2021-05-22 17:57:26
Tanış olaq, bu Əli Hacızadə, Azərbaycanda Yaxın Şərq üzrə politoloq, siyasi "ekspert"dir. Dünən səhifəsində belə bir yazı paylaşıblar və artıq indiki halı ilə 350-dən çox layk toplayıb və 80 dəfə paylaşılıb. Mən belə başa düşürəm ki, bu cür statusun paylaşılması son zamanlar fələstinlilər haqqında gedən qaralama kampaniyasının bir hissəsidir. Mənim Raşidə Tlaib haqqında yazaraq onu müdafiə etmək fikrim yoxdur, bir nəfər fələstinli qadın bütün fələstinlilərin fikrini təmsil etmir. Lakin mən Hacızadə'nin standartlarını yəhudi deputatlarına tətbiq etmək istəyirəm.
Raşida Tlaib hansı kriteriyalara görə ermənipərəst elan edilərək qara siyahıya salınır? İki kriteriya qarşıya qoyulub:
1. Erməni soyqırımını tanıması və bunun tanıması üçün səs verməsi
2. Erməni lobbisində iştirak etməsi.
Birinci kriteriyaya gəldikdə doğrudur ki, Raşida bu kriteriyaya cavab verir, eləcə də Konqresdəki 26 yəhudi konqresmen də bu kriteriyaya cavab verir, çünki Raşida ilə birlikdə belə bir soyqırımın xeyrinə səs veriblər. Bu barədə əvvəlki postumda yazmışam.
İkinci kriteriyaya gəldikdə isə bu, daha maraqlıdır. Bəli, Konqresdə "Congressional Caucus on Armenian Issues" adlı qeyri-rəsmi bir lobbi qrupu var ki, Raşida o qrupda üzvdür. Bu lobbi qrupunun məqsədi nədir. Bu barədə Amerikadakı Erməni Assambleyası bu məlumatı verir: "Konqresdəki Erməni Məsələləri Qrupu, ABŞ ilə Ermənistan arasındaki bağları gücləndirmək və Konqres üzvlərinin Ermənistan ilə bağlı mövzularda məşğul olmasını təşkil etmək üçün çalışır. Qrup, Ermənistana ticarətin və köməklərin artırılmasını, Artsax üçün öz müqəddəratını təyin etmək haqqını ve ABŞ'ın erməni soyqırımını tanımasını dəstəkləməyi müdafiə edir." Gördüyünüz kimi ciddi bir lobbi qrupudur. Bəli, Raşida bu qrupda üzvdür. Daha da maraqlısı bu qrupda yer alan yəhudi konqresmenlər və onların fəaliyyətidir. Deməli bu qrupun iki sədir vəkili var ki, onlardan biri yəhudi konqresmen, demokrat partiyasının üzvü Adam B. Schiff'dir. Qrupun digər yəhudi üzvləri bunlardır: 1) Susan Davis, 2) Alan Lowenthal, 3) Brad Sherman, 4) Ted Deutch, 5) Bradley Scott Schneider, 6) Janice D. Schakowsky, 7) Jamie Raskin, 8 ) Josh Gottheimer, 9) Eliot Engel Lance, 10) Nita M. Lowey, 11) David Cicilline, 12) Mike Levin
Deməli bu erməni lobbi qrupunun üzvləri arasında 13 yəhudi konqresmen yer alır və bir fələstinli var. Üstəlik Erməni Milli Komitəsi bütün konqresmenlərə Ermənistanın maraqlarına xidmət etmək üçün qiymət verir, yəni kim daha çox ermənistanın maraqları üçün çalışırsa onun üçün məktəbdə şagirdlərə qiymət verilərcəsinə qiymət verirlər. Raşida Tlaib üçün keçən ilin qiyməti B+ olub. Yüksək qiymətdir və bunun üçün iki səbəb göstəriblər: 1) Erməni Soyqırımını tanımaq üçün Prezidentə ünvanlanmış məktuba imza atıb, 2) Yuxarıda sözü gedən lobbi qrupunun üzvüdür. Hmm, bəs görəsən nə üçün A yox, B qiyməti veriblər. Bunun üçün isə üç səbəb göstəriblər: 1) Azərbaycana qarşı Erməni Müharibə Əsirlərini azad etməyi tələb edən qətnaməni dəstəkləməyib, 2) 2021-ci il üçün Pro-Erməni Xarici Kömək Prioritetlərinə dəstək verən məktuba imza atmayıb, 3) 2021 üçün prezidentə göndərilmiş Ermənistan-Amerikan prioritetləri məktubuna da imza atmayıb. Amerika qanunvericiliyində hansısa bir qanunu və ya qətnaməni təklif edənə, müzakirəyə çıxarana sponsor deyirlər, onunla razılaşanlara isə co-sponsor deyilir. Maraqlıdır ki, Azərbaycandan erməni əsirlərin azad edilməsini tələb edən qətnamənin yeganə sponsoru yəhudi konqresmen, erməni lobbi qrupunun sədir vəkili Adam B. Schiff'dir. Raşida bu qətnaməyə dəstək verməyib. Erməni lobbisinin Raşida Tlaib'ə verdiyi qiymətlə tanış olduq. Gəlin indi yəhudi konqresmenlərə verdikləri qiymətlə tanış olaq:
312 views14:57