Светлана Тихановская

Вас прызналі пагрозай нацыянальнай бяспецы. Што рабіць?

Сродкі масавай інфармацыі часта друкуюць матэрыялы пра прызнанне беларусаў пагрозай нацыянальнай бяспецы ў той ці іншай еўрапейскай краіне. Гэта выклікае ў людзей паніку – і правакуе цэлы шэраг пытанняў. Да каго звяртацца па дапамогу? Ці ёсць спосабы высветліць, што стала нагодай для рашэння? Якіх наступстваў чакаць – і ці можна неяк паўплываць на сітуацыю?

Юрыдычная каманда Офіса распрацавала набор рэкамендацыяў пра тое, як паводзіць сябе ў такой няпростай сітуацыі.

Как изменится политическая система в новой Беларуси?

Мы продолжаем детальный рассказ о Стратегии перехода к Новой Беларуси, разработанной командой Офиса вместе с Объединенным Переходным Кабинетом, Координационным Советом и многочисленными экспертами. Сегодня – анализируем систему государственного устройства, прописанную в документе, и уточняем моменты, которые вызывали сомнения у беларусов при общественном обсуждении.

*В прошлой версии карточек была допущена ошибка. Приносим извинения.

Кіраўнік Шатландыі – сімвалічны хросны музыкі Tor Band

Святлана Ціханоўская разам з прадстаўнікамі Libereco і Народных амбасадаў правяла анлайн-сустрэчу з Хамзам Юсафам. Падчас размовы першы міністр Шатландыі распавёў пра тое, што ўзяў патранаж над Дзмітрыем Галавачом – палітзняволеным музыкам з гурту Tor Band, якога рэжым асудзіў да 9 гадоў турмы. Кіраўнік Шатландыі стаў 400-м хросным у межах міжнароднай кампаніі падтрымкі беларускіх палітвязняў.

Першы міністр выказаў спадзяванне, што праз асвятленне жахаў, з якімі сутыкаюцца палітвязні, у свеце ўзрасце дасведчанасць пра ціск на людзей у Беларусі.

Таксама палітыкі абмеркавалі падтрымку ініцыятываў, якія дапамагаюць сем’ям рэпрэсаваных беларусаў. У прыватнасці, размова ішла пра распрацоўку праграмы рэабілітацыі былых палітвязняў. Акрамя таго, Ціханоўская заклікала першага міністра запрашаць беларусаў на стажыроўкі ў дзяржаўныя ўстановы і Парламент – гэты досвед будзе патрэбны ў дэмакратычнай Беларусі.

Асобную ўвагу Святлана Ціханоўская надала ўмацаванню нацыянальнай ідэнтычнасці і культуры Беларусі. Лідарка падкрэсліла: пазітыўны досвед Шатландыі ў адраджэнні сваёй мовы і культуры можа стаць прыкладам для беларусаў.

Ціханоўская і Ландсбергіс абмеркавалі сітуацыю з легалізацыяй беларусаў у Літве

Сёння ў МЗС прайшла сустрэча беларускай лідаркі і міністра замежных справаў Літвы Габрыэлюсам Ландсбергісам. Палітыкі абмеркавалі сітуацыю з легалізацыяй беларусаў у Літве, а таксама магчымыя новыя абмежаванні, якія будуць абмяркоўвацца ў Сейме Літвы вясной.

Святлана Ціханоўская падзякавала Літве за рашэнне падоўжыць тэрмін дзеяння гуманітарных дазволаў на жыхарства для беларусаў з аднаго да трох гадоў. Лідарка падкрэсліла: нельга ўраўноўваць абмежаванні супраць беларусаў і расіянаў, бо гэта толькі грае на руку рэжыму. Таксама яна выказала спадзяванне, што Літва працягне выдаваць візы і віды на жыхарства беларусам.

Акрамя таго Ціханоўская перадала прапановы ад Офіса, Аб'яднанага Пераходнага Кабінета і НАУ па пытаннях прыцягнення рэжыму да адказнасці і санкцыях супраць яго памагатых.

Закрытыя сустрэчы сусветных лідараў, выступы ў асноўнай праграме, сайд-івэнт па Беларусі: Ціханоўская – на форуме ў Давосе

Святлана Ціханоўская другі год запар удзельнічала ў Сусветным эканамічным форуме ў Давосе, каб прадставіць інтарэсы беларусаў, заручыцца падтрымкай міжнародных арганізацыяў і палітычных лідараў, а таксама знайсці новых саюзнікаў і партнёраў.

Якія вынікі?

Беларуская лідарка двойчы выступіла на закрытых сустрэчах сусветных лідараў, а менавіта – на дыскусіях па тэмах «Падрыхтоўка да новай геапалітычнай эры» і «Аднавіць веру ў глабальную сістэму». На гэтых сустрэчах былі прадстаўлены каля 50 краінаў, а таксама ўдзельнічалі лідары ААН, міжнародных арганізацыяў і карпарацыяў.

Святлана Ціханоўская двойчы была спікеркай падчас асноўнай праграмы форума. Першая дыскусія датычылася калектыўнай бяспекі Еўропы і праходзіла разам з лідарамі Польшчы, Харватыі і міністрам замежных справаў Украіны. Другая дыскусія была прысвечаная сітуацыі са свабодай слова ў свеце.

Лідарка правяла шэраг сустрэчаў з сусветнымі палітыкамі, дзе актуалізавала важныя для Беларусі пытанні: вызваленне палітвязняў, падтрымка незалежных медыя, пагроза незалежнасці Беларусі з боку Расіі. Таксама лідарка абмяркоўвала легалізацыю беларусаў за мяжой і прызнанне новага беларускага пашпарта. Удалося ўсталяваць кантакты з прадстаўнікамі Венгрыі, Коста-Рыкі, Косава і Эквадора.

Святлана Ціханоўская наведала Дом Google, дзе сустрэлася з віцэ-прэзідэнткай кампаніі Анэт Кробер-Рыель. Палітык перадала шэраг прапановаў, якія датычыліся лакалізацыі сэрвісаў для Беларусі, падтрымкі беларускамоўнага кантэнту і яго прыярэтызацыі над расійскім, а таксама арганізацыі трэнінгаў для незалежных медыя.

Разам з прадстаўнікамі эканамічнай каманды Офіса, НАУ і АВВА Святлана Ціханоўская выступіла на сайд-івэнце па Беларусі, які прайшоў у Грэцкім Доме. Таксама лідарка ўзяла ўдзел у дыскусіі ў Доме Бельгіі, што датычыўся лёсу дэмакратыі ў свеце.