2021-05-31 16:13:16
Воқеа аслида мана бундай бўлган эди ...
Шундай сўз бор –
«Дилетант». Бу бир фаолият билан ўша иш учун етарли билим ва малакасиз, касбий тайёргарликсиз шуғулланадиган одамга нисбатан ишлатилади.
Бугун айрим интернет ОАВ ва блогерларнинг ишини ана шу сўз билан бемалол ифодалашимиз мумкин.
Дастлаб Андижон вилоятида 5 киши томонидан зўрланган келин ҳақидаги хабар хайпга ўч ўзбек блогерлари томонидан тарқатилди. Кетидан катта аудиторияга эга влогерлар алоҳида видеолар қилишиб чиқди, ОАВ бирин-кетин ёритди. Лекин ҳеч ким бу ҳатти-ҳаракатларининг қонуний жавобгарлигини ўйлаб ўтирмади. Ҳеч кимни ўша «жабрланган» келиннинг кейинги ҳаёти, оиласини иснодга қолиши, ҳали айби исботланмаганларнинг аҳволи қизиқтирмади. Мақсад – жамиятда очиқ муҳокама қилинмайдиган ва тан олиниши қийин бўлган табу мавзу устида ўзини «раскрутка» қилиш.
Бугун бўлса Андижонда жойнамоз устида бир аёл ўз келини томонидан ўлдирилгани ҳақида шов-шув кўтарилди. Кун охирига келиб эса ўша аёл ҳам келини томонидан эмас, бошқа шахс томонидан ўлдирилгани айтиляпти. Хабарда «жойнамоз»га алоҳида урғу беришнинг нима кераги бор эди? Шундай бўлганида ҳам, жамият ҳиссиёти билан ўйнашмаслик учун бу сўзни ишлатмаслик ҳам мумкин эдику. Лекин бизни блогер ва ОАВ хайп керак, одамларни сарлавҳаси билан жалб қилса бўлди, чунки билишади обуначилари саёз матнни ўқишга эринади.
Икки йиллар аввал адашмасам, блогер ва журналистлар учун касб этикаси муҳокама қилинганди. Бу соҳада ҳам бошқаларда бўлгани каби ёзилган ва ёзилмаган тартиб ва қоидалари, ахлоқ нормалари бор. Лекин уларга амал қилишни касбий мажбурият эмас, одамнинг тарбия кўрганлиги тақазо қилиши керак.
#сенсенсенодамбўлмайсан
Каналга уланиш https://t.me/blueskyuz
181 views13:13