2021-12-27 16:42:34
Bu kitob haqida rasa ko'p narsa yozgim keldi. Huddi yig'ib yurgan so'zlarim, gaplarimni bir on to'kking, sochking keladi-ku shunday vaziyatdadekman.
Kitobni boshlaganimda qo'limga qalam olsammikan deb ikkilandim, balki chiqar menga ta'sirini o'tkazadigan satrlar deya tavakkal oldim (anchadan beri hissizlik bo'shlig'ida bo'lganim sabab, kitob satrlarini shunchaki o'qiyotgandek tuyilardim)
Xullas qo'lda qalam kitobni mutolaasiga kirishdim 1-chi kun: Jaxliga qul bo'lishni emas, o'z jaxlini o'ziga qullik qilishini o'rgangan, haddini bilib o'zligini tanigan Yiğit ismli bolakay bilan tanishdim.
Keyingi sahifalar men "achinish" hissini ta'rifini berolmaydigan satrlarni o'qib: "Acımanın elinde bir kılıç vardı sanki" (таржимаси: "Ачинишнинг қўлида бир қилич бордек") Tasavvur qila olasizmi siz kimgadir achinganda o'sha qilich bilan uni kesgandek bo'lishingizni. Keyin o'ylab qolasiz "Nima achinish kerakmasmi" yoki achinish yanglish hismi deya.
Kitob tugamasin deya atayin sekin o'qishga harakat qilasiz, qancha tirishmang suv kabi oqib o'qib bitirasiz.
Kitob bilan ta'sirchanligimni yana kashf ettim bilasizmi har hikoya qahramonlari qo'limdan tutib meni yetaklagan bolalik davrim kemtiklariga birgalikda ziyorat qilgandek, undan qochmasligim u kunlarni bag'rimga bosishimga dastaklashgandek bo'lishdi.
"Men mutolaa qildimmi yoki menimi mutolaa qilishdi" dedim
"Yaxshilik yaxshilatur insonni, beminnat yaxshilik, shunchaki inson bo'lgani uchun qilinadigan yaxshilik insonga ma'no beradi. Yaxshilikni yuqumli ekanligini bilaman, his eta olaman ko'zimga ko'rinmasa-da, tanib olaman uzoqda bo'lsada. O'qiganim sari isnondagi ham yaxshi ham yomon taraflarni tanir ekanman, yaxshiliklarni yashatadiganlarni, uni afzal ko'radiganlarni shohidiman"
p.s. Inson hayotida sinfdoshi, darddoshi, kursdoshi, yo'ldoshi va turli unga hamrohdoshlariga duch keladi.
Meni esa kitobdosh insonlarim bor. Bilasizmi didiga ishonasiz, tanloviga havas qilasiz, kitob o'qilishini, kitoblaringizni bahamlashasiz. Bir xil satrlarni tagiga chizgan bo'lasiz.
@kitobooknigam
440 views13:42