- тушунмадим? - синглимни қишлоқдан тўй қилиб олиб чиқиб кет | 🍁УМР САХИФАСИ🍂

- тушунмадим?
- синглимни қишлоқдан тўй қилиб олиб чиқиб кетадиган йигит топишимиз керак, иккинчими, учинчими хотинликка беришга ҳам тайёрмиз.
- ўқишичи, ўқиши нима бўлади.
- ўқишини кейин ҳал қилинар, ҳозир синглимни номусини сақлаш, юзини ёруғ қилиш асосий муаммо.
Бирорта ошнангиз бўлса гаплашиб кўринг илтимос, ёши катта одам бўлмаса бўлди.
- майли, гаплашиб кўрарман, синглингизни расми бўлса берсангиз кўрсатиб кўрардим.
Опа ўринларидан турдиларда шкафдан қалин фотоалбомни олиб ичидан уч - тўртта расмни чиқариб менга бердилар.
Оппоқина кўзлари ёниб турган гўзал қиз экан, опасига сира ўхшамайди.
- синглим онамларга ўхшайди, мен эса отамга тортганман деди опа худди ҳаёлимдан ўтганини билгандай.
- яхши, битта расмни олдим, шу ҳафта ичи хабарини айтарман.
Опа билан хайрлашиб ташқарига чиқдим, рўпарамдан икки қиз мен чиққан подьезд томон келарди, биттаси бояги расмдаги қиз эди, у қиз расмдагидан ҳам анча гўзалроқ эди, кўриб юрагим ғалати бир тезликда ура бошлади.
Наҳотки шундай гўзал қизни номусини булғашди аблахлар дея қизга ачиндим.
Хуллас қизни кўрдимда ўша кундан бошлаб ҳаловатим йўқолди, оилалик бўлсамда топишим яхши эди, қолаверса опаси иккинчи хотин қилиб турмушга беришга ҳам тайёр бўлса, бундай қулай вазиятни қўлдан чиқармасликка аҳд қилдим.
Опа билан навбатдаги учрашувда мақсадимни очиқ айтдим:
- агар хўп десангиз синглингизни мен қишлоқдан тўй қилиб юзингларни ёруғ қилиб олиб чиқиб кетаман, фақат шартларим бор.
- барака топинг, айтинг шартларингизни.
- тўйдан кейин уйда ўлтиради, рўмол ўраб юради, беш вақт номоз ва рамазон рўзаларини тутади, мен рухсат берган куним ота уйига боради. Синглингиздан сўранг, агар рози бўлса сизга яқинроқ жойдан уй топиб сотиб оламан, кейин тўйни бошлаймиз.
Эртаси куни қизни ўзи билан опа учраштирдилар, барча шартларга рози бўлишди.
Энди узоқ қишлоқда тўйни ўтказиш тадбирини режалаштириш керак эди, режа шундай пухта бўлиши керакки мени уйимдагилар ҳам уйланганимни билмасликлари лозим эди.
Опани рўпарасидаги квартира сотиладиган экан, татар миллатига мансуб квартира эгаси Уфа шаҳрига кўчиб кетиши сабабидан сотишга қарор қилди ва мен квартирани сотиб олдим. Нотариус орқали ўзимни номимга расмийлаштирдик.
Тўй тадбирини ҳам ишлаб чиқдик, Андижонлик танишлар мен учун "амма" , "хола" ва " тоғаларни " ёллашди. Гўёки ота - онам чет элда яшашади ва тўйга "амма" , "хола" ва " тоғаларим" бошчилик қиладиган бўлишди, мен эса ўзимни келинни маҳалласидагиларга Андижонлик бўлиб таништирадиган бўлдик.
Келин томонни муаммоларини опа ҳал қиладиган бўлдилар ва тўй кунини белгиладик.
Келинни қишлоғида тўйни ўтказиб шаҳарга қайтдик, барча харажатлар мен томондан адо этилди, ҳамма хурсанд.
Эртасига келин туширилган дом аҳолисига яъни маҳаллага ош тарқатиб қўйдик.
Энди акангқарағай икки хотинлик бўлди дея бошим осмонда эди.
Келин калимаи шаҳодатдан бошқа ҳеч нарсани билмас экан, "ислом дини нима ?" деган китоб олиб бердим ва мен ишга кетишим билан опаси икковлари номозликларни ёдлаш билан машғул бўлишарди.
Уйимдагиларга эса Тошкетда бизнес ишимни бошлаганимни энди тез - тез Тошкентга боришга тўғри келишини айтиб ишонтирдим.
Уч ойча яхши яшадик, опага сингисини овқат тайёрлашга ўргатишини илтимос қилдим:
- опа, мана энди кўнгилсизликлар ортда қолди алхамдулиллах , синглингиз уй ишларига яъни уй тозалаш, кийимларни дазмоллаш ва овқат пиширишларни билмас экан, илтимос шуларни ўргатинг, ахир кечгача бекор ўлтирибдику дедим.
Бир куни тушлик пайтида домга келсам жуда баланд мусиқа товуши мени квартирамдан келаётганини гувоҳи бўлдим, хайрон бўлиб тезда квартирага кўтарилдим, эшик ичидан берк, мусиқа шундай баланд ўйнардики эшикни болға билан таққиллатиш ҳам бефойда эди.
Яхши коридорда электрошит очиқ экан шу орқали квартирани токини ўчирдим ва яна эшикни таққиллатдим.