2023-02-05 18:02:29
Баччизеги цIайзеги, къудраталъул БетIергьан,
Къуват Дуца кьечIони, боссе ниж кире инел?
КигIанго гьунар гьечIел загIифал ругониги,
Заманалъул абнаал, Аллагь, нежеда гурхIа!
Мунагьал гIемер руго, гIайибалде ккун вуго,
ГIумро къокъулеб буго, къоял дагьлъулел руго.
Дунял хиралъун буго, хваликьа хIинкъун вуго,
Халикъгун дандчIваялъул кIудияб ургъел буго.
Араб гIолохъанлъиян гIодулел берал руго,
ГIибадат-тIагIаталъул лъугьунеб жоги гьечIо.
Жигьадун-акбаралъе ярагъ кодоб щваниги,
ЩайтIабигун рагъ байзе заман батулеб гьечIо.
БихьичIого лъалареб херлъи тIаде щун буго,
Щибаб лага-саналъул гIузраби тIатун руго.
Унтабаз, сверун лъугьун, «КъачIай», – абулеб буго,
Сафаралда вахъине хIадурлъизе ккун вуго.
ХIадурун цадахъ боссе жоги батулеб гьечIо,
БоцIи-мал, бечелъиги аниб хутIулеб буго.
Ханлъи-тIадегIанлъиги тIаса инехъин буго,
Ахираталъул рокъоб щиб ккелебги лъаларо.
Сагlид-афанди (къ.с.)
596 views15:02