Ыам ыйын 31 күнэ – Аан Дойду үрдүнэн табахтан аккаастаныы Күнэ | Газета "Үлэ күүһэ" Горного улуса

Ыам ыйын 31 күнэ – Аан Дойду үрдүнэн табахтан аккаастаныы Күнэ

ЫРААС САЛГЫНЫНАН ТЫЫНЫАХХА

Табах аан дойдуга сыл аайы 5 мөлүйүөнтэн тахса киһини суох оҥорор. Оннооҕор тардыбат эрээри табах буруотугар тыынар дьоҥҥо доруобуйаларыгар охсуулаах. Оҕолор табахсыттары үтүктэн боруобалыы сылдьан ылларан кэбиһэллэр. Ол курдук табах никотин диэн веществота наркотическай дьайыылаах, ыллардыҥ да босхолоноруҥ уустук буолар. Ол эрэн, табахтааһын буортутун сөпкө өйдүүр киһи, бу дьаллыктан босхолонуон сөп.

Табаҕы хайдах быраҕыахха сөбүй:

1. Хас табаҕы, ханнык түгэҥҥэ ордук тардаргын толкуйдаан көр, сурун.
2. Быһаарыныыҥ кытаанах буолуохтаах. Быраҕар төрүөттэргин сурун.
3. Аккаастанар күҥҥүн чопчу быһаар, бэлиэтээ. Эбэтэр кимниин эмэ бииргэ бырах.
4. Табаҕы маҥнай утаа жвачканан эбэтэр кэмпиэтинэн солбуй, илиилэрин эмиэ иллэҥэ суох буолуохтаахтар, дьарыкта булун.
5. Тардыбакка сылдьаргынан киэн тутун уонна ол харчыга бэйэҕэр бэлэхтэ ылын.
6. Никотиннаах эмтэри туттуохха сөп, ол курдук пластырь, жвачка, ингалятор араас көрүҥнэрэ бааллар, организмҥа никотины бытааннык киллэрэллэр, организм сыыйа үөрэнэригэр көмөлөөхтөр.
8. Кэлин электроннай табах тарҕанна. Ол эмиэ никотиннаах эрээри угарнай гаас уонна смола курдук буортулаах эттиктэрэ суох, сыыйа табахтыыртан аккаастанарга көмөлөөх.

Ыраас салгынынан тыыныахха, доруобуйаны харыстыахха!

Владимир Дьяконов,
психиатр-нарколог.