Бэс ыйын 4 күнүгэр Хотугу улуустар Үрүҥ Тунах ыһыахтара ыытыл | Газета "Үлэ күүһэ" Горного улуса

Бэс ыйын 4 күнүгэр Хотугу улуустар Үрүҥ Тунах ыһыахтара ыытылынна.

Өлөөн улууһун Солоҕоон нэһилиэгин ыҥырыытынан хотугу улуустар Үрүҥ Тунах ыһыахтарыгар Солоҕоон нэһилиэгин баһылыга Алексей Захаров делегацията кытынна.

Кэрэ көстүүлээх Кэнкэмэ айылҕатыгар саҥа сиргэ иккис төгүлүн буолар Өлөөн улууһун баһылыга Елена Иванова салайааччылаах ыһыаҕы үрдүк таһымҥа салайан ыытта.Эһиил Эдьигээннэр ыһыаҕы тэрийэллэр.Улуустар бэйэлэрин национальнай таҥастарын кэтэ сылдьаллара,көрүөххэ үчүгэйин,кэрэтин.

Кэнсиэркэ «Соргулаах Солоҕон,үүнэ-сайда тур!»диэн ырыаны сүргэбит көтөҕүллэн иһиттибит.Ээйиктэр баай талым астаах Сандал остуолларыгар ыҥырдылар,олус үчүгэйдик көрүстүлэр.

Баһылык Алексей Захаров Солоҕоон Үрүҥ Тунах Ыһыаҕар барыларын ыҥырда,ытыс таһыныылаах үөрэ иһиттилэр.Хотугу улуустар ыһыахтарыгар сылдьан элбэҕи билэн,көрөн астынан кэллибит.

Виктор Семенов.

Автор хаартыскаҕа түһэриитэ.