Светлана Тихановская

2023-10-07 18:05:48 Терроризм и насилие, захват заложников и пытки, убийство мирных граждан не могут быть оправданы ничем

Светлана Тихановская выразила поддержку народу Израиля, а также обратилась к беларусам, которые находятся на территории страны:

«Мы уверены, что преступники, развязавшие войну и посягнувшие на ключевые человеческие ценности, понесут наказание.

Мы выражаем соболезнования семьям и близким погибших и скорбим по многочисленным жертвам среди мирного населения.

Беларусы, проживающие в Израиле, внимательно слушайте сообщения Службы тыла и следуйте ее указаниям. Берегите себя и своих близких». Открыть/Комментировать

2023-10-06 15:41:05 Открыть/Комментировать

2023-10-05 22:05:06 На Саміце ў Гранадзе Святлана Ціханоўская сустрэлася з новай прэм'ер-міністаркай Латвіі Эвікай Сіліняй

Падчас сустрэчы Ціханоўская адзначыла, што вельмі важна падзяляць рэжым і беларусаў, а таксама беларусаў і расіянаў. Яна звярнула ўвагу на тое, што закон, які цяпер абмяркоўваецца ў Латвіі, аб абмежаваннях на аўтамабілі з беларускімі нумарамі, можа ўскладніць жыццё беларусаў, якія не падтрымліваюць рэжым Лукашэнкі. І папрасіла дапамагаць беларусам, якія жывуць у Латвіі.

На сустрэчы таксама абмеркавалі сітуацыю на беларуска-латвійскай мяжы. Беларуская лідарка адзначыла: «Тое, што зараз суседзі вымушаныя будаваць сцены на мяжы з Беларуссю, цалкам віна рэжыма Лукашэнкі». Открыть/Комментировать

2023-10-05 13:45:40 Украіна і Еўропа ніколі не будуць ў бяспецы, пакуль Беларусь застаецца ў кіпцюрах Расіі

Святлана Ціханоўская выступіла на Варшаўскім форуме па бяспецы са зваротам да міжнароднай супольнасці:

«Свет павінен перастаць думаць пра Беларусь як пра частку Расіі. Мы былі часткай Еўропы за шмат стагоддзяў да таго, як у Беларусь прыйшла Расія. Павага і абарона беларускага еўрапейскага выбару – вось што павінна быць неад’емнай часткай палітыкі Захаду.

Беларусы выступаюць супраць расійскай вайны ва Украіне, таму я заўсёды кажу: трэба адрозніваць людзей і рэжым. З аднаго боку, трэба замарозіць актывы рэжыму за мяжой і выдаць ордар на арышт Лукашэнкі за ўвесь спіс здзейсненых злачынстваў. З іншага боку, трэба дапамагаць людзям, якія бягуць ад рэпрэсій. Прызнайце пашпарт новай Беларусі, каб сотні тысяч беларусаў не засталіся без грамадзянства.

Часам гавораць, што Беларусь ужо прайграна Расіі. Але Украіна – а фактычна і ўся Еўропа – ніколі не будзе ў бяспецы, калі Беларусь застанецца ў кіпцюрах Расіі. Беларусь можа стаць гісторыяй поспеху, але людзям патрэбная надзея. Мы хочам пачуць ад вас, што дзверы Еўропы адчыненыя для беларусаў і наша краіна не будзе аддадзена Пуціну ў якасці суцяшальнага прыза». Открыть/Комментировать

2023-10-02 20:55:21 Святлана Ціханоўская звярнулася да беларусаў унутры краіны: «Выкарыстоўвайце гэты час для самаразвіцця і захоўвайце баявы дух»

«Я толькі магу ўявіць, як цяжка працягваць працу ва ўмовах тэрору. Як жыць, калі кожную раніцу чакаеш візіт ГУБАЗіКа. Але я прашу вас не апускаць рукі. Выкарыстоўвайце гэты час для самаразвіцця. Ёсць шмат магчымасцяў для самаадукацыі. Знаходзьце бяспечныя формы дэманстрацыі сваёй нязгоды. Шукайце аднадумцаў. Захоўвайце баявы дух». Открыть/Комментировать

