Татар гаиләсенең рецептлары 💛 Рецепты татарской семьи 🔅

2022-04-19 11:01:35 МЕРЕНГАЛЫ
ЛИМОН ПИРОГЫ

Кирәк: 500 г уалучан камыр
500 г шикәр комы
4 данә йомырка
50 г майлы он валчыгы
1 лимон.

Уалучан камыр өчен:
200 гатланмай,
2 йомырка
100 г каймак
150 г шикәр комы
10 г көпшәкләгеч
600 г он.

ӘЗЕРЛӘҮ ЫСУЛЫ
Уалучан камырны, кырыйларын күтәртеп, табаның төбенә җәеп салабыз.

Меренганы әзерләү ысулы: йомырканың агын шикәр белән күпертеп туглыйбыз.

Лимон белән шикәрдән татлы катнашма әзерлибез һәм меренгага өстибез, ипләп кенә болгатабыз.

Әзер массаны камыр өстенә җәябез, майлы он валчыгы сибәбез (50 гатланмай, 2 аш кашыгы шикәр комы һәм 4 аш кашыгы онны бертөрле валчык хәленә җиткәнче yарга).

1 сәгать дәвамында 90 °С кызулыктагы мичтә
пешерәбез.

Табынга бирү: лимон һәм җиләк-җимешләр белән матур итеп бизәп, өлешләп кисәбез һәм
табынга чыгарабыз. Открыть/Комментировать

2022-03-29 16:12:59 ТАТАР КАБАРТМАСЫ «ЮКА»

Ингредиентлар:
600-800 г югары сортлы бодай оны
З йомырка
200-250 мл сөт
20 г каймак
50 г шикәр комы
2 г чәй содасы
100 г атланмай.

ӘЗЕРЛӘҮ ЫСУЛЫ

Төче камыр әзерлибез. Савытка сөт салабыз, йомырка сытабыз, каймак, шикәр комы, эретелгән атланмай өстәп, яхшылап болгатабыз. Шуннан соң он һәм чәй содасы өстәп, камыр бaсaбыз. 20 минут чамасы үзләндерәбез. 100 г лы кисәкләргә бүләбез һәм, урталарында киртек ясап, 1,5 мм калынлыкта җәябез. Һәр түгәрәкне ике яктан да алсу төскә кергәнче майлы табада пешерәбез.

Табынга бирү: кайнар кабартмаларны өстәлгә зур тәлинкәгә өеп куеп чыгарабыз. Бал, повидло яки кайнатма белән бирәбез. Открыть/Комментировать

2022-03-29 15:55:30 Әзерләү тәртибе:

Иләнгән он өстенә 30 — 35 °С ка кадәр җылытылган су, йомырка, тоз салалар, акрын гына болгатып,
камыр басалар һәм 30 – 40 минутка калдырып торалар. Әзер камырдан 1 – 1,5 мм калынлыктагы җәймә җәяләр һәм 1,5 – 2,0 см диаметрлы
түгәрәкләр кисәләр. Эчлек ясау өчен, сыер ите белән башлы суганны иттaрткычтан чыгаралар, тоз, йомырка, төелгән кара борыч өстиләр һәм бик әйбәтләп болгаталар. Түгәрәкләргә
эчлек салып, кырыйларын бармак очы белән кысып ябыштыралар, аннары ике очын бергә тоташтыралар. Бөккән пилмәннәрне бер рәткә тезеп, суыткычта саклыйлар. Табынга бирер алдыннан, пилмәннәрне үтә күренмәле ит шулпасына салалар һәм пилмәннәр өскә күтәрелгәнче (чама белән 4-5 минут) кайнаталар. Открыть/Комментировать

2022-03-29 15:54:03 КИЯҮ ПИЛМӘНЕ
Йола буенча, татарларда әлеге пилмәнне килен әзерли. Пилмән никадәр ваграк булса, кыз үзе
сайлаган ярны шулкадәр ныграк ярата, диләр. Сезгә дә өй шартларында әлеге пилмәнне пешереп карарга тәкъдим итәбез.
Кияү пилмәннәрен бөгү – бик
катлаулы булмаса да, шактый осталык сорый торган эш. Безнең рецепт буенча әзерләргә өйрәнсәгез, бу сезнең үзегезгә дә ошап китәр һәм гел шундый вак пилмәннәр генә бөгә торган булырсыз. Бер генә киңәш: мондый пилмән ясау өчен, камыр бик юка итеп җәелергә тиеш. Ә андый җәймә, гадәттә, тиз кибә. Шуңа күрә пилмәннәрне аерым порцияләргә
бүлеп, мәсәлән, унышарлап һ. б. ясагыз.

