2021-12-19 19:16:11
Toksik odamlarning bir turi – muqaddas yoki mukammal(“begunoh”) odamlardir.
Nega hurmat qilinishi “kerak” bo‘lgan bunday odamlarni psixologlar toksik – ruhiy va jismoniy zarar yetkazuvchilar deb ataydi?
O‘zini muqaddas yoki mukammal hisoblanishiga da’vo qiluvchi kishilar hamma narsani o‘zi xohlaganday bo‘lishini xohlaydi. Ular
• Kim qanday yashashi kerakligini hal qiladi;
• Eng to‘g‘ri variantni biladi;
• Odamlarning qanday ekani haqida hukm chiqaradi;
• O‘zining tanqid, noroziliklarini doim o‘rinli hisoblaydi;
• Ularning asabini buzish mumkin emas;
• Ularning ta’biga zid ish qilish mumkin emas;
• Ularning istaklarini birinchi o‘ringa qo‘yilishi kerak, kimga qanday zarar yetishi muhim emas.
Ayniqsa, bunday ota-onalarning bolasi bo‘lish juda qiyin. Farzand o‘z xohishini amalga oshirishni xohlasa va ishining natijasi qanday yakunlanishiga amin bo‘lmasa, bunga ruxsat yo‘q. Agar farzand haq ekanini, qarori to‘g‘ri ekanini bilsa, ota yoki ona o‘zining “muqaddas zot” va bolaning “gunohkor” ekani haqidagi gaplar bilan aybdorlik hissi uyg‘otadi.
O‘zining mukammal ekani, boshqalar ham shunday bo‘lishi kerakligi bilan atrofdagilarni holi-joniga qo‘ymaydiganlar esa odatda nartsisslar bo‘ladi.
Mukammal va muqaddas odam bilan munosabatdagi kishining o‘ziga bahosi pasayadi va reallikni noto‘g‘ri idrok qilishiga ishonib qoladi. Ichida qandaydir diskomfort borligini his qiladi-yu, lekin buni ifodalashni bilmaydi. Toksik odamning xatti-harakatlari esa doim oqlanadi:
“Hozir erimni ishlari yurishmayapti, uning menga baqirishi, qo‘l ko‘tarishi normal”.
“Men bolaligimda juda yomon edim, shuning uchun ota-onam urar edi”.
“Ustozim bu sohani yaxshiroq biladi, mendan ustun, xohlaganday muomala qilishga haqqi bor”.
“Uning menga bunday yomon munosabatini tushunsa va kechirsa bo‘ladi, axir hayoti juda og‘ir kechgan odam bo‘lsa”.
Bu oqlovlar og‘riqni kamaytirish uchun o‘ylab topiladi, lekin kishi shaxs sifatida “ezilib”, ruhiy muammolarini ko‘paytirib boraveradi.
https://t.me/Psixolog_Zuhra
326 viewsZuhra alimjanova, edited 16:16
О
