2022-04-23 08:52:00
Бүгүн, муус устар 22 күнүгэр, Семен Петрович Данилов аатынан Бэрдьигэстээх орто оскуолатыгар медико-биологическай кылаас арылынна.
Бу кэрэ-бэлиэ күҥҥэ күндү ыалдьыттарынан буоллулар Максим Кирович Аммосов аатынан Хотугулуу илиҥҥи федеральнай университет
медицинскэй институт, Дьокуускайдааҕы медицинскэй колледж преподавателлэрэ, Горнай улууһун салайааччылара.
Бэрдьигэстээх нэһилиэгин аҕа баһылыга Аргунов Алексей Григорьевич, Горнай улууһун үөрэх управлениетын начальнига Сметанина Варвара Ильинична, Горнай улууһун киин балыыһатын кылаабынай бырааһа Апросимов Леонид Аркадьевич, Максим Кирович Аммосов аатынан Хотугулуу илиҥҥи федеральнай университет медицинскэй институтун анатомия
кафедратын
доцена, медицинскэй наука кандидата Сергина Екатерина
Петровна, Дьокуускайдааҕы медицинскэй колледж преподавателя, приемнай хамыыһыйа сэкэрэтээрэ Шарапова Александра Владимировна медико-биологическай кылаас оҕолоругар, учууталларыгар, төрөппүттэригэр бэйэлирин эҕэрдэ тылларын, баҕа санааларын эттилэр.
Үөрүүлээх тэрээһиҥҥэ медико-биологическай кылаас оҕолоро үөрүүлээх быһыыга-майгыга үрүҥ халаат кэппиттэрэ, бэйэлэрин мэктиэ тылларын эппиттэрэ олус долгутуулаах буолла.
Кэлбит ыалдьыттарбыт олус интэриэһинэй маастар-кылаастары, лиэксийэлэри ыыттылар. Ол курдук Дьокуускайдааҕы медицинскэй колледж преподавателлэрэ уонна устудьуоннара сирэйи, тыҥыраҕы хайдах көрүнэргэ, ыарыһаҕы хайдах эмтииргэ, уу кыһыл оҕону хайдах көрөргө-истэргэ, анализтары хайдах оҥорорго биһиги үөрэнээччилэрбитигэр маастар кылаастары көрдөрдүлэр.
Хотугулуу илиҥҥи федеральнай университет медицинскэй институт анатомия кафедратын преподавателлэрэ «Доруобуйаҥ бэйэҥ илиигэр», «Инники үөрэххин билиҥҥэттэн тал» диэн олус интэриэһинэй кэпсэтиини онордулар.
Бу күн оскуола, мединститут, медколледж уонна
улуустааҕы балыаһа бырайыак олоххо киирэригэр бииргэ үлэлэһэр сүбэлэҥи түһэристилэр.
311 views05:52