2022-05-25 16:15:34
Жасыл даму кәдеге жарату алымы үшін артық төленген ақшаны қайтаруға өтінімдерді қабылдай бастадыАғымдағы жылдың қаңтар айында Мемлекет басшысы Қ.Қ. Тоқаев "ӨКМ Операторы"ЖШС-нің кәдеге жарату алымын тоқтату және кәдеге жарату алымына билік ету жөнінде шаралар қабылдауға тапсырма берді.
Президенттің пікірінше, мұнымен шет елдердегідей мемлекеттік ұйым айналысуы тиіс. Осы тапсырманы орындау шеңберінде Қазақстанда кәдеге жарату алымының операторы "Жасыл даму" болып табылады.
Бүгінде "Жасыл даму" кәдеге жарату алымы үшін артық төлемді қайтаруға өтінімдер қабылдауды ашты. Ақша 14 мамырдан бастап кәдеге жарату алымын ставкалар бойынша төлеген жеке және заңды тұлғаларға қайтарылады.
Елордада офлайн режимде өтінім беруге болады: өтініш пен төлем тапсырмасының көшірмесін кәдеге жарату алымы операторының кеңсесіне апарыңыз. Кеңсе мекенжайы: Мәңгілік Ел даңғылы, 30. Сұрақтар бойынша мына нөмірге хабарласуға болады: +7 (7172) 64-81-00.
Өтініш үш күн ішінде қаралады. Ақшаны кәдеге жарату алымын 14 мамырдан бастап ставкалар бойынша төлеген жеке және заңды тұлғаларға қайтарады. Бұл ретте ақша қайтарылатын мерзім белгісіз, себебі тетік әлі пысықталуда.
Экология министрлігі 21 мамырда кәдеге жарату алымының жаңа ставкалары туралы шешімді өзгертті: жаңа ставкалар күшіне енгенге дейін (14 мамыр) машиналарды әкелген азаматтар енді кәдеге жарату алымын ескі тарифтермен емес, жаңасымен төлейді. Ал ақшаны бергендерге "Жасыл даму " оларды қайтаруға міндетті.
23 views13:15