kitobоокнига♾

2021-08-11 15:36:45 Ичингиздан "нимадир" дегингиз келади,
Ичингиздан нимадир дегингиз келмайди,

Дегингиз келганларни аҳамияти йўқлигини тушиниб етганингизда
Демоқчи бўлганингизни ичингизда қолдирасиз,
Дейиладиган "нималардир" аслида айтилиши учун эмасдир,
Ичингизда ташиб юришни ўрганинг,
Ичингиздагилардан қочишни эмас улар билан қолишни ўрганинг.
Баъзан ўзини эшитмаслик, тинглайолмаслик - ўзига бўлган хиёнатдур.

@kitobooknigam Открыть/Комментировать

2021-08-11 14:17:32 Sen o'z ko'nglingga ma'naviy ko'z bilan qara-yu, o'zim o'zimdan rozimanmi, deb so'ra!

P.s. note'ga qachonlardir yozgan ekanman hozi chiqib qoldi, o'zi boshqa narsani qidirayotgan edim
@kitobooknigam Открыть/Комментировать

2021-08-11 09:12:41 Billie Eilish haq bo'lib chiqyabti...

@kitobooknigam Открыть/Комментировать

2021-08-11 08:48:51 ​​Saharda miyyamni uyg'oq holda topib oldim,
O'zidan-o'zi uyg'onib ketadigan bu miyya bilan hech kelisha olmadim. Bugun soat 4 tong saharda uchratib qoldim yana miyyamni, stolim ustida turgan eng ingichka kitobga qo'l cho'zdim va o'qib (yeb) bitirib qo'ydim.
Bitdi.
Otdim (o'qildi zabt etdim deya)...
ozroq vaqt o'tdi balki 15 daqiqa
Musichaning kukulashini tinglashga majbur ayladi,
faqat uning nolasi,
Kunning boshlanishi menga jangga otlangan jangchidek his berdi (negadur)
men ham ana shu jang maydonida zarradek jangchi nima bilan savashayotganini bilmagan lek kuniga jangga otlangan...

@kitobooknigam Открыть/Комментировать

2021-08-10 09:30:41 ​​Мақталишини кутмайдиган китоблар бор! Ҳа бор улар. Бор эканликларини билдирадилар. Кўзингизни олиб қочиб "уларни йўқ деб ҳисоблашнинг" чорасини изламанг. Улар бор!
Ҳозирги пост ана шу ҳақида.

Ютунишга қийналасиз бўғозингизда нимадир туради, на юта оласиз ва на йўқ бўлиб кетади, бунга озгина хаяжон ва озгина оғриқни қўшсангиз борми худди вужудингиз хунгур хунгур қилади-ю кўздан ақалли томчи ёш томмайди - бу ҳолат айнан тажовузга учраган ўша миттивойлар ўрнида ўзим турганимни ифодалайди. Минг афсус!

Тажовузга учраган инсон билан сухбат қуришни ўзи қийин. Тажовуз ҳақида ёзишни, ифодалашни айниқса ўз оила аъзоларидан (яқин қариндошлари) томонидан яшалган жажжи болакайлар кўрган (турли) тажовузлар ҳақида хаётий воқеалар ёзилган ушбу китобда. Очиғи уни ўқишни ўзи ҳам осон бўлмади.

Тасаввур қилинг уйни тозалаш учун супураркансиз хонадан чиққан чиқиндини тўплаб гиламни остига (кўринмаслик учун) супуриб яшириб қўйишимиз ҳудди қўшинимиз, маҳалламиз олдида биздек хонадонда чиқинди (мусор) ҳеч чиқмайди маъносида обрў олишмиздек гап. Аслида-чи, бу ҳаркатимиз билан оламни "гулистон" шаклида яшашни давом эттиришимиз, хеч ким билмаслиги учун қилинган бу харакатимиз алданишларнинг энг каттаси эмасми.

Китобдан сиз тажовуз қилган инсонга берилган "жазо" - тажовуз кўрган инсонни яхшиланишига сабаб бўлмаслигини ўрганасиз.

Мени қийнагани тажовузкор инсонларнинг ундай бўлишига сабаби на тарбия, на фаросат, на жамият қатламининг зиёли ёки оми эканлиги бўлди.

Агар ёшингиз, руҳиятингиз ҳаётда содир бўлган "тажовуз" ҳақидаги воқеаларни қабул этолсагина ўқишингизни тавсия қиламан. Ҳаёт фақат ям-яшил ўт ўлан, пушти гуллар-у, оппоқ капалаклардан, шаршараю Қуёш нуридан иборат эмаслигини кўрасиз.


п.с. Инсонларни "яра"ларини кўришни ўрганайлик, қочмайлик, инсонийликни йўқотмайлик... Открыть/Комментировать

2021-08-09 17:48:30 ​​асардан_парча

Ҳожар хоним Аннага жилмайиб қаради.

