Ахмад Шадиев 📜🖋

2022-05-27 22:19:16 цхьа баьде ткъамаш мо сайре
лаьтта тIа дужадеш Iи.
сай ираз лаха со гайра
хьол хозагIа ца хеташ кхи.

Ахмад Шадиев
@ahmad_kehko Открыть/Комментировать

2022-05-23 21:28:19 хьох тара хет сона Яндарера гувнаш
хьох тара хет сона Наьсарен сий.
хьох тара хет сона вай Шолжа аре
цигара мехкарий хьо санна бий?

хьох тара хет сона ТIой-Юртара раьгIе
хьох тара хет сона Оалкамара лоам,
хьох тара хет сона СурхотIара сайре
цIабоагIача замеш вайг беш бола хоам.

хьох тара хет сона Жайрахьера Iалам
хьох тара хет сона Алхастера хьу
Долакха-Юрт гIолла Iодода ГIалми
еррига хозленаш хьоца сен гу?

хьа оаз мо бека из са къаман пандар
хьа оазаца бека из са къаман мотт
моцагI цкъа ловзарга хьо араяккхача
са сийдеш соца хьо халхаяла отт.

екаеш Даймехка бос-хоза аре,
вай къаман халхарца хьога аргда аз:
малх а ма боде цкъа беттага маьре,
йолал хьай, хоза йоI, хилал хьай раьз!

Ахмад Шадиев
@ahmad_kehko Открыть/Комментировать

2022-05-13 21:55:42 дагаухийташ хьо хийла,
хозайора аз сай уйла
хозадора аз сай вахар
хозахеташ хьог догдахар.

дагаухийташ хьо хийла
йицар аз сай дега шийла
дицар аз цо вIалла яхар,
цхьанатеханзар вай вахар.

хIанз а дагаух хьо хийла
укх са дега...шийла, гIийла.
халадаьд аз хIанз сай вахар
хозахеташ хьог догдахар.

Ахмад Шадиев
@ahmad_kehko Открыть/Комментировать

2022-04-25 23:00:46 ер да-кх ер са дог...цхьа шийла.
хьо гушшехь сийцадар хийла.
тахан цхьа цIаьхха я гIийла
хьох мара яьйоаца уйла.

Ахмад Шадиев
@ahmad_kehko Открыть/Комментировать