Sapargul Abdinabieva

2022-09-01 16:02:17 Күз мезгилинин биринчи күнү. Шашпай аудиокитеп угуп келе жаткам, саат эрте мененки 8.20. Бир жерге үймөлөктөп, тынчы кетип кыйкырып, жардам сураган топ адамдарды көрүп, шашып кеттим. Такыр токтоого мүмкүн эмес жерге унаамды таштап, чуркап барсам жап-жаш бала кулап жатат, калчылдап, дем ала-албай, оозунан көбүк чыгып жатат. Элдин алгачкы жардамы жардам бербептир. “Тез жардам чакырдыңарбы?” деп сурасам, жарым сааттан бери жок деп ачууланган байке-эжелер. Мен алып барайын деп, эс-учун жоготкон бала, андан башка мен сыяктуу балага тиешеси жок 2 эже, 1 байке болуп зымырадык. Жол катар түрдүү жоромолдорду айтып, аңгыча номер биринчи ооруканага учуп жеттик. Жетерибиз менен бизди башка бөлүмгө буюрушту, ал жакка бардык. Биздин башаламан түшүндүрмөлөрбүздү угуп, дарыгерлер киши ташыган керебет алып чыгып, жигитти алып кирип кетишти. Болжолдуу белгилери боюнча «эпилепсия» деп жатышат. Бирок ким билет. Бир аз абалы турукташкандан кийин, жигиттин сумкасын таштап, жумушка кайттым.

Жол катар баланын энесин ойлоп келдим. Эч нерседен бейкапар отурса керек деп…Мен бул жакшылыкты куру дегенде ошол эненин жүрөгүнүн тынчтыгы үчүн жасадым.

Жүрөктөр үчүн жөлөк бололу. Открыть/Комментировать

2022-08-24 06:48:47 Менталдык абалы жана психикасы сеникинен туруктуу, саламат адамдар менен жолугуу, баарлашуу адамды өзгөртөт. Артынан ээрчип, өсүүгө, кошо жетилүүгө болот.

Айланабызды аруу, жүрөгү таза адамдарга курчайлы. Открыть/Комментировать

2022-08-20 16:05:39 Жумуштан чарчаганда же айланабызда капа кылган окуя болсо, ага мамилени өзгөртүү аркылуу тарткан запкыдан арылса болот.
Кыйынчылыктар, түшүнбөстүктөр боло берет, бирок убактылуу. Аларга кайгыруу же үңүлө бербөө ар бир адамдын тандоосу.

“Жалпы өмүрүмдүн масштабында ушул окуя канчалык маанилүү?”, - деген суроо көп керексиз кайгыдан арылтат. (c)

Жарык жашайлы. Открыть/Комментировать

2022-08-20 16:05:35 Открыть/Комментировать

2022-06-23 14:22:22 Эс алуудан мурда катуу эмгектенүү да шарт. Эмгексиз жыргалчылыктын акыры кээде депрессивдүү ойлорду жаратат. Тынымсыз эмгек да маңызсыз, ал менталдык саламаттыкты бузат.

“Жумуш-эс алуу-жакындар-табият” балансын кармоо учур талап кылган жөндөм. Көптөр аракетте. Анын ичинде мен. Открыть/Комментировать

2022-06-15 14:54:27 Кантип дем аласыз? Терең? Үстүрттөн?

Терең дем алып, демди кайра шашпай чыгарып алуу нервдик чыңалууну жазууга жардам берет. “10 жолу” деген ыкма бар. Катуу иштеп чарчаганда, уктар алдында же түшкү тыныгуу учурунда 10 ирет таза абаны абдан терең жутуп, акырындык менен кое берүү керек. Бул кан айланууну жакшыртып, жумушка активдүү катышып жаткан бардык органдарды сергитет. Жакында эле дагы бир изилдөө чыкты, терең дем алып-коё берүү ыкмасы- адам организминде метаболзмди да жакшыртат экен.

Демек, күн сайын токтоп, 3-5мүнөт дем алганыбызга маани берип, регулярдуу көнүгүү жасап туруу- mindfulness жашоого кичи кадам. Открыть/Комментировать

2022-06-01 11:45:30 Ар бир адам өзү жакшы билген же абдан кызыккан тармак тууралуу жазып, айтып, башкаларга аз-аздан көмөктөшө берсе, коомдун туруктуу өнүгүүсү үчүн да, мамлекет үчүн да пайдалуу. Открыть/Комментировать

2022-05-23 08:44:33 Открыть/Комментировать

2022-05-23 08:44:23 Чогуу иштеген кесиптештер жумуштун жүрүшүнө, сенин өсүшүңө же өзгөрүшүңө абдан чоң таасир этчу адамдар. Убактыбызды көбү жумушта өткөндүктөн, алар менен баарлашкан темалар, жүрүм-турумдар же түрдүү адаттар сөзсүз жугуштуу.
Азыркы кесиптештеримдин көбү так илимдер чөйрөсүнөн, мага алардын сүйлөшкөн ар бир темасы кызык боло берет. Ошого жараша тилдери да “аралаш” же терминге толгон сүйлөмдөр. Заманбап технологияда колдонулган бир топ сөз жаттадым (деплой, код-ревью, спринт, инстанс ж.б.). Ал эми мен аларды акырындап кыргызча баарлашууга үндөп жатам.

Баса, бул өрүк компотту бир кесиптешим биз иштеп жатсак эле жасап, ар бирибиздин столубузга бир чыныдан жеткирип берди. Дагы бирөө кофенин мастери, чогуу кобурашып калсак эле кофе сунуштайт.

Иштегенче үйрөнүү кандай сонун. Открыть/Комментировать

2022-05-22 15:29:02 Открыть/Комментировать