2021-05-05 08:44:00
ЕЧИМ ҚАЕРДА?
Рақамлар космик миқёсга қараб кетяпти.
"2020 йилда 106 минг гектар ер ҳокимликлар томонидан ноқонуний ажратилган – Бош прокуратура".
Бу агар мен адашмаётган бўлсам 106000 гектар х 100 сотих = 10 600 000 сотих бўлади. Тасаввур қила олишингиз учун айтаман, бу миқдор 6 сотихли ҳовлидан 1 766 666 дона дегани.
Битта оилада бешта одам яшайди, деб ҳисоб қилсак, 8 833 330 одам яшаши мумкин бўлган ер ноқонуний сотиб юборилган бўлади!
Ёки қуйидаги маълумот:
"Жиззах вилояти ҳокимининг собиқ ўринбосари Акром Раҳмонқуловнинг зарарни ундириш учун хатланган мол-мулклари ҳақида маълумот берилди
Терговда Раҳмонқуловга тегишли корхоналарда 12 млрд сўм, Жиззах шаҳридаги “Эски шаҳар” буюм бозорида қурилган 172та савдо дўкони, кўп қаватли уйларда 14та хонадон, 43та автомашина, 37та бошқа кўчмас мулклар борлиги аниқланиб, зарарни ундириш учун хатланган. Раҳмонқулов ва яна 10 киши ҳибсга олинган".
Ўғирликлар бу қадар миқёс олиши давлат ва миллат хавфсизлигига ўта кучли таҳдид эмасми?
Эртага бу ўғрилар давлатни ютиб юбориши ва ўзбек миллатини тўлиқ қулга айлантириши ҳеч гап эмаску, агар бу ишлар ҳозир содир бўлмаган бўлса.
Ёки бу эътирофга эътибор қилайлик.
"Олий Мажлис Сенати йиғилишида Сенат раиси Танзила Норбоева соҳаларда йўл қўйилаётган коррупциявий ҳолатлар йилдан йилга кўпайиб бораётганини таъкидлади".
Кун ўтган сари ҳолат баттар бўлаётган бўлса, ҳуқуқ-тартибот идораларининг кучи бу аждаҳо қаршисида ожизлик қилаётган бўлса, бундай чуқур инқирозга қарши кескин чоралар кўриш, кураш қамровини кенгайтириш, хусусан ислом таълимоти ва одобларини кенг ёйиш керак.
Бундан бошқа йўл йўқ! Диндан қўрқиш ва қўрқитишни бас қилиб, вазиятга теран ва уйғоқ баҳо берайлик.
Агар одамлар қалбида Аллоҳ ва охират кунига иймон мустаҳкамланса, ҳар бир ҳаракатимизни Ҳақ таоло кўриб турганини ҳис қила олсак, ташимизда исломнинг гўзал одоблари билан зийнатлансак, коррупция ҳамда бошқа иқтисодий жиноятлар ва ахлоқсизликлар заифлашар, муаммонинг қолган қисмини кучишлатар тизимлар кучи билан тийилар эди.
Шунинг учун бу тўғрида ҳукумат ва жамиятни ижобий мулоқот ва ҳамкорликка чақираман. Ҳеч қачон кеч бўлмаган.
Агар ишларга оқилона ёндашсак, илоҳий ечимлардан унумли фойдалансак тез кунларда бундайин тушкун инқироздан чиқиб кетар эдик.
Яна қайтараман, коррупция ва бошқа жиноятларга барҳам беришда Ислом динимиздан кенг ва тўлиқ фойдаланмасак ишимиз юрмайди.
Бунинг учун қўлимизда жуда катта имконятлар бор. Эшитувчи қулоқ ва тан олувчи ақл бўлса кифоя.
Мубашшир Аҳмад @psixostimul
239 viewsМиржавлон Рустамович, edited 05:44