Газета "Үлэ күүһэ" Горного улуса

2022-09-01 14:10:05 Ресурснай киин иһитиннэрэринэн, балаҕан ыйын 5 күнүттэн Бэрдьигэстээх иһигэр автобус сүүрэр.

Сиһилии графигы көрүҥ.

@silatrudagorny Открыть/Комментировать

2022-09-01 13:43:02 Открыть/Комментировать

2022-09-01 13:42:56 Бүгүн Горнай улууһун прокурора Михаил Кардашевскай Атамай, Октябрьскай, Кировскай нэһилиэктэригэр кыстыкка бэлэмнэнии хайдах туруктааҕын билистэ.

Владимир Лонгинов аатынан оскуолаҕа үөрэх-билии күнүгэр аналлаах тэрээһиҥҥэ сылдьан үөрэнээччилэри эҕэрдэлээтэ.

Саҥа тутуллуохтаах 150 миэстэлээх оскуолаҕа үлэ хайдах быһыылаахтык баран иһэрин көрдө.

Билигин көмүс күһүммүт эрдэ тымныйан, социальнай объектарга сылаас биэриитэ саҕаланна. Үс нэһилиэк оскуолаларыгар былааннааммыт өрөмүөн үлэтэ түмүктэнэн, ититии ситимэ бэриллэн, оҕолор сарсыҥҥаттан үөрэхтэригэр ылсыахтара.

Михаил Кардашевскай инники сорудахтаммыт итэҕэс-быһаҕас туоратыллыбытын, киин хочуолунайдар график быһыытынан үлэлэрин саҕалаабыттарын бэлиэтээтэ.

Нэһилиэктэр, оскуолалар, оҕо уһуйааннарын салалтата улуустааҕы прокуратура объектар кэмигэр үлэҕэ киирэллэригэр быһаччы үлэлэспитигэр махталларын биллэрдилэр.
Түмүккэ, Михаил Кардашевскай маҥнайгы кылааска киирбит оҕолорго эҕэрдэтин тириэртэ.


Вячеслав Алексеев. Открыть/Комментировать

2022-09-01 13:12:10 #Пишут

Сылытыыны биэрэн абыраатылар. УРАА, Улахан махтал Открыть/Комментировать

2022-09-01 12:34:22 Бу үөрэх дьылыгар улууспутугар 15 эдэр учуутал үөрэҕин саҥа бүтэрэн үлэлии кэллэ.

Билиҥҥи туругунан улуус үрдүнэн уопсайа 7 вакансия баар: Кэптин, Атамай уонна С.Данилов аатынан Бэрдьигэстээх орто оскуолаларыгар, ону тэҥэ Өрт “Ромашка” оҕо саадыгар.

Үөрэх улуустааҕы управлениета. Открыть/Комментировать

2022-09-01 12:32:15 Быйыл 142 оҕо оскуоланы ситиһиилээхтик бүтэрдэ.

Атырдьах ыйын 30 күнүнээҕи туругунан, үрдүк үөрэх кыһатыгар быйыл улуус үрдүнэн 54 ыччат киирэн, устудьуон аатын сүктэ, орто анал үөрэххэ 77 выпускник киирдэ. РФ таһымнаах үрдүк анал үөрэххэ киирбиттэр ахсааннара 3 оҕо. 11 выпускник бүгүҥҥү күн туругунан үөрэххэ киирбэккэ сылдьар. Ол иһин орто анал үөрэххэ бирикээс тахсарын күүтэллэр.

Үөрэх хаачыстыбатын биир сыанабылынан оскуола выпускниктара үөрэххэ киириилэрэ буолар. Былырыыҥҥы сылы кытта тэҥнээтэххэ, үрдүк үөрэххэ киирии 1 % түстэ, орто анал үөрэххэ 5 % үрдээтэ, РФ таһымнаах үрдүк анал үөрэххэ киирии 6 % намтаата. Уопсай туругунан үөрэххэ киирии быйыл 1 % үрдээтэ. Открыть/Комментировать

2022-09-01 12:22:02 Билсиҥ саҥа эдэр учууталлар

Анастасия Обутова, С.П.Данилов аатынан оскуола биологияҕа учуутала.

Афанасий Лукин, С.П.Данилов аатынан оскуола биологияҕа учуутала.

Вахид Гадимов, С.П.Данилов аатынан оскуола физкультура учуутала

Лариса Челбердирова
С.П.Данилов аатынан оскуола информатика уонна математика учуутала.

Эдэр учууталлар төрөөбүт дойдуларыгар, үөрэммит оскуолаларыгар үлэлии кэлбиттэрэ хайҕаллаах.

@silatrudagorny Открыть/Комментировать

2022-09-01 11:56:19 Атамайга 11 оҕо оскуола боруогун атыллаата

Бүгүн Билии-күнэ. Өрөспүүбүлүкэ бары оскуолаларыгар үөрүүлээх тэрээһиннэр ыытылыннылар.

Владимир Лонгинов аатынан оскуолаҕа I кылааска 11 оҕо киирэн, үөрэнээччи үрдүк аатын сүктэ.

Кинилэри ааҕарга-суоттуурга үтүөлээх учуутал Маргарита Степанова уһуйуоҕа.

Оскуола боруогар бастакытын үктэммит оҕолору нэһилиэк баһылыгын солбуйааччы Айсен Павлов, оскуола дириэктэрэ Мотрена Ефремова, улуус прокурора Михаил Кардашевскай, төрөппүт кэмитиэтин салайааччыта Татьяна Алексеева о.д.а. эҕэрдэлээтилэр. Бастакы кылаас үөрэнээччилэрин “Радуга” оҕо уһуйааныттан выпустаан таһаарбыт Диана Федорова оҕолоругар алгыс тылын эттэ. Бастыҥ үөрэнээччилэр Россия, Саха сирин былааҕын көтөҕөр үрдүк чиэскэ тигистилэр.

Бу күн оскуоланы быйыл бүтэрэр выпускниктарга, ааҕарга-суоттуурга
Оскуола учууталларын эрээттэрэ быйыл биэс киһинэн хаҥаата. Ол курдук, алын кылааска Сардаана Аммосова, физкультураҕа Василий Павлов, Николай Ионов, нуучча тылыгар Гуля Петрова, бэйэ оҥорон таһаарыыга үөрэтии маастара Анна Яковлева оҕолор эт-хаан сөпкө сайдалларыгар, үөрэх-билии кыһатын хаҥаталларыгар кыһамньыларын ууруохтара.

Вячеслав Алексеев. Открыть/Комментировать

2022-09-01 11:56:16 Атамайга Билии күнүттэн хаартыскалар, видеолар Открыть/Комментировать

2022-08-31 18:34:15 #Пишут

В Нерюнгри выпал первый снег
Биьиэхэ да кэлэрэ буолуо
Саатар дьиэлэргэ сылааьы биэрдэхтэринэ тустууун Открыть/Комментировать