Savdo-sanoat palatasi

2022-06-15 18:31:37 Ҳозирда республика бўйича 57 та профессионал таълим муассасасида Германия тажрибаси асосида иш жойида ўқитишнинг дуал таълим шакли йўлга қўйилган.

Мактабгача таълим тизимида бу ўз натижасини бергани таъкидланди – педагогика коллежи ўқувчилари 2 кун назарий билимларни коллежда олади, қолган 4 кун эса боғчаларда амалиёт ўтайди ва ишлаб, ойлик олади.

Вилоят ҳокимлари Олий таълим вазирлиги билан биргаликда ушбу ижобий тажрибани касб-ҳунар мактаблари ва техникумларда йўлга қўйиш топширилди.

Эндиликда:

- дуал таълимни жорий этиш учун касб-ҳунар мактабларининг бўш майдонларида корхоналарнинг ишлаб чиқариш цехлари ташкил этилади. Бунда, ўқувчилар ушбу корхонада ишлаб, ойлик олади;

- корхонадаги устозларга асосий иш ҳақидан ташқари, Бандликка кўмаклашиш жамғармасидан қўшимча устама тўланади. Открыть/Комментировать

2022-06-15 18:31:37 Авваламбор, профессионал таълимни янги ёндашувлар асосида ташкил этиш шарт, деди Президент ва бу ишларни қандай ташкил этишни Ангрен шаҳри мисолида кўрсатиб берди.

Ангренда жорий йилда меҳнат бозорига 3 800 нафар ёшлар кириб келади, шаҳардаги 535 та корхонада ишчи касблар бўйича 1 915 та бўш иш ўринлари мавжуд, инвестиция лойиҳалари ҳисобига жорий йилда яна 2 мингдан ортиқ ўрта бўғин мутахассисларига эҳтиёж пайдо бўлади.

Янги тизим орқали 6 минг нафар аҳоли касбий таълим билан қамраб олинади ва манзилли ишга жойлаштирилади.

Ёшларни касбга йўналтиришга масъул бўлган психологлар иши умуман сезилмаётгани қайд этилди.

Шу боис Халқ таълими вазирлигига:
- ўз тизимидаги психологларни қайта ўқитиш ва талабга жавоб бермайдиганларини алмаштириш;

- 7-11-синф ўқувчиларини индивидуал ёндашув асосида касбий диагностикадан ўтказиш ва тавсияларини кенгашларга тақдим этиш топширилди.

Шу билан бирга вазирлик олдига Ўқувчиларни касб-ҳунарга йўналтириш ташхис маркази фаолиятини трансформация қилиш вазифаси қўйилди. Открыть/Комментировать

2022-06-15 18:31:37 Янги тизимга кўра, 45 та коллеж Бандлик вазирлиги тизимига ўтказилиб, уларнинг ўрнида мономарказлар ташкил этилади.

Олий таълим вазирлиги барча касб-ҳунар мактаблари ва техникумларни бошқариш ва методик таъминлашга масъул бўлади.

Вазирликда алоҳида вазир ўринбосари лавозими жорий этилиб, департамент ташкил қилинди. Бу лавозимга етарли тажрибага эга бўлган, Бухоро шаҳар мономарказ раҳбари Садоқат Сиддиқова тайинланди.

“Бугунги кунда олий таълим тизимидаги катта ислоҳотлар ўз натижасини беришни бошлади. Жорий йилда 36 та олийгоҳга академик ва молиявий мустақиллик берилди.

Энди профессионал таълим тизимини тубдан ислоҳ қилиш – олий таълим вазири, унинг ўринбосарлари, ректорларнинг энг устувор вазифаси бўлиши керак. Бу жуда муҳим вазифа, тизимли иш ташкил этилмаса, одамлар рози бўлмайди”, деди Президент.

Бунинг учун Профессионал таълимни ривожлантириш жамғармаси ташкил этилиб, унга 50 млрд сўм йўналтирилади.

Вилоят, туман ва шаҳарларда Касб-ҳунар таълими кенгашлари ташкил этилади. Открыть/Комментировать

2022-06-15 18:31:37 Йиғилишда 330 та касб-ҳунар мактаби, 173 та коллеж ва 207 та техникуман иборат тизим самарали ишлатилмаётгани қайд этилди. Улар мавжуд қувватларининг атиги 40-50 фоизидан фойдаланмоқда.

Энергетика, Сув хўжалиги, Уй-жой коммунал вазирликларига берилган коллежлар 20 фоиз, Қурилиш, Транспорт вазирликлари коллежлари 10 фоиз қувватда ишлаяпти.

Жорий йилда коллеж ва техникумларнинг 15 мингга яқин ўқувчилари контракт пулини тўлаш имконияти йўқлиги боис, ўқишни давом эттира олмаган.

Энг муҳими – коллеж ва техникумлардаги касблар иш берувчилар талабига мос эмас. Оқибатда улар ишга олган ёшларни қайтадан ўқитишга мажбур бўлмоқда.

Ўқув дастурлари замон талабларидан анча орқада, 1 минг 350 номдаги касбий дарслик ва адабиётлар етишмайди.

Бу муаммолар ечими билан шуғулланадиган мутасадди вазирликлар тизимли ишламаётгани танқид қилинди.

Шу боис касб-ҳунар таълимини замон талабларига мослаштириш бўйича янги тизим жорий қилиниши белгиланди. Открыть/Комментировать

2022-06-15 18:31:37 Президент раислигида йиғилиш бошланди.

“Ҳозирги кунда тўқимачилик, кончилик, электротехника, кимё ва бошқа саноат тармоқларида, қишлоқ хўжалиги, хизматлар ва сервис, қурилиш, тадбиркорлик соҳаларида катта-катта ўзгаришлар қилаяпмиз.

