2022-06-19 21:46:09
Самыя важныя навіны за тыдзень:
Джо Байдэн на год падоўжыў санкцыі супраць уладаў Беларусі.
Амбасада Германіі ў Мінску зноў выдае турыстычныя візы.
КДБ уключыў 9 чалавек у "спіс асобаў, датычных да тэрарыстычнай дзейнасці", а пасля — яшчэ трох і яшчэ 14. У спісе ўжо 80+ чалавек.
Разгромлена яшчэ адно СМІ — партал ABW.by. На журналістаў завялі крымінальную справу.
"ТУТ БАЙ медыя" прызнана "экстрэмісцкай арганізацыяй". Форум дэмакратычных сіл Беларусі — "экстрэмісцкім фарміраваннем".
У Мінску сілавікі затрымалі фатографа Яўгена Ерчака. Ён арыштаваны на 15 сутак.
Пракуратура прымусіла зняць з продажу "экстрэмісцкія" кнігі. А школьныя бібліятэкі атрымалі спіс з больш як 30 літаратараў, чые кнігі трэба прыбраць.
У войску пачаліся чарговыя вучэнні — па "якаснай падрыхтоўцы падраздзяленняў тылу да выканання задач у новых умовах". Яшчэ яны трэніруюцца будаваць пантонныя пераправы на Нёмане.
Галоўнаму рэдактару "Новага часу" Аксане Колб прысудзілі 2,5 года "хіміі".
Ладэ вярнулі ліцэнзію, медцэнтр працуе.
Выйшлі на волю: дырэктар выдавецтва "Янушкевіч" Андрэй Янушкевіч, блогер Вольга Такарчук, старшыня Беларускага незалежнага прафсаюза Максім Пазнякоў.
Удаву Андрэя Зэльцэра, 40-гадовую Марыю Успенскую, вызвалілі ад крымінальнай адказнасці і прызначылі лячэнне ў псіхіятрычным стацыянары са звычайным наглядам.
Аналітыка тыдня:
Ці зможа беларускі рэжым дамагчыся лаяльнасці насельніцтва ідэалагічнай апрацоўкай у савецкім дусе, пры дапамозе інструментаў і інстытутаў а-ля СССР? Разважае палітычны аналітык Аляксандр Класкоўскі.
Пасля прэзідэнцкіх выбараў-2020 па крымінальных артыкулах у Беларусі асуджана ўжо 10 журналістаў. Нагадваем пра іх.
Відэа тыдня
Новы выпуск праграмы Таццяны Каравянковай "Позірк" — пра расійскую прапаганду. Госць праграмы — палітолаг Вольга Харламава.
1.6K viewsedited 18:46