2022-05-04 10:24:34
1 İLLİK ORUC SAVABI
Şəvval orucu nədir? Fəziləti nədir?
Əbu Əyyub əl-Ənsari (Allah ondan razı olsun) rəvayət edir ki, Allahın Elçisi ﷺ demişdir:
“Kim Ramazanda oruc tutarsa, bundan sonra ona, Şəvvaldan altı günlük orucu əlavə edərsə, il boyu oruc tutmuş kimi sayılar (bir illik oruc savabı qazanar).” (Səhih əl-Muslim, 1164)
Bundan başqa Peyğəmbər ﷺ demişdir:
“Ramazan orucu – on aya bərabərdir (bir günə – on günlük savab) Şəvvalın altı gününün orucu isə, iki aya bərabərdir. Bu da bir il edir.” (Nəsai, 2873)
Şəvval orucunun bəzi faydaları:
Dahi alim İbn Rəcəb (Allah ona rəhmət etsin), Şəvval orucunun aşağıdakı bəzi faydalarını sadalamışdır:
1. Peyğəmbərin ﷺ sünnə’sini yerinə yetirmək;
2. Ramazandan sonra şəvvaldan altı gün oruc tutmaqla insan bir ilin savabını qazanmış olur;
3. Şəvval orucu, fərz namazından sonra qılınan sünnə namazı kimidir. Qiyamət günü qulun fərzlərində olan naqislik, onun qıldığı sünnət namazla doldurulacaq.
4. Ramazandan sonra şəvval orucunu tutmaq, Ramazan orucunun Allah tərəfindən qəbul olunmasının əlamətidir. Belə ki, Allah, bəndəsinin əməlini qəbul edərsə, onu başqa saleh əməllərə də müvəffəq edər. Belə demişlər: ‘yaxşı əməlin savabı ondan sonra başqa yaxşı əməl etməkdir.’
5. Ramazan orucunu tutanlar, əməllərinin bu dünyadakı mükafatını bayram sevinci ilə almış olurlar. Bayramdan sonra oruc tutmaları isə, bir növ – bu mükafat üçün şükür etmək kimidir.
(İbn Rəcəb, Lətaif Məarif, 390-394)
Qeydlər:
• Şəvval orucunun müddəti – bir aydır.
• Ramazandan sonrakı 30 gün ərzində tutulur.
• Şəvval orucunu tutmaq üçün, gecədən niyyət etmək lazımdır. Qəlblə niyyət kifayətdir, əlavə olaraq sözlə deməyə ehtiyac yoxdur.
• Ramazandan qəzası olan insan, ilk olaraq qəzalarını tutmalı, sonra Şəvval orucuna keçməlidir. Çünki, vaciblər, müstəhəblərdən öndədir.
Bu fürsəti qaçırmayın!
| Telegram: t.me/beyyinetv
| Instagram: instagram.com/beyyinetv
| YouTube: youtube.com/beyyinetv
#Ramazan #oruc #iftar #şəvval #savab #faydalar #bəyyinə #beyyine #bayram #müsəlman #fəzilət
167 views07:24