2022-08-24 09:30:44
Қазақстанда барлық ауылдар медициналық инфрақұрылыммен қамтамасыз етілетін боладыҚР Денсаулық сақтау министрлігінде ҚР Премьер-Министрінің орынбасарының төрағалығымен Президенттің тапсырмаларын орындау барысы талқыланды.
Мақсаты қалалық және ауылдық денсаулық сақтау арасындағы теңгерімсіздікті қысқарту болып табылатын "ауылдық денсаулық сақтауды жаңғырту" пилоттық жобасын әзірлеу мәселесі бойынша ҚР Денсаулық сақтау вице-министрі Жандос Бүркітбаев баяндама жасады.
Ауылдық елді мекендерде медициналық-санитарлық көмектің жетіспейтін ұйымдарын, атап айтқанда медициналық пункттерді, фельдшерлік-акушерлік пункттерді, амбулаторияларды салу арқылы медициналық инфрақұрылыммен қамтамасыз етілетінін хабарлады.
Бұдан басқа, құрамында инсульт орталықтары, кардиология, реанимация, оңалту бөлімшелері бар және қазіргі заманғы медициналық жабдықтармен (КТ, МРТ, УДЗ, ӨЖЖ және т.б.) жарақтандырылған қазіргі заманғы көп бейінді орталық ауданаралық ауруханаларды ұйымдастыру жүргізіледі.
Министрлік әкімдіктермен бірлесіп, бүгінде 655 МСАК объектісін құрайтын МСАК объектілерін салуға қажеттілікті айқындады, оның ішінде 228 - і жаңа объектілер салу және 427-сі жұмыс істеп тұрған объектілердің орнына салу болып табылады. Сондай - ақ, 32 көпбейінді орталық аудандық аурухана ұйымдастырылады - 12 аурухананы жаңғырту және 20 жаңа аурухана ұйымдастыру.
"АХДО ұйымы инсульт және кардиологиялық орталықтарды, медреабилитация, травматология, хирургия, реанимация мен қарқынды терапия бөлімшелерін ашу, заманауи медициналық жабдықтармен жарақтандыруды және күрделі жөндеу жүргізуді қарастырады", - деп хабарлады Ж.Бүркітбаев.
89 viewsedited 06:30