәәнән саадикан вә кальбән сәлиимән вә әгуузү бикә мин шәрри мәә тәэләмү вә әс-әлүкә мин хайри мәә тәэләмү вәстәгъфирукә миммәә тәгъләмү иннәкә әнтә галләәмүл-гуйүүб."

Мәгънәсе:

"Аллаһым! Диндә Синнән ныклык телим, тугрылыкта Синнән газимәт телим, нигъмәтеңә каршы шөкер итәргә телим. Сиңа гүзәл бер шәкелдә гыйбадәт итәргә телим. Аллаһым! Синнән тугры бер тел һәм сәламәт кальб телим. Аллаһым! Белгән зарарлы нәрсәләрнең начарлыгыннан Сиңа сыенамын, белгән нәрсәләрнең хәерен Синнән телим. Белгән һәр гөнаһым өчен Синнән мәгъфирәт телимен. Аллаһым, Син яшерен нәрсәләрне иң яхшы белүче."

Догалар Открыть/Комментировать

2024-05-26 08:45:22 Ял көннәре җитсә, йөгерә-атлый,
Кайта идем әни янына.
Чәй кайнаган, мин яраткан сыйлар
Көтеп тора иде табында.
Бергә-бергә тәмләп чәй эчүләр,
Хәл сорашу, серләр бүлешү...
Шундый рәхәт иде ул мизгелләр,
Бәйрәмгә тиң иде күрешү.
“Көтеп алган бердәнбер ялыңда
Атна саен нигә киләсең?
Телефон аша сөйләшеп торабыз,
Көнгә бит биш хәлне беләсең...
Килүләре бигрәк уңайсыз шул,
Ярты көнең юлларда үтә.
Өеңдә бит тавык чүпләсә дә
Бетерә алмас эшләрең көтә...”
Шулай сөйли, ә үзенең, күреп торам,
Шатлыгыннан балкый йөзләре.
Тагын ялгыз каласы исенә төшеп,
Моңсуланып китә күзләре.
Әни янына килеп яту белән,
Ни хикмәттер, шундук оета.
Ә ул - анысын иртән генә беләм –
Минем белән “сөйләшеп” ята.
Иртән торуга ачы коймак әзер.
Кай арада өлгерә пешереп?
Ул коймакның тәмле серенә
Һаман әле булмый төшенеп.
Үзе сыйлый һәм мине кызгана:
“Ничек кенә кайтып җитәрсең?
Өстеңә дә юка киенгәнсең,
Юлда торсаң, өшеп бетәрсең”.
Мәҗбүриләп бияләйләр бирә,
Кул өшесә, алып кияргә.
Оныкларга күчтәнәчләр төйни.
Ничек инде буш кул җибәрсен!
Капка төбенә чыга озатырга,
Эскәмиядә кала утырып.
Җибәрәсе килми, сизеп торам,
Күз яшьләрен ала сыпырып.
... Төн буена керфек какмас идем,
Утырыр идем тыңлап сүзләрен.
Таш яуса да юлга чыгар идем,
Күрер өчен әни күзләрен...

Римма Гайнанова Открыть/Комментировать

2024-05-25 21:25:10 https://t.me/tamle_receptlar/80 Открыть/Комментировать

2024-05-25 19:07:07 Ак шомыртлар чәчкә очырганда,
Хуш исләргә күмеп һавасын.
Соңгы тапкыр мәктәп каршы ала,
Озатырга ул һәм кызларын.

Ак чәчәктәй очкан ак альяпкыч,
Сафлык бирә сезнең йөзләргә.
Эчкерсез бу яшьлек елмаюы,
Мәңге калсын көләч күзләрдә.

Язмышыгыз яңа битне ача,
Тормыш дигән олы китаптан.
Насыйп итсен сезгә адашмыйча,
Гел барырга туры сукмактан.

Мәктәп белән үткән балачак та,
Бүген сезнең белән хушлаша.
Әниләрнең яшь аралаш күзе,
Баласына карап соклана.

Рәхмәт сезгә, укытучыларга,
Балаларга белем биргәнгә.
Сабыр итеп, тырыш хезмәт куеп,
Аңлы, зирәк кеше иткәнгә.

Ак чәчәктән ак юл салып сезгә,
Чәчәкләргә күмә шомыртлар.
Ә кыңгырау моңсу гына бүген,
Соңгы тапкыр сезгә яңгырар..

Эльвира Мәүлиева Открыть/Комментировать

2024-05-25 16:03:13 Открыть/Комментировать

2024-05-25 15:04:51 Буыннар сызлаганда үги ана яфрагы белән әрекмәнне искә алырга кирәк

Буыннары авырткан кешеләргә борчыган урынга яз көне төнгә – үги ана, җәен – әрекмән, кышын кәбестә яфраклары бәйләп ятарга киңәш ителә. Болай эшләгәндә авырту сизелерлек кими.