Мисол учун, 2022 йилнинг ўзида 16 миллиард долларлик 9 мингдан зиёд йирик ва ўрта лойиҳалар ишга туширилиб, уларга 300 мингга яқин малакали ишчилар керак бўлади.

Камбағалликни 2 бараварга қисқартириш бўйича марраларга ҳам одамларга фақат ва фақат замонавий касблар бериш орқали эриша оламиз”, деди давлатимиз раҳбари йиғилиш аввалида.

Сўнгги 3 йилда “Ишга марҳамат” мономарказлари ташкил қилиниб, одамларни касбга ўргатиш бошлангани, лекин бу тизим 5-10 фоиз ишсизларни қамраб олиши таъкидланди.

Бу йил республика бўйича 555 минг нафар ёшлар меҳнат бозорига кириб келади.

Уларни замонавий касбларга ўргатиш, муносиб иш билан таъминлаш масалалари барча даражадаги ҳокимлар, олийгоҳ ректорлари, коллеж ва техникум директорларини ҳам ўйлантириши кераклиги кўрсатиб ўтилди. Открыть/Комментировать

2022-06-15 18:11:41 #ССП_янгиликлари

Ўзбекистоннингтекстиль маҳсулотларини Франциядаги машҳур бренд компанияларига етказиб бериш масалалари муҳокама этилди.

Жорий йилнинг 15 июнь куни Ўзбекистоннинг Франциядаги элчихонаси, Ўзбекистон Савдо-саноат палатаси, “Ўзтўқимачиликсаноат” уюшмаси ҳамда маҳаллий тўқимачилик корхоналари иштирокида Франциянинг текстиль соҳасидаги “Forweavers” ва “Cotton-Silk” компаниялари билан онлайн видеомулоқот бўлиб ўтди.

Учрашувда Савдо-саноат палатаси масъул ходими Ғ.Усмонов иштирок этиб, Франция компанияларига жаҳоннинг машхур текстиль брендлари иштирокидаги қўшилган қиймат занжирига Ўзбекистоннинг текстиль корхоналарини жалб этиш бўйича амалий таклифларни билдириб ўтди.

Жумладан, халқаро брендларнинг қўшимча қиймат занжирига қўшилиш талаблари асосида Франция текстиль компанияларидан иборат делегацияни Ўзбекистонга ташрифини ташкил этиш ва ўзбек-француз текстиль корхоналари учрашуви ҳамда мулоқотини жойида ташкил этиш таклиф этилди. 

Ўз навбатида Франция томони Ўзбекистонда сўнгги йилларда текстиль соҳасидаги ижобий ўзгаришларни юқори баҳолаб, яқин келажакда маҳаллий корхоналар билан ҳамкорлик масалаларини кўриб чиқишини ҳамда Франция компаниялари делегациясини республикамизга ташрифини амалга оширишини қўллаб-қувватлади.
Учрашув якунида томонлар ўртасида ўзаро ҳамкорликнинг келгусидаги режалари келишиб олинди. Открыть/Комментировать

2022-06-15 12:55:39 #Объявление

Вниманию предпринимателей!

Министерством инновационного развития Республики Узбекистан планируется к проведению бизнес-форум с деловым сообществом Республики Иран (50 крупных иранских компаний различных профилей).

Для участие в B2B встречах просим Вас пройти регистрацию по ссылке: https://ihitb2b.com/uzbekistan/2022-june/

Контактное лицо : Беккулбеков Ойбек (78) 150 60 06 Открыть/Комментировать

2022-06-15 07:13:27 #Эълон

Тадбиркорлар диққатига!!!

Францияга текстиль маҳсулотларини машҳур бренд компанияларига етказиб бериш мақсадида 2022 йил 15 июнь куни соат 17:00да “Forweavers” компанияси ва “Cotton-Silk” компанияси вакили билан видеоалоқа орқали учрашув ўтказиш режалаштирилган.

Учрашувда маҳаллий текстиль маҳсулотларини хориждаги машҳур брендларга етказиб бериш истиқболлари муҳокама қилинади.

Ушбу онлайн мулоқотда қуйидаги сертификатларга эга бўлган корхоналар иштирок этишлари мумкин: “OEKO Tex”, “GOTS”, “ISO 14001”, “BSCI” ва “SEDEX”.

Учрашувда иштирок этиш истагидаги тадбиркорлик субъектлари Палатанинг масъул ходими Усманов Шахзодга +99899 101-11-12 телефон рақами орқали мурожаат қилишларини сўраймиз. Открыть/Комментировать

2022-06-15 06:50:02 #no_comment

Олис ҳудудлардаги мебелсозлар учун экспорт имкониятлари Открыть/Комментировать

2022-06-15 06:37:52 #Эълон

Самарқандда Доривор ўсимликлар маҳсулотларининг Биринчи халқаро кўргазмаси бўлиб ўтади

ССВ ҳузуридаги Фармацевтика тармоғини ривожлантириш агентлиги, Савдо-саноат палатаси, Самарқанд вилоят ҳокимлиги, Қишлоқ хўжалиги вазирлиги, Ўрмон ҳўжалиги давлат қўмитаси ташаббуси билан жорий йилнинг 17 июнь куни Самарқанд вилоятининг Жомбой туманидаги “SOF EXPO SAMARKAND” кўргазмалар мажмуасида илк бора “Avicenna Heritage” деб номланган Доривор ўсимликлар маҳсулотларининг Биринчи халқаро кўргазмаси ўтказилади. Открыть/Комментировать