- Европа университетларида, Америкада ҳам ўқитиладиган асосйи китобларда Зигмунд Фрейд, Эрих Фромм, Эдмунд Хуссерл, Гадамер, Дилтей каби файласуфларнинг қарашлари қонун деб қабул қилинган, тўғрими Анна? - сўради Ҳожар хоним. Анна тасдиқлади.

- Улар фалсафага жуда чуқур ёндашганлар. Ғарб файласуфлари Мусулмон Шарқида етишиб чиққан ибн Рушд, ибн Арабий, ал-Фаробий, ал-Ғаззолий, ибн Сино, ал-Жилий каби ўнлаб олимларни ҳам унутиб қўймаган. Шу билан бирга, Ғарб фалсафасининг ўзгармас қоидалари ичида ўзлари учун баҳсли бўлган бир хулоса ҳам бор. Файласуфлар одамзод табиати, руҳияти, ақлини тадқиқ эта-эта коинотдаги Олий Ақл ҳақида бир гапни ўйлаб топдилар. Фрейд, Фромм каби файласуфлар миф деган атамани кўп тушунтиришди. Одам онгидаги ҳар қандай хаёл мифдир дейишди. Миф инсоният генида сақланган ухлоқ ахборотлардир дейишди. Инсон биологик майлларини тийса, ҳеч қачон бахтли бўла олмайди дейишди. Олий Ақл ўз-ўзидан бор, у ҳамма нарсанинг асоси, у турли шаклларда ўзини намойиш этади дейишди. Миф Олий Ақлнинг меваси дейишди. Одамзоднинг руҳоний-маънавий эҳтиёжлари Олий Ақлнинг бир белгиси дейишди. Барча таълимотлар Олий Ақлда бирлашади, одамзод Олий Ақл билан абадийликка эришади, ҳаётдан кейин бошқа ҳаёт йўқ деб, ўлим ҳаётини инкор қилишади. Тўғрими, Анна?

Анна шу ерда донг қотиб қолди. У Ҳожар хонимнинг ҳар бир жумласини ақл элагидан ўтказиб, бу аёл фавқулодда хислат эгаси эканлигига ишонч ҳосил қилди. Унинг назарида, рўмол ва ҳижоб ўраб юрган аёл бу қадар илмга эга бўлиши имконсиз эди. Ҳолбуки қаршисидаги муслима унинг хаёлидаги ахборотларни очиб бераётганди. Шунча илмни билиш учун албатта, Ғарбда ўқиш керак эмасми? Балки, Ҳожар хоним янги муслималардандир?!

- Хоним, - деди Анна шуларни ўйлаб. - Тўғри сўзларингиз. Гарчи фикрларингиз хулосасини аниқ билмасам-да, сўрамоқчи эдим: Сиз Исломни қачон қабул қилдингиз?
- Анна, мен ҳали Одамзод яралмасидан аввал Исломни қабул қилганман.
Анна бу жавобдан сўнг бир лаҳза эсанкираб қолди.


@kitobooknigam Открыть/Комментировать

2021-08-07 18:31:42 @kitobooknigam Открыть/Комментировать

2021-08-03 22:30:41 ​​Vijdon va Kir sovun.

Oq futbolkamni chap tarafdagi dog'ini ketkazish (o'zimni ehtiyotsizligim sabab dog' bo'lgan) uchun qo'limdagi kir sovunga "qani bo'laqol axir senga har qanday do'gni tozalash talanti yuklatilgan-ku" deb aytarkanman, ichimdagi ovoz isyon qilishga bosh ko'targandek: "Vijdonchi?" deyabti.
Senku oq futbolkangni dog'ini tozalarsan,
Vijdoningni qaysi kir sovunda yuvmoqchisan, 65 % likdami yoki 72 % lik kir sovunda. A?
Balki dunyodagi eng oliy navli quality zo'r bolgan kir yuvish mashinasining 90C° yoki 60C° lik darjasiga o'z qollaring bilan "vijdoningni" otarsan. Ho'sh!?
Yoki qimmatbaho oynali vitrinalardagi hidli atir sovunlarning qay biri "vijdonni" tozalay olganini guvohi bo'lding, ho'sh!?

Hech o'yladingmi balki vijdon aslida kir sovundir... (Qancha ko'p kirlarni yuvsang shuncha yedirilib o'z qo'lingda kir sovuning erib yo'q bo'lishi)
ne ne kirlaringni tozalagan,
ne ne atir sovunlar oldida "suv tekin" bo'lgan lek vazifa o'laroq buyuk ishlarni bajara olgan,
yana fikr qilchi, kir sovunni kirlatish senga qoldimi?
nahotki,
u seni va kirlaringni tozalasa-da unga yana va yana kirlarni ortqilasang...

Lekin unutma qancha ishlatganing sari u ham bir kun bitishini.
Zero har narsaning oxiri albat bor.

#tunggifikrlar

@kitobooknigam Открыть/Комментировать