Әзерләү вакыты: 1 сәгать 30 минут.
10 порция.

Ингредиентлары:
160 г бодай оны
100 мл су
1 йомырка (камыр өчен)
ярты бал кашыгы тоз
240 г сыер ите
1 йомырка (фарш өчен)
20 г башлы суган
тәменчә тоз
төелгән кара борыч Открыть/Комментировать

2022-03-29 15:38:49 Әзерләү тәртибе:

Савытка йомырка, каймак, тоз, он салып, төче камыр басалар һәм, үзләнсен өчен, 30 – 40 минутка калдырып торалар. Аннары камырны 84 әр граммлы кисәкләргә
бүлеп, юка гына итеп җәяләр һәм майлы табада ике ягын да кыздырып алалар. Эчлек әзерләү өчен, пешерелгән һәм суы саркытылган бәрәңгене изәләр һәм шуңа кайнар сөт, сары май, вак итеп турап кыздырылган суган салып
болгаталар. Тары боткасыннан эчлeк әзерләү өчен, сөттә таралып тора торган тары боткасы пешерәләр һәм аңа эретелгән акмай салалар. Кыздырган җәймәнең яртысына эчлeкне ягып, тиз генә икенче ягы белән каплыйлар (бөкләгәндә, җәймәләр сынмасын өчен, майлыйлар. Әзер кыстыбыйларны 10 — 15 минутка мичка тыгып торалар һәм һәр кешегә 2 данә исәбеннән кайнар
эчлeкне җәемнәрне кыздыруга ук яга баралар) һәм килеш табынга бирәләр. Бүгенге көндә кыстыбыйларны кайвакыт башка эчлек белән дә (мәсәлән, йөземле дөге боткасы, йөзем белән кишер, кабак) әзерлиләр.

Кыстыбый табынга кайнар килеш бирелә, суынган килеш тә бик тәмле. Открыть/Комментировать

2022-03-29 15:36:59 БӘРӘҢГЕ (ТАРЫ) КЫСТЫБЫЕ.

Кыстыбый — татар кухнясындагы иң борынгы ризыкларның берсе. Ул — гап-гади камыр җәймә (аңа
Шпинат та кушылырга мөмкин) эченә бәрәңге боламыгы яки сөттә пешкән тары боткасы ягып әзерләнгән һәм мул итеп акмай белән майланган камыр ашы.

Әзерләү вакыты: 1 сәгать 30 минут.
10 дана.

Ингредиентлары:
Камыр өчен:
600 г бодай оны
2 йомырка
100 г каймак
1 бал кашыгы тоз
50 г шпинат
1 бал кашыгы сары май (кыздырыр өчен)

Бәрәңгеле эчлeк өчен:
1000 г бәрәңге
2 аш кашыгы сары май
100 мл сөт
100 г башлы суган
1 бал кашыгы сары май (кыздыру өчен)
1 бал кашыгы тоз.

Бәрәңге боламыгына вак итеп туралган каклаган каз ите өстәргә мөмкин.

Ярмалы эчлеккә:
300 г тары ярмасы
600 мл сөт
2 аш кашыгы шикәр комы
2,5 аш кашыгы сары май
1 аш кашыгы тоз
20 г акмай (майлау өчен). Открыть/Комментировать

2022-03-29 15:27:44 Әзерләү тәртибе:
Сыер, сарык яисә яшь атның сум итен 2 см киңлегендә, 4 см озынлыгында турыйлар да кызган майлы табада әйбәтләп кыздыралар. Кыздырган ит кисәкләрен кәстрүлгә тутырып, тоз, борыч, турап кыздырылган
суган, шулпа, бер кашык Томат пастасы яисә туралган кызыл помидор өстиләр һәм 30 – 40 минут томалап пешерәләр. Эре итеп яки шакмаклап туралган һәм
пешәр-пешмәс итеп аерым кыздырылган бәрәңгене кәстрүлдәге ит янына салып, шуңа кабыгын әрчегән һәм эчен чистарткан, телемләп тураган
һәм пешереп алган тозлы кыяр өстәп, сүрән утта томалап пешереп бетерәләр. Әйбәтләп болгаткач,
әзер азуны тәлинкәләргә бүләләр дә, өстенә яшел тәмләткечләр, тураган сарымсак салып, табынга
гына итеп түгәрәкләп туралган кишер өстәп, томалап чыгаралар. Азуны сарык итеннән әзерләгәндә, юка пешерергә мөмкин. Открыть/Комментировать

