Святлана Ціханоўская заклікала Латвію прызнаваць пратэрмінаваныя пашпарты беларусаў
Беларуская лідарка сустрэлася з дзяржаўным сакратаром Міністэрства ўнутраных справаў Латвіі Дзімітрыйсам Трафімаўсам. Палітыкі абмеркавалі праблемы легалізацыі беларусаў у Латвіі і бюракратычныя перашкоды, з якімі яны сутыкаюцца.
Святлана Ціханоўская заклікала дзяржсакратара разгледзець магчымасць прызнання пратэрмінаваных пашпартоў сапраўднымі. Таксама лідарка папрасіла знайсці рашэнні для дзяцей, якія нарадзіліся ў Латвіі, і не могуць атрымаць беларускія дакументы.
На сустрэчы дамовіліся, што Міністэрства ўнутраных справаў апублікуе інструкцыю па легалізацыі для беларусаў у Латвіі. Трафімаўс адзначыў, што Латвія гатовая разгледзець магчымасць выдачы часовай абароны для беларусаў, якія пакінулі краіну праз рэпрэсіі.
