Бэс ыйын 8 күнүгэр "Горнай түмсүү" общественнай тэрилтэтиттэн Надежда Петровна Федорова, Розалия Афанасьевна Заровняева биир дойдулаахтарыгар, түмсүү актыыбынай чилиэттэригэр, Горнай улууһун тыа хаһаайыстыбатын сайдыытыгар кылааттарын киллэрбит үтүө дьоннорбутугар Варвара Яковлевна, Иван Васильевич Мордовскойдарга Хаҥалас улууһугар, Булгунньсхтаах бөһүөлэгэр баран көрсөн улуус, республика олоҕуттан сонуннары уонна Аҕа дойду улуу сэриитин саҕана уонна дойдуну чөлүгэр түһэриигэ харса суох үлэлээн ааспыт кэмнэрин ахтан-санаан аастылар.
Түмсүү салайааччыта Надежда Петровна Варвара Яковлевнаҕа, Иван Васильевичка "Сэрии сылын оҕото" анал бэлиэни туттарда уонна кытаанах доруобуйаны, оҕолорун, сиэннэрин тапталларыгар уйдаран уһун дьоллоох олоҕу, дойдуларын кытта сибээстэрин быспакка этэҥҥэ буолалларыгар баҕарда.
"Горнай түмсүү" общественнай тэрилтэтин пресс-группата.
