2023-03-19 13:03:53
17 гадоў таму пачалася «Плошча-2006» – адна з самых масавых і доўгатрывалых акцыяў пратэсту
19 сакавіка 2006 года ў Беларусі прайшлі трэція прэзідэнцкія «выбары». У гэты ж дзень увечары на Кастрычніцкай плошчы адбыўся мітынг, на які сабралася каля 30 тысяч чалавек. Людзі заклікалі правесці сумленныя выбары.
Пратэсны рух узначалілі кандыдаты ў прэзідэнты
Аляксандр Мілінкевіч і Аляксандр Казулін.
У ноч на 20 сакавіка Цэнтрвыбаркам апублікаваў вынікі. Яўка склала 92,6%.
За Лукашэнку прагаласавалі 82,6 %;
За Мілінкевіча – 6 %;
За Гайдукевіча – 3,5 %;
За Казуліна – 2,3%.
Пасля абвяшчэння вынікаў, 20 сакавіка, на Кастрычніцкай плошчы паўстаў намётавы лагер з 19 намётаў, пазней намётаў стала больш за 30. Лагер пратрымаўся чатыры ночы, яго наведалі нямецкі, літоўскі, чэшскі, англійскі, славацкі, французскі паслы. Міліцыя блакавала лагер, затрымліваліся тыя, хто прыносіў мітынгоўцам ежу. На плошчы выключалася святло, зачыняліся найбліжэйшыя туалеты.
Плошчу Кастрычніцкую па ініцыятыве Уладзіміра Арлова пачалі называць Плошчай Каліноўскага.
У ноч на 24 сакавіка (каля 3:00 гадзінаў) сілавікі абвясцілі пра ліквідацыю лагера і прапанавалі пратэстоўцам прайсці ў аўтазакі. Тыя адмовіліся, селі на зямлю, узяліся за рукі і трымаліся адзін за аднаго. Сілавікі ўжылі сілу. Лагер разбурылі за 15 хвілінаў, затрымалі каля 500 чалавек.
Пазней удзельнікаў Плошчы масава пачалі выключаць з універсітэтаў ды звальняць з працы.
25 сакавіка на Дзень Волі пратэсты працягнуліся, пасля мітынгу калона пайшла да турмы на Акрэсціна. Па дарозе адбыўся жорсткі разгон, людзей моцна збівалі і затрымлівалі.
Падзеі 17-гадовай даўніны
можна паглядзець у нашым фільме (спатрэбіцца VPN). Зміцер Дашкевіч быў удзельнікам Плошчы ад самага пачатку, у гэтым фільме – ягоныя сведчанні. Журналістка Любоў Лунёва працавала на акцыях і на ўласныя вочы бачыла, што ўжо тады рабілі беларускія сілавікі з народам.
140 views10:03
Ж
