#sindarin Написала ради грамматической практики коротенький т | Майя в стране языка

#sindarin

Написала ради грамматической практики коротенький текст о том, как я на прошлой неделе слетала в Москву. С фотографиями. С лексикой на уровне школьных сочинений «Как я провела лето», но — целиком на нео-синдарине. Ибо, как известно, ilnad thia sael ir nan Edhellen teithannen (всё кажется мудрым, когда по-эльфийски написано).

Вариант с фотографиями: https://app.simplenote.com/p/JGmPbr

Io odlad, ned Orithil Narwain tadui, glennassen e Novosibirsc na Voscva.

Gwiliel am fain ned dû, egennin od i *'wilvaenas nı̂n i venel elui naed, i ú-bôl ceni od yst ned i lui vı̂n. Elin únodui sílar am nin, ah erennin i bith Leonardo da Vinci: "Ab agowel gwiled, ui reviathal Geven adh i chin lı̂n tiriel na i ell, an ennas *nassel a na ennas ui anírathal dendeli."

Ned Orgaladh padassen na i Arad Onnad Arcastar, ne *pharvadab nevui Eglador. Udulen sui elleth.

Ennas covannen Vorináro a vellyn elig i serar Ennorath. I vereth vronas od aur na aduial. Ennas eithro cranthannen narn nı̂n o in elenath a manen edhil Ennorath ah edain Ceven hain cenir. Aphadol lastannem baeth oh Arcastar ah i phairf dı̂n, a golinnem 'lı̂r bain, edregol "A Elbereth Gilthoniel". Morináro 'restas nin covo Illeth, *linnor ammaer i seron dae. Aphadol Morináro *thimmas ah im lilthas na linnas dı̂n.

Ned Ormenel reviannen i raith Moscva a geliannen Edhellen. Egennin *barvadab bin dan bain dae, i eneth dı̂n "Locus Solus", i thêl "I Had en Anor".

Ned aduial covannen Verion, i goltha nin i lam hen, an cavo i barf dı̂n "Edhellen Ilaurui". Carfassem adh hon o laim Edhellin ah i vínim oh Ennorath, "I Berian" ah "I Chı̂r enan Gyrf" eithro. Aphadol gwannassen an tiro i vínem "*Olbador: I Râd en Nen". Eno ú-heron i na'vi, dan ú-heron in edain od i vínem hen eithro.

Ned Oraearon padassen trı̂ daur veleg ned i forod Moscva nu Ithil, ah aphadol dandulen na Novosibirsc ned dû. Nae, gwiliel na mâr ero obulen ceni elin ú-lae, an in yst nui *'wilvaenas sílasser *gail.

Ned Orbelain udulen na vedui na mâr, ah ennas darthassen, an drauthassen ah anírannen sedhi.

A ned Orgilion, be sein, geliannen *bengas. Sein telin adh vellon nı̂n i sera gui eithro, dan ned i arad hen ero im udul. Nauthon i vellon nı̂n ehend.

Î, sen *nas odlad garweg!

------------------
*gwilvaenas — самолёт (буквально: aircraft)
agowel — прошедшее время от caw-
*parvadab — библиотека
Eglador — в данном контексте Нескучный сад
*Olbador — сноходец, калька со слова «аватар» на языке на'ви
ehend — прошедшее время от sedh-