2023-03-19 03:51:54
Кулун тутар 19 күнүгэр туох буолбут эбитий?
Тымныы оҕуһун көхсө "күр" гына сууллар, салгын сылыйан барар
Саха Өрөспүүбүлүкэтэ — Аартыка күнэ
Арассыыйа — Подводник-моряк күнэ
Италия, Мальта, Лихтенштайн — Сибэтиэй Уоһук күнэ
Польша — Кашуб омук сомоҕолоһутун күнэ (кашуб тыла: Дзен Едноте Кашебув). Бу күн 1238 сыллаахха кашубтар аан бастаан докумуоҥҥа ахтыллыбыттар
Финляндия — Тэҥ быраап күнэ (фин. Tasa-arvon päivä), суруйааччы, уопсастыбаннай диэйэтэл, дьахталлар бырааптарын туруулаһааччы Минна Кант (1844—1897) төрөөбүт күнүгэр бэлиэтэнэр.
1279 — Монгуоллар флоттара уон төгүл сабырыйар Сун импиэрийэ флотун кыргыбыт. Сун импиэрийэ суох буолбут, Кытай бүттүүнэ Монгуол импиэрийэтигэр киирбит.
1697 — Бүөтүр I Дьобуруопаҕа айанын саҕалаабыт.
1819 — Арассыыйаҕа бастакы суһал көмө ыстаансыйата Бөтөрбүүргэ арыллыбыт.
1921 — Сибревком уурааҕынан Приморскай кыраайын Охотскай уонна Камчатка уездтара Саха күбүөрүнэтин састаабыгар киллэриллибиттэр.
1970 — Андрей Сахаров, Валентин Турчин уонна Рой Медведев ССРС-ка дэмэкэрээттии уларытыылары киллэрэр туһунан аһаҕас суругу дойду салайааччыларыгар Брежнев, Косыгин уонна Подгорнай ааттарыгар суруйбуттар.
1990 — Саха АССР Үрдүкү Сэбиэтин уурааҕынан Алексеевскай оройуон аата Таатта оройуона диэн буолбута.
Бүгүн ахтыллар дьон: Төрөөбүттэр: Гуйук Хаан, Монгуол импиэрийэтин 3-с улуу хаана (1248 өлб.).
Аким Кондратьев (2001 өлб.) — учуутал, бэйиэт, суруналыыс.
Тимофей Сметанин — Саха академическай тыйаатырын артыыһа, драма уонна киинэ артыыһа.
Егор Гайдар — РФ бырабыыталыстыбатын бэрэстээтэлэ, бэлиитик, экэнэмиис.
Чурапчы улууһун Одьулуун сэлиэнньэтигэр Геннадий Турантаев — Саха академическай тыйаатырын артыыһа, тыйаатыр уонна киинэ артыыһа.
Айаал Лазарев — ыарахан ыйааһыҥҥа тустар саха биллиилээх тустууга, көҥүл тустууга Азия чөмпүйүөнэ.
Өлбүт: Сэмэн Руфов — бэйиэт, тылбаасчыт, саха норуодунай суруйааччыта, ССРС суруйааччыларын Сойууһун чилиэнэ.
Бүгүн уонна туох ахтылларын — бэлиэ күннэр, түбэлтэлэр, ким төрөөбүтүн/өлбүтүн туһунан — манна сиһилии көр: https://sah.wikipedia.org/wiki/Кулун_тутар_19
822 views~~~~, 00:51