Ахмад Шадиев 📜🖋

2022-08-31 01:24:44 https://t.me/hadisy_95 Открыть/Комментировать

2022-08-27 21:34:58 эздел диц а даь, эхь дайна ваххал,
эсалча маIсагах къонах ва яххал,
таро я аьнна оаш хьал магIаваххал
ма дуне дац-кх ер, оаш сел чIоагIа даал.

гIалатваьнначох дог делаш кхердал
шоай бIехал йиц а яь пIелгаш тIахьекхал,
кхычарна зе хилча из хозахетал,
ма дуне дац-кх ер, оаш сел чIоагIа лордал.

хьай сага хала волаш, халахетар далал,
ког арахь волчунна лай санна велал,
чухье хьа хотт санна цIена ца хиллал,
ма дуне дац-кх ер, оаш сел чIоагIа даал.

Ахмад Шадиев
@ahmad_kehko Открыть/Комментировать

2022-08-21 21:44:19 техкар аз дунена наькъаш -
дукхача мехкашка уж.
панахьа хIарача буса
хьо дагахь йолаш со вуж.

хьо гарга хьан кхувл са уйлаш?
йицъенна денадац ди.
гу сона-м мехкарий шортта,
хьол хозагIа ейнаяц кхи.

Ахмад Шадиев
@ahmad_kehko Открыть/Комментировать

2022-08-17 22:34:23 Открыть/Комментировать

2022-08-11 21:35:02 хьо ейча эхь хийтта зIамсаг цIе валлал
хьо хьан я сел хоза, хозагI ца хиллал?
хилча со къайлагIа хьога догдахал
са нана хургья цу хьа наьна захал...

Ахмад Шадиев
@ahmad_kehko Открыть/Комментировать

2022-08-10 21:43:45 ягIайий бийсана уйла еш дукха,
дог лазаш, дог делхаш хийла?
яьйий Iа сагото сатувсаш эрна
дог цIувзаш, дог Iувжаш гIийла?

ихадий хьа бIаргех хиш а цу хана,
дог деха, дог даьтIа ягIаш?
дегах ка еттаро хийцарий алал,
хьон Дала егIа уж ханаш?

ма хета ди деха ягIача хана
хало лов, лов аьнна бала.
массаза шаьра дац вахара наькъаш
иштта ю ший кхел цу Дала.

халонца вахар довз, йовз укхан гIоргIал,
иштта хул вай доккха, къаьна.
адамаш ловш бола бала дагбоха
из хьай дог дехача хана.

Ахмад Шадиев
@ahmad_kehko Открыть/Комментировать

2022-08-03 23:10:10 родственники отца - твоя кровь, а родственники матери - душа.

#Султыговы са эздий ноанхой Открыть/Комментировать

2022-08-02 21:22:06 хьо тха юрта маца йоагI?
безам ба хьо бIаргу.
хьога хатта безам ба
фу йох цу хьа дего?

сона нийс ца хьожаш бIара
юстара хьеж хьо куро.
бIаь шу доаккхаш ховргдий-те
фу йох цу хьа дего?

селхан ловзарг соца хьо
халхаялар хозо.
соца-м мара яланзар.
фу йох цу хьа дего?

юрта йисте бижар малх,
наькъ тIа ваьлар чу гIо.
хьо кхы ейнзар са бIаргашта.
фу йохар хьа дего?

Ахмад Шадиев
@ahmad_kehko Открыть/Комментировать

2022-07-30 22:04:14 ⠀
дех аз хьога, тахан, кхоана
хьога даим, дунен Аьла:
тха къонахий, тха къаманна
бахийталахь, Везан Даьла.

Ахмад Шадиев Открыть/Комментировать