2022-03-29 15:25:47 ТАТАРЧА АЗУ
Татарча азу – татарларның һәм Татарстанда яшәүчеләрнең генә яраткан ризыгы түгел, аны татар кухнясын үз итүчеләр дөньяның төрле почмакларында пешерә. Барлыкка килү тарихы
халык тарихы белән тыгыз бәйләнгән һәм аны әлеге халыктан башка күзаллап булмый торган
ризыклар бар. Татарларның шундый ашамлыгы – азу.
Борынгы Персиядә, мәсәлән, «азу» сүзе «кечкенә
ит кисәкләре» дигәнне аңлаткан. Татарстанда «азу» сүзе төрки телләрдәге «аздык» (ризык) сүзеннән килеп чыккан дигән фикер кабул ителгән. Ничек кенә
булмасын, ул Искиткеч тәмле, туклыклы ризык. Сез аны җаныгыз теләгән ит белән пешерә аласыз һәм, шуңа карап, аның тәме дә төрле булачак.

Әзерләү вакыты: 1 сәгать 40 минут.
10 порция.

Ингредиентлары:
1600 г сыер ите
1500 г сарык яки ат ите
200 г сары май
200 г томат пастасы яки 400 г помидор
400 г башлы суган
400 г тозлы кыяр
1000 г бәрәңге
100 г сарымсак Открыть/Комментировать

2022-03-29 15:20:53 КАКЛАГАН КАЗ

Каклаган каз - рецепты буыннан-
буынга тапшырылып килә торган
уникаль милли ризык. Әлеге борынгы ашамлыкны өй шартларында сезгә дә
әзерләп карарга тәкъдим итәбез.

Әзерләү вакыты: 4 ай.

Ингредиентлары:
1 түшкә (3500 г) каз
1000 г тоз.

Әзерләү тәртибе:
Чистартылган һәм юылган каз
түшкәсенең эченә-тышына яхшылап тоз сөртәләр, пергамент кәгазьгә
төреп, тыгыз итеп бәйләп, караңгы
салкынча урынга элеп куялар. Шулай
3-4 ай торгач, казны салкын су
белән юалар һәм җиләс коры урынга эләләр. Каклаган казны ите дә, мае да эләгерлек итеп, сөяге белән яисә юка гына итеп тeлeмләп турыйлар һәм, зур тәлинкәгә матурлап тезеп яки һәр кеше саен аерым бүлеп, салкын кабымлык итеп, табынга бирәләр. Открыть/Комментировать

2022-03-28 15:14:19 Әзерләү тәртибе:
35 – 40 °С ка кадәр җылытылган сөткә алдан җебетеп куелган һәм сөзелгән чүпрә, шикәр комы, тоз, йомырка салалар һәм, иләнгән он кушып, камыр басалар. Эретелгән сары май өстәп, үзләнгәнче һәм савыт кырыйларыннан җиңел аерыла башлаганчы, камыр басуны дәвам итәләр. Әзер камырның өстен каплыйлар һәм, кабарсын өчен, җылы урынга 3-4 сәгатькә калдырып торалар. Күләме
1,5 тапкыр арткач, күпергән камырны 1-2 минут
дәвамында кул белән баскалап төшерәләр һәм кабат кабарырга куялар. Бу вакыт эчендә камырны тагын 1-2 тапкыр баскалап төшерәләр. Әзер камырны, 50 г зурлыгындагы кисәкләргә бүлеп, 1-2 мм калынлыкта җәяләр. Җәймә уртасына 65 г эчлек салалар һәм камырның кырыйларын өч яктан
күтәреп, өчпочмак ясап, кара-каршы китереп (өстендә
кечкенә генә тишек кала), чеметеп ябыштыралар.
Эчлек өчен сыер итен һәм бәрәңгене (яки кабакны)
вак шакмаклап турыйлар, вак итеп туралган суган, тоз, борыч, сары май салып, барысын да яхшылап
болгаталар. Өчпочмакларны майлы табага тезеп, кабарырга куялар. Мичкә тыгарга 5 – 10 минут кала, өсләренә йомырка cөртәләр һәм 200 – 240 °С лы мичтә 25 – 30 минут пешерәләр. Әзер өчпочмакларны сары май белән майлыйлар. Табынга өчпочмакларны аерым ризык итеп яки шулпа белән чыгаралар. Бер өчпочмакның авырлыгы – 100 г. Открыть/Комментировать