Ахмад Шадиев 📜🖋

2022-07-29 16:49:26 коа Iохайна сулхьаш доахаш
ягI цхьа нана шийла.
лаьтта гIайгIане Iолекхаш
бIаргаш гIийла гIийла.

гонахь ловзаш лел цун хьоме
виIий боча бераш.
шоай даь-наьна дег чу доалар
ха болаш мо кхераш.

отара кIалха ольгаш йотташ
кIаьда нус я хьувзаш.
ший маьр-нана санна я из
тахан дог цхьа цIувзаш.

хьакхар сиха боацаш юхь тIа
мух цхьа баьде, шийла.
коа чу ваьлар виIий доттагI
корт чубаха гIийла.

«хьа воI Даьла кхеле вийрзав»,-
яхаш зIамсаг велхар
духьал цун йодача наьна
сулхьаш лаьтта легар.

отара кIалха лаьттача несий
Iаьржаделар бIаргаш
дийнахь, буса Даьле вехаш
хьийжаер цIаварга.

сил дукхагIа везар кхалхача
мишта лов-те дего?
къиза наьнагара боахаш
боабу къонгаш тIемо.

вахав юхавоагIаргвоацаш
хIанз а, тахан, кхоана
Дала даькъал ваь тIаэцалва
нана еларг, нана...

Ахмад Шадиев
@ahmad_kehko Открыть/Комментировать

2022-07-09 21:26:35 хьалха мо латташ ба маьнге,
сулхьаш да дадаш цун саьнга.
даь-нанас даиман даьха
дагдоагIа из укх чу яха.

хьалха мо кIувс а ба уллаш,
са дег тIа шийла ша буллаш,
даь-наьна дуIаш да укх чу
кIувса тIа, пенаш тIа, тхов чу.

хьалха мо дада цун сурташ,
бахкале из дIайол мурдаш.
цун къонал, цун къаьнал укх чу
цун цIи ях тахан са дег чу.

хьалха мо йовлакх улл доккха
«нанá, хIанз со а ва хьон воккха».
тховсара гIанахьа йола,
хьалха мо со мархьа вола.

Ахмад Шадиев
@ahmad_kehko Открыть/Комментировать

2022-07-02 22:19:50 Прислали в директ)
Девушки придумали мелодию, сыграли и спели на стихи, которые я выложил недавно.
Мне нравится. Открыть/Комментировать

2022-06-27 21:47:26 аз хьа бIаргаш бIаьзза дийшад
Iа зув седкъа хинна.
массахана эггара хьалха
айса уж дешаш санна.

аз хьа бIаргий метташ Iомдаьд
деша могаргдолаш,
цу хьа бIаргаш хьа мел дувцар,
хьа дог са хургдолаш.

Ахмад Шадиев
@ahmad_kehko Открыть/Комментировать

2022-06-19 22:09:11 Ма денал дез-кх, дехача кизгаьх санна эзар дакъа хулаш бийха сатувсам, корт айбаь лаьттах бол. Открыть/Комментировать

2022-06-16 22:22:06 хьа дикане латтараш
беш хьона го,
гулалой хьажалахь
тIадеча во.

Ахмад Шадиев
@ahmad_kehko Открыть/Комментировать

2022-06-14 13:02:50 Многие просили мелодию предыдущей публикации. Я сам не нашёл полную, поэтому делюсь с вами коротким отрывком. Мелодия грузинская. Открыть/Комментировать

2022-06-13 21:50:18 ⠀
ма хьежа беттага балано готтаяь
ма хьежа седкъашка бIарг белхабеш
массаза хургдац дог цатоамо дохадаь
замано дарб дергда хьо Iехаеш.

ма хьежа беттага балано Iовжаяь
ма хьежа седкъашка делхадеш дог
хургья хьо, тешалахь, иразо даькъал яь
лийзача а хьа дег тIа халоно ког.

ди-бийса хувцалу, хувцлуш мо вахар,
гIайгIа вай экхйича ираз вайг доагI
хIанзачул тIехьагIа къонахчунг мара
ма лелахь, хоза йоI, хьай дега доагI.

Ахмад Шадиев
@ahmad_kehko Открыть/Комментировать

2022-05-30 21:19:48 бIаьсте ений дулаш сийна даьре
бIаьсте ений дулаш хоза сурт.
тахан ений цхьа хоза йоI маьре
ираз дахьаш, хозъеш кIанта юрт.

лакха, товш ва цун кулг лаьца зIамсаг,
хьазилг санна маха белла йоI.
цо а вергва-кх моцагI кIирандийнахь
даькъал нанас кхеваь боча воI.

бIаьсте ений сийна даьре дулаш,
нускал денад хозбеш наьха бIарг.
дог гIоздаьнна истий ба хьахьежаш
несийн кховдош кIанта нанас Iаг

болалу коа бека гIалгIай пандар,
кIанта даь-вош халхавала воал.
веший йоIага лостадеш кулг, велаш
араяла шийца цунга оал.

цу коа доладу цар хоза ловзар,
цу коа тахан дессад ираз, сий.
хилба даькъал баха, лела даим
дикача нанас кхебаь мехкарий.

Ахмад Шадиев
@ahmad_kehko Открыть/Комментировать