2023-03-03 09:23:21
Кулун тутар 3 күнүгэр туох буолбут эбитий?
ХНТ — Айылҕа аан дойдутааҕы күнэ[1]
Суруйааччы аан дойдутааҕы күнэ
Кулгаах чөл туругун уонна истиини харыстыыр күн[2]
Болгария — Осмааннар батталларыттан босхолонуу күнэ
Грузия — Ийэ күнэ
Кыргыстаан — Былаах күнэ
Япония — Хинамацури — кыргыттар эбэтэр куукулалар күннэрэ.
1861 — Александр II ыраахтааҕы
Крепостнойдары босхолуур туһунан манифест таһаарбыт.
1910 — түүр тылларын аатырбыт чинчийээччитэ Сергей Малов Кытай Ганьсу провинциятыгар Алтун йаруг диэн ааттанар былыргы уйгуурдуу суруллубут буддизм итэҕэлин толору тиэкиһин булбут.
1925 — РКП (б) уонна космомол Тааттатааҕы ячейкалара бэйэлэрин холбоһуктаах мунньахтарынан учуутал Василий Софроновы (1882-1928) Үлэ Дьоруойа оҥорорго уураах таһааран туруорсубуттар. Бу киһи суруйааччы Аалампа улахан убайа этэ, үлэтин 1904 с. Кириэс Халдьаайы оскуолатыттан саҕалаабыта. Кэлин Чычымах, Чөркөөх, Ытык Күөл оскуолаларыгар ситиһиилээхтик үлэлээбитэ.
1947 — Москубаҕа Эдэр суруйааччылар бастакы бүтүн Сойуустааҕы мунньахтара аһыллыбыт. Түмүктүүр мунньах кулун тутар 10 күнүгэр буолбут. Бу мунньахха саха бэйиэтэ Леонид Попов кыттыбыта, онно сылдьан билсибит тылбаасчыттара кэлин кини саха бэйиэттэриттэн саамай элбэхтик тылбаастанар буолуутугар көмөлөспүттэрэ[3].
1992 — Саха Өрөспүүбүлүкэтин бэрэсидьиэнин 86№ ыйааҕынан сыллаахха «Саха» НКИХ олохтоммута. САССР тэлэбиидэнньэҕэ уонна араадьыйаҕа судаарыстыбаннай кэмитиэтин утумнаабыта.
2015 — Алдан улууһун саҥа былааҕа бигэргэтиллибит.
Бүгүн ахтыллар дьон: Емельян Ярославскай (дьиҥнээх аата Миней Израилевич Губельман; уруккутунан олунньу 19 күнүгэр) — Саха сиригэр көскө сылдьыбыт революционер.
Анна Неустроева — саха дьахталларыттан ССРС суруйааччыларын Сойууһун бастакы чилиэнэ, оҕо суруйааччыта, фольклору хомуйааччы, түмэт диэйэтэл. Саха литэрэтиирэтин төрүттээччилэриттэн биирдэстэрэ Ньукулай Неустроев бииргэ төрөөбүт балта.
Афанасий Собакин — саха живописеһа.
Михаил Федоров (Ырыа Миисэ) — Саха АССР культуратын үтүөлээх үлэһитэ.
Анна Кузьмина — Саха Өрөспүүбүлүкэтин норуодунай артыыһа, драма уонна киинэ артыыһа.
Айсен Дойду — бэйиэт, прозаик, драматург, киносценарист.
Петр Баснаев — П. А. Ойуунускай аатынан Саха академическай тыйаатырын артыыһа, тыйаатыр уонна киинэ артыыһа.
Бүгүн уонна туох ахтылларын — бэлиэ күннэр, түбэлтэлэр, ким төрөөбүтүн/өлбүтүн туһунан — манна сиһилии көр: https://sah.wikipedia.org/wiki/Кулун_тутар_3
824 views~~~~, 06:23