2022-06-18 04:41:49
Дьокуускайтан Үөһээ Бүлүүгэ диэри суол үчүгэй. Кыра массыыналар иҥнибэккэ сылдьа тураллар.
Суол туругун бу күннэргэ дорожнайдар күүскэ маныахтара, быылы хаптатар үлэлэр барыахтара;
ГИБДД суолга сэрэхтээх буолуу хонтуруолун күүһүрдүөҕэ, көһө сылдьар камераларынан суол устун тухары устуохтара, ыһыах кэннэ почтаны манаабат курдук айаннааҥ;
Чэйдиир сирдэр Бэрдьигэстээххэ, Ааһымаҕа, Орто Сукка, Илбэҥэҕэ, Хампаҕа, Бүлүүгэ, Ороһуга, Үөһээ Бүлүүгэ бааллар;
Чэпчэтинэр сирдэр чэйдиир сир таһынан, заправкаларга уонна кыраныыссалар тохтобулларыгар бааллар;
Сис көннөрөргө улахан үрэхтэргэ тохтоон спининг быраҕан ылыаххытын сөп;
Медпууннар хас дэриэбинэ ахсын үлэлииллэр;
АЗСтар: Маҕараска, Бэрдьигэстээххэ, Орто Сукка, Илбэҥэҕэ, Хампаҕа, Тааһаҕарга, Бүлүүгэ, Ороһуга, Үөһээ Бүлүүгэ бааллар. Мин сүбэм, булгуччу Орто Сукка эбэтэр Илбэҥэҕэ толорунуҥ, Хампаҕа диэри ботуччу айанныыгыт, иккис сүбэм, Бүлүүгэ эбэтэр Ороһуга толорунуҥ Үөһээ Бүлүүгэ 2 эрэ заправка баар, сэрэйдэххэ түгэҕэ биллибэт уочарат буолуоҕа.
Газ заправкалара Бэрдьигэстээххэ, Орто Сукка, Илбэҥэҕэ, Бүлүүгэ уонна Үөһээ Бүлүүгэ баар.
Чэ, уонна суолга олус болҕомтолоох буолуҥ, быраабыланы барытын тутуһуҥ, массыына элбэх буолуоҕа, этэҥҥэ айаннааҥ, күүтэбит барыгытын
Мин каналбан суруттарыҥ
Друзья подписываемся на мой телеграмм канал https://t.me/borbuev
293 views01:41