2022-05-07 15:14:40
ABŞ-da aparılan araşdırma, sosial media şirkətlərinin müsəlmanlara qarşı nifrət paylaşımlarına edilən şikayətlərin 89%-nə biganə qaldığını və lazımi tədbir görmədiyini ortaya çıxarıb.
Rəqəmsal Nifrətlə Mübarizə Mərkəzinin (CCDH) hazırladığı hesabatda 2019-cu ildə terror və zorakılıq xarakterli yazıların silinməsi çağırışını dəstəkləyən Meta, Twitter və Google şirkətlərinin birgə bəyanatına istinad edərək, “Mətbuata verilən açıqlamalar boş vədlərdən başqa bir şey olmadığı sübut olundu” şəklində bəyanətda bildirmişdir.
"Bu hesabat Facebook, Instagram, TikTok, Twitter və YouTube daxil olmaqla sosial media şirkətlərinin onlara bildirilən müsəlmanlara qarşı nifrət və islamofobik yazıların 89 faizində tədbir görmədiyini ortaya qoyur", - CCDH-nin saytında yerləşdirilən bəyanatda deyilir.
Müsəlmanlara qarşı yönəlmiş paylaşımlara ən azı 25 milyon dəfə baxılıb
Platformaların öz hesabat vasitələrindən istifadə edərək, hesabatı hazırlayan tədqiqatçılar müəyyən ediblər ki, müsəlmanları irqçi cizgi filmləri, sui-qəsdlər və əsassız iddialarla hədəfləyən narahatedici, təəssübkeş və insanlıqdan kənar məzmunlu 530 paylaşım ən azı 25 milyon dəfə baxılıb.
"Təhqiredici məzmunun əksəriyyəti asanlıqla müəyyən edilə bilindiyi halda məsələyə laqeyd yanaşıldı və məzmunlar aradan qaldırılmadı. Instagram, TikTok və Twitter istifadəçilərə #deathtoislam (İslama ölüm), #islamiscancer (İslam xərçəngdir) kimi heşteqlərdən istifadə etməyə icazə verdi. Heşteqlərdən istifadə edilərək yayılan məzmun ən azı 1,3 milyon baxış toplayıb." deyə bəyanatda bildirilir.
Hesabatda daha sonra xəbərdarlıq edilib ki, islamofob məzmunun paylaşılmasına icazə verilməsi sosial bölünmələri təşviq edəcək, təhqiramiz davranışları normallaşdıracaq və fikizi hücumları təşviq edəcək.
Həmçinin sosial media platformalarının İslama zidd məzmun və qarşılıqlı əlaqədən pul qazandığı və beləliklə də nifrətin yayılmasına göz yumduğu iddia edilib.
| Telegram: t.me/beyyinetv
| Instagram: instagram.com/beyyinetv
#xəbərlər #islamofobiya #islam #ikilistandartlar #qərbinəslüzü #bəyyinə #sözazadlığı #azadlıq
484 viewsedited 12:14