2023-10-02 19:43:30 Дэмакратычныя сілы павінны гаварыць адным голасам

Беларуская лідарка акрэсліла 7 асноўных прыярытэтаў працы дэмакратычных сілаў на бліжэйшы час:

1) Візуалізацыя новай Беларусі. Мы ўжо прадставілі праект Канцэпцыі кампенсацыі шкоды рэпрэсаваным. У бліжэйшыя тыдні вынесем на абмеркаванне праект Канцэпцыі пераходнага перыяду і правядзем адкрытыя слуханні ў Каардынацыйнай Радзе. 

2) Падтрымка рэпрэсаваных. Мы працуем над тым, каб стварыць міжнародны фонд дапамогі рэпрэсаваным, і разлічваем на дапамогу беларускага бізнесу за мяжой. 

3) Прыцягненне вінаватых да адказнасці. Мы як ніколі блізкія да таго, што будзе выдадзены ордар на арышт Лукашэнкі за выкраданне ўкраінскіх дзяцей. Каласальную працу зрабіў Павел Латушка і ўся каманда НАУ.

4) Дапамога беларусам у выгнанні. Мы рыхтуем да выдачы новы беларускі пашпарт. І дабіваемся, каб пратэрмінаваныя пашпарты прызнавалі за сапраўдныя, выдавалі больш працяглыя віды на жыхарства і не ўводзілі візавыя баны.

5) Умацаванне нацыянальнай ідэнтычнасці беларусаў. Трэба папулярызаваць беларускую мову, адкрываць школы за мяжой, ствараць больш беларускага анлайн-кантэнту для тых, хто ў Беларусі. 

6) Інфармацыйна-асветніцкая праца. Неабходна супрацьдзейнічаць прапагандзе і наладжваць супрацу з незалежнымі медыямі і блогерамі. 

7) Абарона незалежнасці Беларусі. Мы працуем над тым, каб арганізаваць слуханні па сітуацыі ў нашай краіне ў Радзе Бяспекі ААН. Открыть/Комментировать

2023-10-01 20:50:39 Открыть/Комментировать

2023-09-29 09:31:12 Открыть/Комментировать

2023-09-26 12:51:07 Открыть/Комментировать

2023-09-25 09:01:19 Кампенсацыя шкоды пацярпелым ад рэжыму: Офіс Ціханоўскай прэзентуе праект Канцэпцыі

Офіс Святланы Ціханоўскай у супрацоўніцтве з юрыстамі, праваабаронцамі і недзяржаўнымі арганізацыямі распрацаваў праект Канцэпцыі, адпаведна якой будзе кампенсавана шкода асобам, пацярпелым ад рэжыму. Мэта Канцэпцыі – аднаўленне справядлівасці для тых, хто сутыкнуўся з рэпрэсіямі і парушэннямі правоў чалавека падчас праўлення Лукашэнкі з 20 ліпеня 1994 года.

Кампенсацыя шкоды – гэта перш за ўсё аднаўленне ў юрыдычных, грамадзянскіх, палітычных, працоўных і іншых правах тых, хто пацярпеў ад дзеянняў рэжыму.

Дакумент фіксуе асноўныя падыходы да аднаўлення справядлівасці адносна пацярпелых. Таксама прадугледжаны механізм вызвалення тых, хто знаходзіцца ў месцах зняволення, калі на момант транзіта ўлады яны ўсё яшчэ будуць там знаходзіцца. На падставе дакумента ў транзітны перыяд новая дэмакратычна абраная ўлада зможа прыняць неабходныя законы і запусціць працэс рэабілітацыі рэпрэсаваных асобаў.

Азнаёміцца з тэкстам Канцэпцыі можна па спасылцы. Прапановы адносна дакументу прымаюцца праз тэлеграм-бот @AskOffice_Bot, электронную пошту transitionaljustice@tsikhanouskaya.org і гугл-форму. Открыть/Комментировать