Эвкалипт мае, кандала үләне, сары мәтрүшкә чәчәкләре белән ясалган компресслар да авыртуны киметергә, ялкынсынуны акрынайтырга ярдәм итә. Алардан мазь ясау өчен киптереп, порошокка әйләндерергә, 2 аш кашыгы күләмендә алып, шуңа 50 г вазелин салырга кирәк.

Әлеге мазь ярдәмендә авырткан урыннарны ышкырга киңәш ителә. Аны караңгы һәм салкынча урында сакларга кирәк.

Ватаным Татарстан Открыть/Комментировать

2024-05-25 12:02:48 Бик тәмле пирог!

Йомшак, уалып торган камры эчендә баллы эремчекле пирог

Бер савытка:
3 йомырка
1 стакан шикәр комы
400-500 г эремчек

Бөтенесен бергә болгатабыз. Сыек камыр килеп чыгарга тиеш.

Икенче савытка:

3-4 стакан он
1 пачка маргарин
1 бал калагы сода
1 стакан шикәр комы

Шулай ук бөтенесен болгатабыз һәм валчык килеп чыгарга тиеш.

Табаны майлыйбыз.
Икенче савыттагы камырны икегә бүләбез һәм яртысын табага салабыз.

Өстенә эремчек кушылмасын, аннан соң калган камырны салабыз.

Пирогны 20-30 минут пешерегә кирәк.

https://vk. com/wall-99651353_22932 Открыть/Комментировать

2024-05-25 10:53:39 Әгәр кәбестә бик вак һәм тәмсез булса

Туфрак ачы икән, кәбестә баш ясый алмыйча интегеп утыра. Язын кәбестә утыртыласы түтәлне, көздән үк 1 кв м га 2 стакан күләмендә акбур оны яки сүндерелгән известь, доломит оны йәисә көл сибеп казырга кирәк.

Кәбестә түтәленә чи тирес тараткан булсагыз да, ул баш ясый алмаячак. Кәбестә башы эре булсын өчен, җәйнең беренче яртысында азотлы, икенче яртысында фосфорлы ашламалар белән тукландыру зарури.

Үсемлеккә фосфор җитмәвен аның яфраклары каракучкыл төскә кереп, кырыйлары алсулану- шәмәхәләнүеннән белеп була. Тәҗрибәле бакчачылар кәбестәне суперфосфат белән тукландырып, уңышка ирешә.

Аның составында монокальций фосфаты, күкерт, фосфор кислотасы, магний кебек кәбестә өчен кирәкле элементлар җитәрлек күләмдә. 2 аш кашыгы суперфосфатны кайнар суда эретеп, 10 л суга салып сыеклыйбыз.

Кичтән су сибеп дымландырылган түтәлгә, һәр кәбестә төбенә 1 әр литр сыек ашлама сибеп чыгабыз. Кәбестәне утын яки үлән көле белән тукландыру - отышлы гамәл. Аның составында йөздән артык төрдәге микро һәм макроэлементлар бар.

Кәбестә өчен чыгарылган махсус агриколалар, озак вакыт дәвамында таркалучы гранулалы ашламалар куллану да отышлы. Аларның составы балансланган була. Кәбестәләрнең башы тулышып килгән мәлдә, 1 стакан акбур онын 10 л суга болгатып түтәлдәге рәт араларына сибү отышлы.

Хәмидә Гарипова Открыть/Комментировать

2024-05-24 17:02:47 Ачык пирогның өстен ничек матурлап була дип сорадыгыз менә бу видеода күрсәтелгән Открыть/Комментировать

2024-05-24 16:01:20 МИЛӘҮШӘ СЕРЛӘРЕ
Миләүшә гөле (фиалка) һәрдаим чәчәк атып торсын өчен, аны якты тәрәзә төбенә куегыз. Туры кояш нурлары төшәрлек тә булмасын.
Чүлмәгенең биеклеге якынча 7-8 см, диаметры 9-10 см дан артмасын. Миләүшә тамырлары чүлмәк кырыена тия башлагач кына чәчәк ата. Артык суы агып чыксын өчен, гөл чүлмәгенең астын тишәргә кирәк.
Гөлгә аз-азлап кына көнаралаш җылымса су сибегез. Чүлмәк кырыеннан гына сибәргә киңәш ителә. Яфракларына су тимәсә, яхшы. Гомумән, гөл күп су яратмый. Айга бер тапкыр миләүшә гөле өчен чыгарылган махсус ашлама сибегез, ул аны ныгытачак.
Гөлләрне ел саен күчереп утыртсагыз, бик яхшы. Миләүшәләр өчен чыгарылган махсус туфрак кирәк. Азрак бакча туфрагы кушыгыз. Чүлмәк төбенә керамзит һәм агач күмере салып калдырыгыз.
Айгөл РӘХМӘТУЛЛИНА.

Ирек мәйданы Открыть/Комментировать